Yfirlýsing frá breska jarðfræðafélaginu um loftslagsbreytingar

Breska jarðfræðafélagið (e. Geological Society of London) hefur útbúið yfirlýsingu um loftslagsbreytingar, þar sem áhersla er lögð á jarðfræðigögn og hvað þau segja okkur. Jarðfræðigögn gefa töluverðar upplýsingar um það hvernig loftslag Jarðar hefur breyst til forna og veita mikilvægar vísbendingar um hvernig loftslagsbreytingum gæti háttað í framtíðinni. Yfirlýsingin byggir þannig á gögnum jarðfræðinnar, en ekki á nýlegum  hitastigsmælingar við yfirborð eða með gervihnöttum, né byggir yfirlýsingin á loftslagslíkönum. Það er alveg þess virði að lesa yfirlýsinguna, en þar koma fram töluverðar upplýsingar auk notadrjúgra ritrýnda heimilda (sjá tengla í lok færslunnar).

Það má lesa um nokkur lykilatriði yfirlýsingarinnar á loftslag.is, Yfirlýsing frá breska jarðfræðafélaginu um loftslagsbreytingar

Tengt efni á loftslag.is

• Yfirlýsing GSA um loftslagsbreytingar
• Metan og metanstrókar
• Súrnun sjávar hraðari en fyrir 55 milljónum ára
• Sameiginleg yfirlýsing þriggja breskra stofnana
• Yfirlýsing frá Vísindaráði Bandaríkjanna
• Spurt og svarað um sjávarstöðubreytingar

 

Athugasemdir

[Kristinn Pétursson, 10.11.2010 kl. 03:46]

Fróðlegt að lesa  þetta frá Breska Jarðfræðifélaginu.

Ég er frekar efins um að áhrif mannsins séu eins mikil á andrúmsloft nútímans og oft er látið í veðri vaka.  Náttúran er svo hrikalega miskunnarlaus og brellin að mannsskepnan fær þar varla miklu ráðið.

Takk fyrir þennan fróðleik frá Breska Jarðfræðifélaginu.

[Höskuldur Búi Jónsson, 10.11.2010 kl. 10:06]

Það fer ekki milli mála að styrkur CO2 er nú að aukast af völdum manna, en á fyrri jarðsögutímabilum þá varð styrkbreytingin af öðrum völdum. Eðlisfræði gróðurhúsalofttegundanna breytist þó ekki og því er búist við lofthjúpur jarðar og loftslag bregðist svipað við og á þessum jarðsögutímabilum.

Síðast þegar styrkaukning CO2 varð af svipuðu kaliberi og nú (og stefnir í) þá var mun heitara á jörðinni, þá var mun hærri sjávarstaða og þá dóu út fjölmargar sjávarlífverur.

[albert (IP-tala skráð) 10.11.2010 kl. 21:59]

 Mjög athyglisverð grein, 

 http://www.redorbit.com/news/science/1947895/extreme_global_warming_in_the_ancient_past/index.html?source=r_science

[Höskuldur Búi Jónsson, 10.11.2010 kl. 23:03]

Sæll Albert, takk fyrir að benda á þetta - mjög athyglisvert.

Hér er önnur umfjöllun um sömu grein sýnist mér: Climate change from 40 million years ago shows climate sensitivity to CO2