Hitastig júlímánaðar á heimsvísu

Helstu atriði varðandi hitastig júlímánaðar á heimsvísu í myndum, sjá nánar á loftslag.is, Hitastig | Júlí 2010

 

Heimildir og annað efni af loftslag.is:

• Heitustu 12 mánuðir síðan mælingar hófust
• Hitastig | Júní 2010
• NASA | Heitasta 12 mánaða tímabilið
• Hitastig árið 2009
• NOAA – júlí 2010
• Tag – Mánaðargögn
• Tag – Hitastig
• Helstu sönnunargögn

 

Athugasemdir

[Arnór Baldvinsson, 18.8.2010 kl. 06:23]

Sælir,

Það er athyglisvert að skoða kortið fyrir Júlí 2010.  Þar sést að það er búinn að vera "kuldapollur" á austanverðu Kyrrahafi.  Við höfum einmitt fundið fyrir þessum "kuldapolli" hér í norðvestur Washington fylki, því sumarið hér hefur verið óvenju svalt.  Þetta er reyndar bara annað sumarið okkar hérna en sumarið 2009 var mun hlýrra.  Í sumar hafa legið svalir þokubakkar frá Kyrrahafinu hér inn á Juan de Fuca sundið, milli Olympíuskagans (Olympic Peninsula) og Vancouver eyju í Kanada og oft verið kafþykk þoka við ströndina hérna í Port Angeles, þó bjart væri til landsins.  Ég man ekki eftir einum einasta þokudegi hér í fyrra, en það er auðvelt fyrir okkur að fylgjast með þessu þó við sjáum ekki niður á ströndina þaðan sem við búum, því við heyrum í þokulúðrum sem eru við strandgæslustöðina á Ediz Hook tanganum. 

Af kortinu má sjá að þessi "kuldapollur" teygir sig niður með og yfir Suður Ameríku til Suðuríshafsins og nær þar nánast allan hringinn.  Gaman væri að heyra hvaða tilgátur menn hafa fyrir þessum "kuldapolli".

Kveðja,

[Höskuldur Búi Jónsson, 18.8.2010 kl. 08:59]

Samkvæmt NOAA, þá virðist þetta vera í takt við vaxandi La Nina (andstæðu El Nino) - en þá kólnar venjulega við miðbaug Kyrrahafs. Þú getur skoðað hvað þeir segja hér: State of the Climate - Global Analysis July 2010 

[Sveinn Atli Gunnarsson, 18.8.2010 kl. 09:09]

Þess má geta að NOAA er líka með það sem þeir kalla National Overview, sem á við um Bandaríkin, þar er m.a. komið inn á landssvæðin í BNA, sjá nánar State of the Climate - National Overview - July 2010. Það er kannski nærtækara að finna nánari svör fyrir ákveðin landssvæði þar. Mér finnst hugsanlegt að þetta tengist á einhvern hátt La Nina eins og Höski kemur inn á.

[Emil Hannes Valgeirsson, 18.8.2010 kl. 09:44]

Mér finnst þetta áhugavert innlegg hjá Arnóri. Kyrrahafið hefur verið að kólna meðfram allri Vesturströndinni. Við miðbaug er það hin nýja La Nina. Þar norður af er kaldi PDO fasinn kominn á fullt (Pacific Decatal Oscillation) eins og svo oft undanfarin ár, en margir vilja meina að PDO muni ráða ríkjum að mestu næstu 1-3 áratugi og efasemdarmenn um Global Warming segja að draga muni stórlega úr hnattrænni hlýnun eða kólna vegna þess.

[Sveinn Atli Gunnarsson, 18.8.2010 kl. 10:04]

Já þetta eru fróðlegar vangaveltur Emil. Ég þýddi reyndar grein fyrir nokkru síðan þar sem reynt var að skoða þetta, einmitt út frá staðhæfinum "efasemdarmanna" um kólnun á næstu 30 árum, sjá Áratugasveiflur hitastigs. Verð að taka það fram að mér fannst ekki létt að þýða þetta á sínum tíma þ.a.l. hafði ég einhverskonar athugasemdir með varðandi minn skilning, vonandi er það rétt skilið hjá mér og skiljanlegt öðrum líka ;)

[Arnór Baldvinsson, 18.8.2010 kl. 20:52]

Takk fyrir linkana:)  Það sem mér finnst líka áhugavert er þessi sérkennilegi kuldapollur yfir austur Rússlandi, næstur við sterka hita uppsveiflu í vestur Rússlandi og austur Evrópu og eins Síberíu.  Ef við skoðum kortið fyrir Janúar 2010 á http://www.ncdc.noaa.gov/sotc/?report=global&year=2010&month=1&submitted=Get+Report þá má sjá að þessi pollur hefur verið breiðari þá.  Ef við skoðum Janúar 2009 (http://www.ncdc.noaa.gov/sotc/?report=global&year=2009&month=1&submitted=Get+Report) þá er þarna hitabylgja.  Þarf að kíkja betur á þetta við gott tækifæri:)

Kveðja