Niðurdæling CO2 í jarðlög - til framtíðar?

Þegar menn hugsa um afleiðingar losunar CO2 út í andrúmsloftið, þá er sjaldnast hugsað lengra fram í tíman en nokkrar aldir og flestir hugsa í raun aðeins um afleiðingar sem það hefur á þessari öld. Það sama á við þegar verið er að meta kosti og galla þess að dæla CO2 niður í jarðlög til að koma í veg fyrir frekari losun og þeim möguleika að minnka styrk CO2 í andrúmsloftinu með þeim hætti.

[...] 

Það má lesa nánar um þetta efni á loftslag.is, Niðurdæling CO2 í jarðlög – til framtíðar?

Tengdar færslur á loftslag.is

• Tag – Kolefnisfótspor
• Rafmagnsbílar
• CO2 – áhrifamesti stjórntakkinn
• Fjöldaútdauði lífvera
• Súrnun sjávar – hinn illi tvíburi

 

Athugasemdir

[Gunnar Th. Gunnarsson, 11.7.2010 kl. 12:30]

Hann er merkilega vitlaus, pistillinn hans Höska í þetta sinn.

Vísindamenn sögðu í kringum 1974 að olían yrði upp urin um næstu aldamót. Þessar "upplýsingar" vísindamannanna urðu orsök olíukreppunnar miklu, á áttunda áratug síðustu aldar. Höski er kominn með nýtt ártal á endalokum jarðefnaeldsneytis á jörðinni, nú eru mörkin sett við árið 2200.

En þá kemur að mótsögninni í pistli Höska. Hann talar um hitastig jarðar eftir að tiltekið magn jarðefna brenni á ári. Ef allt jarðefnaeldsneyti er búið árið 2200 og mannkynið hefur bundið nánast allt Co2 í jarðlögum, þá er 1% leki vel ásættanlegur. Hvernig Höski fær það út, að lofstlagshysterían verði við fulla heilsu árið 20 þúsund, er mér hulin ráðgáta.

[Sveinn Atli Gunnarsson, 11.7.2010 kl. 14:17]

Gunnar: ég held að þú ættir að lesa þetta aftur.

Þetta eru vangaveltur, þar sem gert er ráð fyrir ákveðnum skilyrðum, það er engin að segja að þetta sé eða verði nákvæmlega svona...heldur eru þetta forsendurnar sem að eru gefnar upp í greininni sem veltir þessu upp. T.d. segir orðrétt í pistlinum:

Til að skoða það, þá bjó hann sér til ímyndaða sviðsmynd

Aðalatriðið er þó þetta samkvæmt greininni; að þó að við næðum að dæla mestu af losun okkar á CO2 niður í jarðlögin, þá myndi leki upp úr jarðlögunum þó valda því að eitthvað myndi komast aftur út í andrúmsloftið og eftir því hversu mikill lekinn er (samkvæmt þessari sviðsmynd) þá erum við í hugsanlega í besta falli að seinka því að CO2 komist út í andrúmsloftið. Þetta eru fróðlegar vangaveltur, sem gætu orðið til þess að við athugum þennan þátt betur þegar að því kemur að dæla CO2 í jarðlögin.

Það er merkilega vitlaust að segja að vangaveltur þessarar greinar séu vitlausar...

[Vilhjálmur Eyþórsson, 11.7.2010 kl. 15:10]

Eitt af mörgu merkilegu er, að enginn virðist vita eða skilja, að jurtirnar á landi, í vötnum og ekki síst í höfunum lifa og nærast á koldíoxíði. Þær þurfa gífurlegt magn á hverjum degi, hve mikið veit enginn og enginn virðist hafa áhuga á því. Allt tal um meinta „aukningu“ er út í hött meðan ekki er vitað hvað mikið jurtirnar taka til sín. Og eitt enn: Hvað þarf stórar dælur og hvað lengi þarf að dæla til að koma öllu því kodíoxíði, sem upp kom í nýlegu eldgosi aftur niður í jörðina?

[Sveinn Atli Gunnarsson, 11.7.2010 kl. 16:45]

Tvennt hérna: 1) Sú aukning sem hefur orðið á styrk koldíoxíðs í andrúmsloftinu er vegna losunar mannkyns á koldíoxíði, plönturnar hafa ekki tekið þá aukningu til sín, sjá Mælingar staðfesta kenninguna. 2) Það þarf mun stærri dælur til að dæla því sem kemur frá mannkyninu en þessu litla eldgosi sem var í nýlegu eldgosi á Eyjafjallajökli, enda er losun mannkyns um 100 sinnum meiri en losun eldgosa á ári hverju, sjá eftirfarandi mýtu. En það er ekki verið að skoða í þessum pistli hvort að þetta sé mögulegt heldur verið að velta vöngum yfir hvaða vandamál gætu verið ef það lekur og hvaða áhrif það hefði...

Þessi atriði hef ég nefnt við þig orðið nokkuð oft í gegnum tíðina kæri Vilhjálmur...en þú virðist ekki lesa það sem ég vitna í eða vera haldin einhverri óskiljanlegri blindu á mælingar og heimildir um þessi mál. Ef þú hefur einhverjar vísindalegar heimildir fyrir því jurtir gleypi alla losun mannkyns af CO2, sýndu þá fram á það (hef beðið um það nokkuð oft núna), ef ekki...þá er spurning hvort að þú getir notað þessar rökleysur þínar aftur til nokkurs...

[Vilhjálmur Eyþórsson, 11.7.2010 kl. 16:59]

Jurtirnar virðast mjög snemma hafa „étið“ nánast allt kodíoxíð úr gufuhvofinu. Fyrir um fjórum milljörðum ára, áður en lífs varð vart, var koldíoxíð ekki minna en 20% gufuhvolfsins, en þótt það hafi streymt úr iðrum jarðar æ síðan var það orðið innan við 0.01% strax á dögum risaeðlanna. Á þessum tæpu fjórum ármilljörðum virðast jurtirnar hafa étið upp nánast allt koldíoxíðið. Til marks um það er m.a. sú staðreynd að óbundið súrefni var alls ekkert í upprunalegu gufuhvolfi jarðarinnar, en nú er þessi „saur jurtanna“ heil 20.9% þess. Þetta sýnir hve gífurlegt magn jurtirnar éta af koldíoxíði. Mest hafa þær bundið í kalkstein, sumt í kol o.fl.

Það sem mér finnst alveg sláandi er, hve lítið er talað um koldíoxíðupptöku jurtalífsins. Ef aftur skyldi hlýna batna að sjálfsögðu lífsskilyrði jurtanna svo þær geta tekið enn meira til sín. Eitt enn, sem aldrei er talað um: Hvað með sveppagróðurinn á landi, í höfum og vötnum? Hann framleiðir gífurlegt magn koldíoxíðs, en gróðurhúsaliðið virðist alls ekki vita neitt um það. Hér er nefnilega um að ræða hringrás náttúrinnar, sem staðið hefur í milljarða ára og er miklu, miklu stærri  og flóknari en svo að brölt mannanna geti haft nein afgerandi áhrif. 

[Sveinn Atli Gunnarsson, 11.7.2010 kl. 17:32]

Vilhjálmur: Hringrásinn sem þú nefnir hefur staðið í miljarða ára og koldíoxíðmagnið hefur ekki alltaf verið það sama, það er ljóst. En þessi hringrás hefur nú verið trufluð af losun okkar með bruna jarðefnaeldsneytis... Það er stutt með mælingum. Það er nokkuð vel þekkt hver upptaka koldíoxíðs er vegna jurtalífsins og það er nokkuð vel þekkt hver losun mannkyns er. Það að kalla okkur "gróðurhúsaliðið" eykur ekki á slagkraft rökleysa þinna...þó svo þú haldir það ;)

En nú bið ég þig, Vilhjálmur, um að fara og reyna að finna heimildir fyrir einhverjum af þeim staðhæfingum sem þú heldur fram... - Gangi þér vel :)