Fleiri neikvæð áhrif á kórallinn.

Í fréttinni, sem ég er að blogga við, er greint frá því að hlýnun sjávar eigi töluverða sök á hnignun kóralrifa (þá vegna hlýnunar jarðar af mannavöldum - vegna útblásturs CO2). En útblástur CO2 hefur einnig önnur og slæm áhrif á kóralrifin, svokallaða Súrnun sjávar af völdum aukins CO2 sem sjórinn gleypir úr andrúmsloftinu:

Breyting á pH gildi sjávar frá 18. öld til lok 20. aldar (heimild earthtrends.wri.org).

Svo má hérna finna yfirlit yfir ástand og horfur, en þar er einnig tengill yfir í meira ítarefni á pdf-formi (558 KB).

Fyrir þá sem halda að þetta hafi ekki áhrif á Íslandi, þá skal á það bent að kórallar, skeldýr og önnur dýr sem að súrnunin hefði mest áhrif á, eru mikilvægir hlekkir í lífríki hafsins við Ísland.

Sjómenn hafa til dæmis bent á það að við komu stórvirkra togara, sem hafa skrapað og eyðilagt kóral hér við land, hafi ástand fiskistofna versnað til mikilla muna hér við land - svokölluð eyðilegging búsvæða (vakning hefur orðið í þessum efnum, samanber í þessari skýrslu frá árinu 2005). Ekki væri á það bætandi ef kórallinn myndi eyðast vegna súrnunar sjávar.

Kóralrifin í hættu

Athugasemdir

[Ólafur Sigurðsson, 13.5.2009 kl. 23:46]

Ég var á togurum í den, þá var togað á þessum rifum, því þá fékkst kannski 2 tonn af stórum karfa eða þokkalegum fiski, en við hentum kannski 5 tonnum af smáu. Svona gekk þetta í marga daga. Trollið í henglum, en við vorum snöggir að bæta. Okkur á dekkinu fannst þetta vera glæpur. En svona kvaddi þessi frægi togari Ingólfur Arnarson Íslandmiðin síðasta sumarið sitt hér við land, þá nefndur Hjörleifur. Skömm er af. Mikil skömm.

[Loftslag.is, 14.5.2009 kl. 00:32]

Jamm, pabbi hefur svipaða sögu að segja og vill ekkert núna nema helst bara krókaveiðar (og netaveiðar utan hrygningasvæða).

[Sigurður Þór Guðjónsson, 14.5.2009 kl. 00:44]

Kóralar Bachs eru nú flottustu kóralarnir.