Bloggfærslur mánaðarins, desember 2009

Jólakveðja

Við óskum lesendum gleðilegra jóla og farsæls komandi árs.

Það verður rólegt á Loftslag.is yfir hátíðirnar, þó stöku pistlar geti ratað inn ef tilefni gefst. Fyrir þá sem hafa áhuga á að kynna sér Loftslag.is nánar, þá viljum við benda á ýmsa tengla á síðunum, þar sem t.d. má lesa um Vísindin á bak við fræðin, ásamt eldri færslum, m.a. Gestapistla, Blogg ritstjórnar og COP15.

Með jólakveðju,
Ritstjórn Loftslag.is


Kaupmannahafnaryfirlýsingin

Talað var um þrjá möguleika varðandi útkomu loftslagsráðstefnunnar, eins og kom fram í pistli gærdagsins, sem eru; 1) lögformlegur og skuldbindandi samningur, 2) pólitískt samkomulag og 3) lokayfirlýsing (sem yrði túlkuð sem misheppnuð útkoma). 

Helstu atriði Kaupmannahafnaryfirlýsingarinnar, sem er viljayfirlýsing þjóða eftir loftslagsráðstefnunna í Kaupmannahöfn eru eftirfarandi, lesa má nánar um þetta á Loftslag.is, Kaupmannahafnaryfirlýsingin.

Aðalatriðin úr Kaupmannahafnaryfirlýsingunni

Hérundir eru aðalatriðin úr Kaupmannahafnaryfirlýsingunni af loftslagsráðstefnunni, sem 26 lönd þar með talin ESB urðu sammála um á föstudag:

Markmið til lengri tíma:

Samkvæmt yfirlýsingunni á að skera niður í losun CO2 eins og þarf, með skírskotun í það sem vísindin leggja til. Markmiðið er að stöðva hnattræna hlýnun, svo hitastigshækkunin verði ekki meiri en 2°C  á þessari öld.

Fjármögnun til fátækari landa:

Í textanum að yfirlýsingunni segir að það eigi að vera “passandi, fyrirsjánleg og sjálfbær fjárhagslegur forði, tækni og afkastageta uppbyggingar”, sem á að hjálpa þróunarlöndunum í að aðlagast loftslagsbreytingunum. Iðnríkin hafa sett sér markmið um að leggja fram 100 miljarða dollara á ári frá 2020, sem eiga að koma til móts við að hjálpa þróðurnarlöndunum að aðlagast loftslagsbreytingunum. Í einni viðbót við yfirlýsinguna, er loforð um stuðning við þróunarlöndin til skamms tíma, 2010-2012, upp á 10,6 miljarða dollara frá ESB, 11 miljarðar dollara frá Japan og 3,6 miljarðar dollara frá BNA.

Minnkun losunar CO2:

Í textanum eru engin raunveruleg markmið, hvorki til meðallangs tíma (2020) eða til langstíma (2050) um losun CO2. En þar eru loforð ríkja um minnkun losunar reiknuð saman. Á ákveðnu skema getur hvert land fyrir sig, fyrir 1. febrúar 2010, gefið upp hvað þau ætla að gera í þeim efnum.

Staðfesting:

Eitt deiluefnanna í yfirlýsingunni, aðallega fyrir Kína, sem ekki vill alþjóðlegt eftirlit: Er orðað á þann veg, að stóru þróunarríkin eigi að gera upp CO2 losun sína og skýra SÞ frá útkomunni annað hvert ár. Þannig er gert ráð fyrir vísi að alþjóðlegu eftirliti til að uppfylla óskir Vestrænna þjóða um gagnsæi, og að auki að tryggja að “sjálfstjórn þjóða” verði virt.

Verndun skóga:

Í yfirlýsingunni er viðurkennd mikilvægi vegna losun CO2 sem kemur frá fellingu trjáa og eyðileggingu skóga. Það er orðað á þann veg að það skulli vera hvatning til að styðja skref í rétta átt með peningum frá iðnríkjunum.

Viðskipti með CO2 heimildir:

Þetta var nefnt, en engin smáatriði gefin upp. Það er orðað svo, að það skulli nýta fleiri möguleika, þar með talið möguleikann á að nota markaðskerfi til að draga úr losun CO2.

Eldri yfirlit og ítarefni:


mbl.is Rasmussen stoltur af framlagi Dana
Tilkynna um óviðeigandi tengingu við frétt

Mögulegar leiðir?

Síðasti dagur viðræðnanna í Kaupmannahöfn er í dag. Nú er rætt um þrjár mögulegar leiðir varðandi loftslagssamning, hérundir skoðum við muninn á þessum 3 leiðum:

  • Lögformlegur og skuldbindandi samningur: Svipar til og er bindandi eins og Kyoto samningurinn frá 1997 en þó með nákvæmari markmið varðandi takmarkanir losunar á heimsvísu og loforð um fjárhagslegan stuðning til þróunarríkjanna. Svona samning þurfa einstök lönd að samþykkja og hann þyrfti að innihalda viðurlög ef þjóðirnar standa ekki við losunarmarkmið sín.
  • Pólitískt samkomulag: Rammasamningur, sem inniheldur pólitísk markmið, en engar fastar skuldbindingar. Svoleiðis samkomulag þyrfti svo að ræða nánar á næstu mánuðum til að ganga frá smáatriðum þess. Samkomulagið myndi svo enda sem lögfræðilega bindandi alþjóðlegur samningur sem löndin þyrftu svo að staðfesta.
  • Lokayfirlýsing: Óskuldbindandi yfirlýsing um áætlanir þjóða og yfirlýst loforð. Öll óleyst mál yrðu geymd þar til á næstu loftslagsráðstefnum, þ.e. í Bonn og Mexíkó, sem verða í haldnir í byrjun júní og í nóvember 2010. Svona yfirlýsing myndi verða túlkuð sem misheppnuð útkoma.
Þetta ásamt fleiru er tekið fyrir í yfirlistfærslu gærdagsins (dagur 11) frá Kaupmannahöfn á Loftslag.is - Möguleg leið, spil og ferli

Eldri yfirlit og ítarefni:


mbl.is Ísland minnki losun um 30%
Tilkynna um óviðeigandi tengingu við frétt

Kröfur og væntingar þjóða

COP15Eitt af stóra málinu við samningagerð svo margra þjóða er hversu ólík nálgun landanna er varðandi samninga. Það eru margskonar kröfur og væntingar sem þarf að ná saman um svo samkomulag náist. Þetta gætu því orðið erfiðir tímar sem eftir eru, þegar þjóðarleiðtogar reyna  að ná saman um ólík málefni. Í frétt af Dr.dk kemur m.a. fram að Danir búist ekki lengur við því að hægt verði að ná samkomulagi, til þess séu of margar hindranir, sérstaklega meðal G77 landanna, samkvæmt dönsku fréttinni. Ráðstefnan líkur fyrst á morgun, þannig að enn fara fram viðræður, hvað sem gerist á þeim.

Á Loftslag.is tókum við saman helstu kröfur og væntingar þjóða til hugsanlegs samkomulags - Kröfur og væntingar þjóða

Eldri yfirlit og ítarefni varðandi COP15:

 


mbl.is Enn pattstaða í Kaupmannahöfn
Tilkynna um óviðeigandi tengingu við frétt

Afglöp, bjartsýni og formannsembætti

COP15Nú er 10. degi loftslagsráðstefnunar að ljúka. Samkvæmt fréttum dagsins, þá lítur ekki út fyrir að mikillar bjartsýni gæti varðandi það hvort samningar náist. Connie Hedegaard varð að láta formannsembættið í hendur Lars Løkke Rasmussen forsætisráðherra Danmerkur í dag. Í ljós hefur komið nokkur óánægja með störf hennar, sérstaklega frá stóru þróunarríkjunum. Á þessum síðustu tímum ráðstefnunnar lítur út fyrir að erfitt verði að ná samkomulagi, m.a. vegna þess að þróunarríkin telja að of lítið fjármagn komi frá ríkari þjóðum. Lars Løkke Rasmussen og Gordon Brown héldu fund í kvöld þar sem þeir fóru yfir málin, ekki hefur enn komið fram, hvað þar fór fram.

Nánar er farið yfir atriði dagsins (dagur 10) ásamt greiningu á aðalatriðum dagsins á Loftslag.is

Eldri yfirlit og ítarefni:

 


mbl.is Heita 2.500 milljörðum króna
Tilkynna um óviðeigandi tengingu við frétt

Stjórnmálaleiðtogar koma til Kaupmannahafnar

COP15Leiðtogar ýmissa landa streyma núna til Kaupmannahafnar. Í gærkvöldi var opinber athöfn þar sem lokaáfangi ráðstefnunar var formlega settur. Þetta er sá áfangi þar sem stjórnmálaleiðtogar landanna koma saman og reyna að ná saman um lokaatriði samninganna. Það eru ýmis óleyst mál og aðeins um 48 tímar til að leysa úr þeim. Mikið hefur mætt á Connie Hedegaard formanni ráðstefnunnar á síðustu dögum og ljóst þykir að næstu 2-3 sólarhringar munu einnig verða áskorun fyrir hana. Hún hefur lagt áherslu á mikilvægi þess að ná samkomulagi í Kaupmannahöfn. Viðræðurnar eru nú að fara yfir á hið pólitíska stig, þar sem endanlegar ákvarðanir verða teknar, ef samkomulag næst.

Nánar er farið yfir atriði gærdagsins (dagur 9) ásamt greiningu á aðalatriðum dagsins á Loftslag.is

Eldri yfirlit og ítarefni:


mbl.is Annan: Bandaríkin taki forystuna
Tilkynna um óviðeigandi tengingu við frétt

8. dagurinn í Kaupmannahöfn

COP15Áframhald var á mótmælum í Kaupmannahöfn í dag, þó meiri ró væri yfir þeim og mun færri handtökur en um helgina. Tölvupóstur sem um tíma var talin vera frá samninganefnd Kanadamanna olli ruglingi, þar sem það kom fram í tölvupóstinum að Kanadamenn ætluðu að draga nokkuð meira úr losun, miðað við fyrri tillögur. Síðar kom í ljós að þessi tölvupóstur var blekkingarleikur og ekki hefur komið í ljós hver sendi hann. Í morgun kom staðfesting frá nokkrum Afríkuríkjum að þau vildu ekki vera með á fundum sem áætlaðir voru í Bella Center í dag, ef ekki yrðu breytingar á viðræðunum. Þetta hefur haft áhrif á viðræður dagsins. Hugsanlegar sjávarstöðubreytingar framtíðarinnar voru einnig í kastljósi dagsins.

Nánar má lesa um helstu atriði 8. dagsins á Loftslag.is - Vanda afstýrt, mótmæli og biðraðir

Eldri yfirlit og ítarefni:


mbl.is Gagnrýna danska formanninn
Tilkynna um óviðeigandi tengingu við frétt

COP15: Helgin í hnotskurn

COP15Það sem aðallega situr eftir, eftir yfirlestur helstu frétta af loftslagsráðstefnunni í Kaupmannahöfn nú um helgina, eru fréttir af mótmælum og handtökum. Það hafa þó einnig staðið yfir stíf fundarhöld og ráðherrar ýmissa landa komu til Kaupmannahafnar til að taka þátt í ráðstefnunni, enda margir lausir endar sem þarf að ganga frá ef einhver von á að vera á því að samningar náist. 

Sjá nánar á Loftslag.is - Helgin í hnotskurn

Eldri yfirlit og ítarefni:


mbl.is Uppnám á loftslagsráðstefnu
Tilkynna um óviðeigandi tengingu við frétt

Sjávarstöðubreytingar

Ekki ætlum við hér að taka sérstaka afstöðu til þessarar skýrslu sem um er rætt í fréttinni, en við höfum skrifað ýmislegt um sjávarstöðubreytingar á heimasíðunni Loftslag.is. Nýlega kom út skýrsla, sem kölluð er Kaupmannahafnargreiningin, í henni kom eftirfarandi fram:

Sjávarborðshækkun endurmetin: Fyrir árið 2100, er líklegt að sjávarborð muni hækka 2. sinnum meira en áætlanir vinnuhóps 1, í matsskýrslu 4 hjá IPCC gerðu ráð fyrir, án nokkurra mótvægisaðgerða gæti sú tala farið yfir 1 meter. Efri mörk hafa verið áætluð um 2 metra sjávarborðshækkun fyrir 2100. Sjávarborð mun hækka í margar aldir eftir að jafnvægi er komið á hitastig, og nokkra metra sjávarborðshækkun á næstu öldum er því talið líklegt.

Einnig langar mig að benda á fína umfjöllun Halldórs Björnssonar á vef Veðurstofunnar um Kaupmannahafnargreininguna.

Meira ítarefni um sjávarstöðubreytingar:

Jöklabreytingar og hækkun sjávarborðs heimshafanna - Tómas Jóhannesson

Myndband: Bráðnandi ís, hækkandi sjávarstaða - Fróðlegt myndband frá NASAexplorer 

Ítarleg skýrsla um loftslag Suðurskautsins - Nýleg skýrsla um gang mála á Suðurskautinu


mbl.is Hafið gæti hækkað um 2 metra
Tilkynna um óviðeigandi tengingu við frétt

Hvaða samningsforsendur hafa þjóðirnar með til Kaupmannahafnar

COP15Það eru mjög ólíkar væntingar og kröfur sem einstakar þjóðir og samtök þjóða hafa til þeirra samninga sem reynt er að ná saman um í Kaupmannahöfn. Sjá helstu áherslur varðandi hugsanlega samningagerð fyrir nokkrar helstu þjóðirnar í yfirliti af Loftslag.is.

Einnig viljum við minna á yfirlitssíðu, með öllum færslum varðandi COP15 ráðstefnuna í Kaupmannahöfn á heimasíðunni Loftslag.is


mbl.is Ban Ki-moon hæfilega bjartsýnn
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband