Hitastig í september og árið fram til þessa í hæstu hæðum

Hitastigið á árinu fram til loka september er í hæstu hæðum á heimsvísu. Septembermánuður er ekki meðal allra hlýjustu septembermánaða, en þó er hitastigið fyrir árið í heild enn hátt. Hvort að árið verður það hlýjasta fram að þessu er enn mjög óljóst, en það mun þó væntanlega enda ofarlega á lista.

[...] 

Nánar á loftslag.is, Hitastig í september og árið fram til þessa í hæstu hæðum. Hér undir er mynd með hitafrávikunum í september, í færslunni á loftslag.is, er meiri greining á hitastiginu í september og á árinu fram til þessa.

Athugasemdir

[Ágúst H Bjarnason, 19.10.2010 kl. 12:13]

Sælir.

Til fróðleiks:

Hér er septembermánuður samkvæmt  HadCRUT3 gögnunum sem sækja má á netið. Frávikið var 0,391°C

Á myndinni má sjá nýliðinn september samanborið við septembermánuði 1997 til 2009.   Gögnin ná reyndar aftur til 1850... ef einhver hefur áhuga. (Gögnin má t.d. opna með Notepad eða jafnvel Word og flytja yfir í Excel).

HadCRUT3 er samkvæmt mælingum gerðum með hefðbundnum mælingum á jörðu niðri. http://www.cru.uea.ac.uk/

Munur milli ára er oft ekki mikill. Hver ætli skekkjumörk séu?

 

[Sveinn Atli Gunnarsson, 19.10.2010 kl. 12:38]

Takk fyrir þetta Ágúst, þetta er ekki svo fjarri því sem NOAA kemur fram með, það fer eftir hvaða tölu maður skoðar, t.d. er í töflunni yfir hitafrávikið fyrir september á heimsvísu, bæði fyrir haf og land, 0,50°C.

Skekkjan er alltaf einhver, en hún breytir nú ekki stóru myndinni að neinu ráði. Hitastigið sem af er ári er í hæstu hæðum, jafnt hitastiginu fyrir árið 1998 (jan-sept) og nærri 2005 (jan-sept). Það er spurning hvernig restin af árinu þróast miðað við restina þessi 2 ár sem nefnd eru, hvernig endanleg röð verður.

[Emil Hannes Valgeirsson, 19.10.2010 kl. 13:03]

Svo má líka nefna að samkvæmt gervihnattamælingum var september í 1. sæti frá upphafi mælinga. Bæði samkvæmt UAH og RSS.

GISS er svo með september í 4. sæti. 

Þetta má t.d. sjá hér: http://www.junkscience.com/MSU_Temps/Warming_Look.html

[Sveinn Atli Gunnarsson, 19.10.2010 kl. 13:22]

Takk fyrir þetta Emil. Ég verð nú að segja að ég átti von á að hitafrávikið yrði lægra núna í september, þar sem La Nina er farinn á skrið. Spurning hvaða áhrif það mun hafa á þessa 3 síðustu mánuði ársins.