Mælingar staðfesta kenninguna

Eftirfarandi spurningu svarar langmestur hluti vísindamanna játandi (sjá Doran og Zimmarman 2009):

Do you think human activity is a significant contributing factor in changing mean global temperatures?

Þar er almennt átt við að athafnir manna, þ.e. losun gróðurhúsalofttegunda – mest þó CO2 vegna bruna jarðefnaeldsneytis og því má búa til eftirfarandi fullyrðingu á íslensku – sem ætla má að flestir vísindamenn taka undir:

Jörðin er að langmestu leiti að hlýna vegna styrkaukningar CO2 í andrúmsloftinu af völdum losunar manna, þá mest vegna bruna jarðefnaeldsneytis.

En hvernig er vitað að þessi fullyrðing stenst skoðun. Er þetta ekki bara kenning eða eru einhverjar mælingar sem styðja þessa fullyrðingu?

Til að skoða það er mögulegt að skipta fullyrðingunni niður í þrjár spurningar og reyna að svara þeim, byrjum á fyrstu spurningunni:

1 – Er jörðin að hlýna?

Svarið við þessari spurningu er augljós ef skoðað er línurit með hitastigi frá því fyrir aldamótin 1900 að jörðin er að hlýna:

Hitastig jarðar frá 1880-2009 (gögn frá GISS).

Til að kynna sér þetta nánar, er hægt að lesa restina af þessari færslu á Loftslag.is, þar sem eftirfarandi 3 spurningum verður svarað, 1. Er jörðin að hlýna? - 2. Veldur CO2 hlýnuninni? - 3. Er aukningin á styrki CO2 í andrúmsloftinu af völdum manna?

• Mælingar staðfesta kenninguna

Athugasemdir

[Gísli Sigurðsson, 4.4.2010 kl. 15:32]

Hvernig liti þetta graf út ef skoðuð væru 1.000 ár? Eru ekki sveiflur af náttúrulegum orsökum í hitafari jarðar, samanber ísaldir og aðra óáran. Rakst á grein þar sem bent er á að þetta litla gos sem nú er í gangi á Fimmvörðuhálsi er búið að menga jafnmikið og allur iðnaður og annað líf okkar Íslendinga síðustu 10 ár. Miðað við þetta þá virðumst við mannskepnan ansi lítil í öllu samhengi við sjálfa náttúruna, sem nb við erum hluti af.

[Stjörnufræðivefurinn (www.stjornufraedi.is), 4.4.2010 kl. 15:43]

Svo við vitnum í sama mann, þá skrifaði hann daginn áður:

"Framlag eldfjalla er því aðeins 1/120 til 1/230 af heildarlosun koltvíoxíðs á jörðinni, eða vel innan við eitt prósent. Sem sagt: það er ekki hægt að kenna eldgosum um loftslagsbreytingarnar, amk. ekki ío þetta sinn."

http://vulkan.blog.is/blog/vulkan/entry/1037952/

[Sveinn Atli Gunnarsson, 4.4.2010 kl. 16:22]

Fyrir utan svo að Haraldur gerði smá skekkju í útreikningunum sá ágæti maður, þannig að fyrstu tölur um að gosið sé búið að menga á við 10 ára losun koldíoxíðs er röng. Haraldur hefur leiðrétt það á síðunni sinni.

Það er einnig rétt sem Stjörnufræðivefurinn nefnir um heildarlosunina.

Mig langar einnig að benda á ágætan fróðleik um loftslagsbreytingar fyrri tíma, þar sem farið er yfir ýmsar orsakir loftslagsbreytinga, sem ekki verða eingöngu vegna losunar koldíoxíðs.

[Gísli Sigurðsson, 4.4.2010 kl. 17:51]

Já sæll Svatli, ég segi nú bara pass, mát og ég veit ekki hvað. Þetta var dálítið stór skammtur af upplýsingum fyrir fáfróðan alþýðumann eins og mig.

[Sveinn Atli Gunnarsson, 4.4.2010 kl. 18:35]

Sæll Gísli

Það er um að gera að taka þetta bara í smáum skömmtum. En þess ber að geta að það eru margar mýtur í umræðunni, t.d. um að vegna þess að það hafi áður verið loftslagsbreytingar (sem er staðreynd), þá geti núverandi loftslagsbreytingar ekki verið vegna losunar gróðurhúsalofttegunda, sjá t.d. mýtuna Afsanna loftslagsbreytingar fyrri tíma, hlýnun jarðar af mannavöldum?

Ef þig vantar eitthvað lesefni þá er mæli ég með tenglunum á þessari síðu; Kenningin,  þar sem farið er yfir ýmislegt um fræðin.

Að mínu mati virðist nefnilega vera tiltölulega auðvelt að sá efasemdum um fræðin, en erfiðara að útskýra þau. Það var m.a. þess vegna sem við settum síðuna loftslag.is af stað, til að reyna að útskýra þessi mál á (vonandi) einfaldan hátt. Það er allavega ekki ætlunin að rugla lesendur í ríminu. Lesendum er velkomið að spyrja um ákveðna hluti, ágætt er að vísa í einhverja umfjöllun (okkar eða annarra) í sambandi við það. Við reynum alltaf að svara fyrirspurnum.