19. mars - Tímamót

Nú eru þau tímamót að hálft ár er liðið síðan Loftslag.is fór í loftið, sem var þann 19. september 2009. Að því tilefni ætlum við að taka saman yfirlit yfir það helsta frá þessu fyrsta hálfa ári, t.d. hvaða færslur og hvaða föstu síður hafa verið vinsælastar. Fyrst lítum við til bloggfærslna, frétta og gestapistla, þar sem við lítum á hvað hefur verið vinsælast hingað til.

Röð	Heiti færslu	Tegund færslu
1.	Að sannreyna staðhæfingar	Gestapistill
2.	Jöklar Himalaya og álitshnekkir IPCC	Blogg
3.	Að stela bíl og nota fyrir sjónvarp	Blogg
4.	Er jörðin að hlýna?	Blogg
5.	Hakkarar afrita tölvupósta og skjöl	Heit málefni
6.	Vegur niðursveifla í virkni sólar upp á móti hlýnun jarðar af mannavöldum?	Frétt
7.	19. september – Opnun Loftslag.is – 55.000 dagar	Frétt
8.	Hitahorfur fyrir árið 2010	Blogg
9.	Mikil bráðnun Grænlandsjökuls fyrir 6000-9000 árum	Frétt
10.	Meðalsjávarhiti í ágúst sá hæsti fyrir mánuðinn síðan mælingar hófust	Frétt

Það er mjög passandi að það sé gestapistill eftir Halldór Björnsson sem er mest lesna færslan. Við viljum að sjálfsögðu þakka öllum hinum frábæru gestapistla höfundum fyrir góða gestapistla.

En það eru einnig ýmsar fastar síður hjá okkur, m.a. mýtusíðan, kenningarnar ásamt fleiru. Hér undir má sjá hvað var vinsælast af þeim.

Röð	Heiti síðu	Tegund
1.	Mýtur	Yfirlitssíða
2.	Spurningar og svör	Yfirlitssíða
3.	Kenningin	Yfirlitssíða
4.	Afleiðingar	Afleiðingar
5.	Orsakir fyrri loftslagsbreytinga	Kenningin
6.	Um okkur	Yfirlitssíða
7.	Lausnir og mótvægisaðgerðir	Lausnir
8.	Hlýnunin nú er af völdum sólarinnar	Mýta
9.	Grunnatriði kenningarinnar	Kenningin
10.	Það er að kólna en ekki hlýna	Mýta

Síðuflettingar hafa verið rúmlega 37.000 á þessu tímabili. Birtar fastar síður eru 66, en fjöldi færslna, þ.e. blogg, fréttir, gestapistlar, myndbönd og þess háttar eru orðnar 222.

Það má segja að á ýmsu hafi gengið í loftslagsumræðunni. Þar má m.a. nefna ýmsar nýjar rannsóknir sem við höfum tekið fyrir, climategate málið svokallaða og COP15 sem við fylgdumst nokkuð ítarlega með. Þar fyrir utan hafa fréttir og blogg fengið sinn sess á síðunni.

Við erum með síður á Facebook, Twitter og Blog.is og langar okkur að hvetja lesendur til að fylgjast með síðunni þar. Við erum jafnframt að skoða fleiri möguleika til að koma síðunni á framfæri.

Við höfum haft 2 skoðannakannanir og er önnur þeirra í gangi, sjá hliðarstikuna á Loftslag.is.

Við ætlum að sjálfsögðu að halda okkar striki í framtíðinni og fylgjast af krafti með þróun rannsókna og vísinda varðandi loftslagsmál og þeirri, oft á tíðum, heitu umræðu sem umlykur þessi mál nú um stundir. Við hlökkum til að takast á við verkefnið og viljum þakka lesendum okkar fyrir móttökurnar á þessu fyrsta hálfa ári.

Þessi færsla birtist einnig á Loftslag.is - 19. mars - Tímamót

Athugasemdir

[Ágúst H Bjarnason, 19.3.2010 kl. 08:32]

Sælir félagar.

Til hamingju með daginn! 

Getið þið sagt mér eitt. Hvað kom fyrir kolefnismarkaðinn? Er ég að misskilja eitthvað? 

Sjá t.d.  http://www.chicagoclimatex.com/index.jsf

http://www.chicagoclimatex.com/market/data/summary.jsf

Er verðið á tonni komið niður í 10 cent?

Eitthvað hliðstætt á Evrópumarkaðnum, eða eitthvað annað?
http://business.timesonline.co.uk/tol/business/industry_sectors/natural_resources/article7066315.ece

Annað hvort er markaðurinn hruninn eða að ég er að misskilja eitthvað herfilega...

Auðvitað getur vel verið að ég sé að misskilja og að þetta sé bara eitthvað eðlilegt.

[Sveinn Atli Gunnarsson, 19.3.2010 kl. 08:57]

Takk fyrir kveðjuna Ágúst.

Ekki veit ég hvort þú ert að misskilja markaðinn eitthvað, en ætli það sé ekki töluverð óvissa með framvindu mála á þessum markaði (af pólitískum ástæðum), það gæti svo sem haft áhrif á verðið. Í Evrópu fer 3. áfangi af þessum markaði í gang 2013, sem gæti hugsanlega haft áhrif þar. Það litla sem ég hef kynnt mér um þessi mál er í nánast allt í eftirfarandi færslu (við höfum ekki verið að skoða þessa hlið málsins mikið hingað til); Hvað er Cap and Trade ?

[Sveinn Atli Gunnarsson, 19.3.2010 kl. 11:13]

Svo við förum út í létt hjal í tilefni dagsins, þá skemmir þetta náttúrulega öll okkar áform um skjótfengin gróða (við keyptum greinilega á röngum tíma...)

En hvers vegna fylgist þú svona vel með verðinu Ágúst, átt þú kannski nokkur tonn af heimildum?

[Ágúst H Bjarnason, 19.3.2010 kl. 13:18]

http://agbjarn.blog.is/blog/agbjarn/entry/193820/  

Það er um að gera að hafa smá gaman af þessu, því öllu gamni fylgir nokkur alvara.



Enn og aftur, njótið dagsins

[Sveinn Atli Gunnarsson, 19.3.2010 kl. 19:05]

Öllu gamni fylgir einhver alvara, það er rétt, og kannski fylgir alvöru eitthvert gaman einnig...

En mig langar reyndar að setja spurningar í loftið; hvað getur kvabb okkar mannfólksins um hugsanlegar lausnir, á vandamáli sem við stöndum frammi fyrir, sagt okkur um vandamálið? Heldur vandamálið ekki áfram að vera til, þó svo við getum ekki komið okkur saman um að draga úr losun koldíoxíðs eða hvaða leiðir verði notaðar til þess?