Verður algengara á næstu árum

Á síðasta ári tókst í fyrsta skipti að sigla bæði Norðuaustur- og Norðvesturleiðina, eða hringinn í kringum Norðurpólinn, eins og áhöfn Rus ætlar að reyna í ár, sjá nánar Sigling um bæði Norðaustur- og Norðvesturleiðina á sama sumri heppnaðist. Aðstæður í ár eru jafnvel betri til svona siglinga, þar sem hafísinn er minni, en var á sama tíma fyrir ári (miðað við núverandi stöðu). Nánar má lesa um sumarbráðnun hafíss á Norðurskautinu í færslunni, Bráðnun og ástand hafíss í júní – krítískur tími framundan. Hafísútbreíðsla í júní í ár var aðeins meiri en í júní í fyrra, en staðan hefur breyst í júlí og er hafísútbreiðslan í augnablikinu undir metárinu 2007. Það er svo sem ekki enn hægt að spá að met falli þetta árið, en þetta er þó hluti þeirra leitni sem hefur verið áberandi í hafísútbreiðslu á undanförnum árum og áratugum, þ.e. minnkandi hafís. Það er því vel hægt að sjá fyrir sér að siglingar í kringum Norðupólinn verði algengari á næstu árum, þar sem ekki virðist annað í stöðunni en að hafísútbreiðslan haldi áfram að minnka á næstunni.

Tengt efni á loftslag.is:

• Bráðnun og ástand hafíss í júní – krítískur tími framundan
• Hafíshámarkinu náð – Lægsta hámarkið frá upphafi mælinga
• Minnsta hafísútbreiðsla á Norðuhveli, frá því mælingar hófust, fyrir janúar og febrúar
• NOAA – ástand Norðurskautsins 2010
• Sigling um bæði Norðaustu- og Norðvesturleiðina á sama sumri heppnaðist
• Íshafsbráðnun og siglingaleiðir
• Tag – Hafís
• Er hafís Norðurskautsins að jafna sig?

Ætla í kringum Norðurpólinn

Athugasemdir

[Manni (IP-tala skráð) 19.7.2011 kl. 16:42]

Thetta eru aldeilis godar frettir og mjog jakvaett ad hlynunin skuli hafa thessi ahrif. Takk fyrir.

[Sveinn Atli Gunnarsson, 19.7.2011 kl. 23:35]

Það er óþarfi að þakka okkur sérstaklega, enda skil ég ekki alveg tilganginn í því. En gott að einhverjir geta séð ljósu hliðarnar í þessu, þó ég eigi sjálfur erfitt með að líta á þetta í svona jákvæðum hillingum...