Um yfirvofandi Litla Ísöld

Nú keppast ýmsir við að benda á fréttir sem birtast á pressan.is og mbl.is um yfirvofandi litla ísöld - vegna minni sólvirkni og vegna möguleikans á því að sú sólvirkni eigi eftir að minnka enn frekar, jafnvel svo að lægðin fari niður í sama far og á sautjándu öld. Þær fréttir eru hafðar eftir BBC sem þykir almennt séð frekar áreiðanlegur miðill og því eðlilegt að sumir gapi, enda vita flestir að hnattræn hlýnun er á fullu gasi og ekkert sem bendir til þess að hún sé á undanhaldi - síður en svo.

Það er einmitt svo að þegar betur er að gáð, þá er frétt BBC alls ekki á sama veg og hjá pressan.is eða mbl.is. Vissulega er fréttin um minni sólvirkni, en það fylgir sögunni hjá BBC að þó sólvirknin haldi áfram að minnka, þá hafi það lítil sem engin áhrif á hina hnattrænu hlýnun - gefum Prófessor Mike Lockwood orðið:

"If we take all the science that we know relating to how the Sun emits heat and light and how that heat and light powers our climate system, and we look at the climate system globally, the difference that it makes even going back into Maunder Minimum conditions is very small.
"I've done a number of studies that show at the very most it might buy you about five years before you reach a certain global average temperature level. But that's not to say, on a more regional basis there aren't changes to the patterns of our weather that we'll have to get used to."

Vísindamenn telja því að þetta geti tafið hina hnattrænu hlýnun kannski um fimm ár, þ.e. ef ástand sólar fer niður í sama far og á sautjándu öld. Staðbundið geti þessar breytingar þó valdið því að það verði nokkuð kaldara yfir vetrartímann á ákveðnum svæðum, t.d. í norður Evrópu.

Einhverra hluta vegna sleppa pressan.is og mbl.is að útskýra hvað þetta þýðir fyrir okkur í dag - að þessi afdrifaríka breyting í sólinni núna myndi rétt duga til að setja hlýnunina í pásu og þessar fréttastofur gefa sér að möguleg minnkandi sólvirkni hafi sömu áhrif nú og á sautjándu öld.

En við skulum líta aðeins á hvað er til í því að kuldatímabil eða kuldaskeið sé í vændum.

Litla Ísöldin og núverandi hlýnun

Sjá nánar á loftslag.is: Um yfirvofandi Litla Ísöld


mbl.is Kaldari veður og sjaldséð norðurljós?
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Brynjólfur Þorvarðsson

Greinin á loftslag.is er einstaklega góð og fræðandi!

Brynjólfur Þorvarðsson, 21.1.2014 kl. 14:25

2 Smámynd: Jón Steinar Ragnarsson

Þú talar um 17. Öld sem kuldaskeið, er það rétt skilið? Eftir minni bestu vitund, þá var mikið hlýnunarskeið á miðöldum svo englendingar voru meira að segja á fullu í vínrækt. Á 19. Öld og fram á þá 20. Var svo aftur tímabil, sem kallað var litla ísöld og má t.d. Vísa til frostavetursins mikla í því samhengi.

Í lengra samhengi má raunar alveg halda því fram að við séum enn í lokahluta skeiðs sem flokkast undir ísöld. Jöklar hafa áður verið mun minni en nú allavega, þótt þeir hjaðni ár frá ári.

Vonandi hlýnar á ný, svo við getum jafnvel farið að rækta vín hér heima eins og áður mun hafa verið mögulegt.

Gaman annars að sjá að þú telur sólvirkni mögulegan áhrifavald á loftslag jarðar.

Jón Steinar Ragnarsson, 21.1.2014 kl. 17:21

3 Smámynd: Höskuldur Búi Jónsson

17. öld var ekki kuldaskeið - 17. öldin var köld og hluti af Litlu Ísöldinni.

Undanfarin 10-12 þúsund ár hafa hingað til verið flokkuð sem hlýskeið ísaldar - hins vegar er byrjað að tala um Anthropocene frá því iðnbyltinginn hófst vegna áhrifa manna á loftslag.

Hvaða heimildir hefur þú fyrir því að hér hafi verið ræktað vín?

Ég hef skrifað um sólvirkni frá því ég byrjaði þetta blogg og áður en loftslag.is varð til - sjá færslu frá því í mars 2009 og því ósanngjarnt af þér að tala um að ég hafi ekki talið sólvirkni áhrifavald á loftslagi jarðar. Einn af fyrstu póstunum á loftslag.is er um svipað - skoðaðu það og segðu mér að ég telji sólvirkni ekki hafa áhrif á loftslag jarðar.

Annars átti athugasemdaglugginn hér að vera lokaður - þú mátt halda áfram þessu spjalli á loftslag.is ef þú vilt.

Höskuldur Búi Jónsson, 21.1.2014 kl. 19:42

Innskráning

Ath. Vinsamlegast kveikið á Javascript til að hefja innskráningu.

Hafðu samband