Mögulegt = nauðsynlegt.

Best að benda á að nánari umfjöllun um málið má sjá á heimasíðu umhverfisráðuneytisins og hægt er að nálgast skýrsluna sjálfa hér (pdf-skjal 5,3 Mb - rúmlega 200 blaðsíður).

Ég er ekki búinn að lesa skýrsluna, en vil benda á að allar þjóðir heims verða að taka höndum saman um að minnka losun CO2, þar á meðal Íslendingar - og reyndar bendir margt til þess að losun CO2 verði að vera orðin nánast hverfandi árið 2050 til að það takist að halda hlýnuninni fyrir neðan tveggja gráðu markið sem þjóðir heims stefna nú að. Sjá t.d. færsluna Hitastig og CO2 og Tveggja gráðu markið.

Það leiðir hugan að því hvort það sé ekki siðferðisleg skylda okkar, þrátt fyrir smæð þjóðarinnar að við stöndum okkur í stykkinu - því þrátt fyrir smæð þá losum við hlutfallslega mikið, miðað við hina frægu höfðatölu. Ef við, ásamt öðrum minni löndum sýnum að okkur sé virkilega alvara í því að láta þessar loftslagsbreytingar ekki ná einhverjum öfgum, þá er aldrei að vita nema að það náist heimssátt í samdrætti CO2-losunar og að stóru þjóðirnar fari að taka sig almennilega á.

Þegar menn horfa til framtíðar og sjá ekkert nema stórlosanir CO2 til bjargar Íslandi, t.d. álver, olíuhreinsunarstöðvar og jafnvel að reyna sjálfir að nálgast olíu eins og á Drekasvæðinu - þá verður fólk að átta sig á því að þannig áform stefna framtíð Íslands í óefni.

Álver - Ég sé enga framtíð í því, álverð mun hríðfalla næstu áratugina, ekki spurning miðað við þá heimsmynd sem við eigum eftir að upplifa ef ekki verður dregið almennilega úr losun CO2 - fyrir utan að við þurfum á orkunni að halda við önnur verkefni framtíðar. Við erum reyndar í hálfgerðum bobba varðandi álverin, þökk sé stefnu fyrri ríkisstjórna.

Olíuhreinsunarstöðvar og olíuframleiðsla - á næstu áratugum munu þjóðir heims neyðast til að hætta smám saman að nota olíu til brennslu - því er líklegt að það verði offramboð af olíu - olíuverð mun þá væntanlega hríðfalla til framleiðanda (þó það haldist örugglega hátt til neytenda í formi skatta). Það er þó alltaf möguleiki á að eftirspurn verði einhver vegna annarra nota á olíunni, en það kemur í sama stað niður, offramboð.

Áður en maður blaðrar meira um þessa skýrslu þá er líklega rétt að lesa hana, ætli maður prenti hana ekki og taki með sér í sumarfríið - svona ef það skyldi verða rigningatíð

Samdráttur um 52% mögulegur

Athugasemdir

[Loftslag.is, 15.6.2009 kl. 09:42]

Sem innlegg í umræðuna, þá vil ég benda á yfirlitsgrein sem skrifuð var fyrir nokkrum dögum sem fer yfir möguleikana miðað við hvað þjóðir heims áætla að þær muni draga losun mikið saman á næstu áratugum: http://www.nature.com/climate/2009/0907/full/climate.2009.57.html

Þar segir meðal annars:

To constrain global warming to within 2 °C, developed countries would need to cut their emissions to 25–40 per cent below 1990 levels by 2020 and to 50–80 per cent below 1990 levels by 2050, according to the best available scientific analyses.

Niðurstaðan er þessi:

According to this analysis, the current best Halfway to Copenhagen pathway has virtually no chance of limiting warming to 2 °C (or 1.5 °C) above pre-industrial temperatures — or, put another way, it is virtually certain to exceed 2 °C.

[Sveinn Atli Gunnarsson, 15.6.2009 kl. 11:14]

Eins og þú segir þá er nauðynlegt að hefja aðgerðir, hvort sem að við höfum möguleika ná 2 gráðu markinu eða ekki. Í því verður að felast einhverskonar vitundarvakning meðal almennings um vandamálið. Við munum aðeins ná árangri með því að fá fólk til að hugsa um þessi mál og gera sér grein fyrir hvað málið er fjallar um, þannig held ég að við munum ná bestum árangri. Annars langar mig að benda á mína eigin færslu varðandi þessar pælingar.

Mbk.