2011 La Nina árið heita

Eins og kemur fram í fréttinni (sem tengt er við) þá náði síðasta ár ekki heitustu árunum. Ástæða þess virðist eins og kemur fram í fréttinni (óljóst) vera vegna þess að ENSO sveiflan í Kyrrahafinu er í La Nina takti. Eigi að síður er um að ræða metár, því þrátt fyrir öfluga La Nina (sú öflugasta í 60 ár) þá er óvenju heitt og heitara en flest ár síðustu aldar.

La Nina, sem er partur af náttúrulegri sveiflu í Kyrrahafinu (ENSO -El Nino), einkennist af því að stórt svæði Kyrrahafsins hefur óvenjulega kaldan yfirborðshita sjávar nálægt miðbaug. Sú sveifla hefur áhrif á loftslag hnattrænt með því að hafa áhrif á loft-og sjávarstrauma. Áhrifa La Nina hefur t.d. aukið á þurrkana í Texas og haft áhrif á hina óvenjumiklu úrkomu sem verið hefur í austur Ástralíu og suður Asíu á þessu ári.

Frávik í hitastigi jarðar og samband þess við La Nina ár (blá) samanborið við önnur ár (rauð). Mynd WMO.

Samkvæmt WMO þá er hnattrænt hitastig La Nina ára venjulega um 0,10-0,15°C lægra en árin á undan og eftir.  2011 fylgir þessu mynstri en er jafnframt heitasta La Nina ár síðan mælingar hófust. Myndin hér að ofan sýnir það greinilega. Svo virðist sem leitni hinnar hnattrænu hlýnunar af mannavöldum sé orðin það sterk að óvenjusterk La Nina nær ekki að lækka hitastig jarðar hnattrænt af ráði.

 

 Tengt efni á loftslag.is

 

• Náttúrulegur breytileiki og horfur fyrir árið 2011
• El Nino og loftslagsbreytingar út þessa öld
• Árið 2010, heitt og öfgafullt

 

2011 var 11. heitasta árið

Athugasemdir

[Hilmar Hafsteinsson (IP-tala skráð) 20.1.2012 kl. 13:15]

Er þá ekki örugglega farið að kólna aftur á jörðinni kolamolarnir mínir?

[V.Jóhannsson (IP-tala skráð) 20.1.2012 kl. 14:01]

Maður er orðin dálítið þreyttur á þessu " af mannavöldum " kjaftæði.

Tafla frá 1950 segir ekki nokkurn skapaðan hlut um veðurfar og hlýnun á jörðinni. Ef taflan næði yfir 10.000 ár, staðfest og sannað, þá væri kannski hægt að ræða málin.

Ekki man ég nákvæmlega hvaða ár ég heyrði fyrst talað um vandamál út af La Nina , en það var á milli '65 - '70 og þá varð mikill fugladauði í Chile vegna fæðuskorts (heitur sjór).

Er þessi tafla sem fylgir þessu bloggi, ekki eithvað úr samhengi við veruleikann? Semsagt tilbúin!

La Nina er heitur straumur en ekki kaldur. Allavega var hann það '65-´70. Samkvæmt WMO er hann kaldur, eða?

[Emil Hannes Valgeirsson, 20.1.2012 kl. 14:06]

La Nina er kaldur straumur og El Ninjo er heitur.

Annars efast ég ekki um að umsjónarmenn síðunnar eru til í að ræða málin.

[Höskuldur Búi Jónsson, 20.1.2012 kl. 14:55]

Hilmar Hafsteinsson og V. Jóhannsson:

Hér fyrir neðan er færsla þar sem farið er í saumana á náttúrulegum sveiflum og hinni undirliggjandi hnattrænu hlýnun. Náttúrulegur breytileiki og horfur fyrir árið 2011

Miðað við þær forsendur sem ég gaf mér (í jan 2011) um horfur fyrir árið 2011 varðandi náttúrulegar sveiflur og hina undirliggjandi hnattrænu hlýnun, þá stóðust þær horfur bara ansi vel. Samkvæmt NASA Giss gögnum þá varð árið í fyrra nákvæmlega 0,51 °C yfir viðmiðunartímabilinu (og árið samkvæmt þeim í níunda sæti). En ég sagði í fyrra eftirfarandi:

Ef lagt er saman hitastig ársins 2010 (0,63°C), hlýnun jarðar vegna gróðurhúsalofttegunda (um það bil +0,02°C), sólvirkni (mögulega +0,01°C) og La Nina (allt að -0,15°C) – þá fæst um 0,51°C, en það yrði þá níunda  heitasta árið samkvæmt hitaröð NASA GISS.

Við á loftslag.is munum örugglega halda aðra svona keppni, þ.e. þar sem lesendur fá að áætla um hitastig ársins sem nú er nýhafið - fylgist með, sú færsla kemur á næstu dögum. Hilmar Hafsteinsson og V.Jóhannsson - þið getið tekið þátt. Það væri ekki verra að hafa tölur frá mönnum sem hafa svona mikla skoðun á loftslagsbreytingum og þið

[Hilmar Hafsteinsson (IP-tala skráð) 20.1.2012 kl. 18:11]

Höskuldur Búi Jónsson, 20.1.2012 kl. 14:55: Er erfitt að svara einföldum spurningum þessa dagana Höski minn? Spurningin er:  Er þá ekki örugglega farið að kólna aftur á jörðinni kolamolarnir mínir?

Svo ég umorði spurninguna í veikri von um að þeir félagar Höski og Svatli skilji íslensku: Var árið 2011 ekki kaldara en 2010 (og reyndar nánast allur síðasti áratugur)? 

[Höskuldur Búi Jónsson, 20.1.2012 kl. 18:55]

Hilmar Hafsteinsson: Þetta er ekki sama spurningin og því ertu ekki að umorða

Ég byrja á seinni hlutanum:

... Var árið 2011 ekki kaldara en 2010 (og reyndar nánast allur síðasti áratugur)?  

Jú, rétt hjá þér Hilmar - árið 2011 var kaldara en flest árin síðasta áratug.  Kaldi fasi ENSO - La Nina - yfirgnæfði hina undirliggjandi hlýnun eins og búist var við (samanber færsluna sem ég vitna í hér fyrir ofan og seinna í þessari athugasemd).

Hinn hlutinn:

 Er þá ekki örugglega farið að kólna aftur á jörðinni...?

Hin undirliggjandi hlýnun hefur ekki hætt - síður en svo. Um leið og ENSO fer yfir í hlutlausan eða hlýjan fasa þá kemur hin undirliggjandi hlýnun aftur fram. Enso sveiflan getur verið allt að 10 sinnum stærri á einu ári heldur en undirliggjandi hlýnunin. Ef þú fattar ekki hvað ég meina, þá ættirðu að lesa þig til hér: Náttúrulegur breytileiki og horfur fyrir árið 2011.

[Hilmar Hafsteinsson (IP-tala skráð) 20.1.2012 kl. 20:28]

Höskuldur Búi Jónsson, 20.1.2012 kl. 18:55: Sjáðu nú til félagi Höski. EF árið 2011 er örugglega kaldara en 2010 (og reyndar flest árin á síðaðasta áratug) þá má væntanlega telja það vísindalega sannað að það sé farið að kólna aftur á jörðinni - burtséð frá undirliggjandi efasemdum ykkar um hið gagnstæða í ljósi hlutlausra/hlýrra kolefnisruglfasa.

Ef þú fattar ekki hvað ég meina vil ég vinsamlegast biðja þig að lesa fyrri hluta svars þíns hér að ofan.

Þið félagarnir getið svo fabúlerað út í eitt um hvort núverandi hlýskeið endi árþúsundinu fyrr eða síðar og næsta ísöld taki við.

[Höskuldur Búi Jónsson, 20.1.2012 kl. 21:04]

Hilmar. Ef þú telur að eitt ár - ár sem er ekki eins heitt og nokkur síðustu ár (sem btw hafa verið óvenjuheit) og stjórnast af kaldri náttúrulegri sveiflu þýði að það sé að kólna, þá átt þú virkilega erfitt með að skilja samhengi hlutanna

Dæmi:

Þú ert á gangi í austurátt, þú kemur að stuttu klettabelti og verður að krækja fyrir það örskotsstund, til suðurs og svo ferðu aftur í sömu stefnu í austurátt. Ef einhver myndi spyrja þig hvert þú værir að fara á þeirri stund sem þú værir að krækja fyrir klettinn myndirðu þá segja... "ég er á leiðinni suður" - eða myndirðu segja - "ég er á leiðinni austur"?

Ef dæmið er skoðað í samhengi við það sem ég hef reynt að útskýra fyrir þér hér fyrir ofan, þá sérðu að heildarstefnan (leitnin) er í eina átt (austur/að hlýna) en skammtímasveiflan (suðið) er í aðra átt (krókur til suðurs/La Nina kólnun síðasta árs).

---

Hvað telur þú með 2012 - verður það kaldara eða hlýrra en 2011 að þínu mati?

[Hilmar Hafsteinsson (IP-tala skráð) 20.1.2012 kl. 21:49]

Höskuldur Búi Jónsson, 20.1.2012 kl. 21:04: Þetta liggur nú öllu dýpra Höski minn. Ég tel tilgátur ykkar kolefnispostulanna, um ótímabæra ca. þriggja gráðu hlýnun á þessari öld- af mannavöldum -, fjarstæðukennt rugl.

Að sama skapi tel ég nýtilkominn kolefnisskatt á eldsneyti á Íslandi, svo og losunarkvóta, aðför að mannréttindum almennra borgara á Íslandi. Ruglið í ykkur er í takt við bullið í Greenpeace og baráttuaðferðirnar svipaðar.

Eigum við ekki að leyfa íslenska vetrinum að njóta vafans Höski minn? Hann hefur heldur betur minnt á sig undanfarið og mun sannarlega halda áfram að gera það næstu mánuði.

Kalda náttúrulega sveiflan er staðreynd félagi Höski. Ef þú áttar þig ekki á því ertu búinn að fórna líffræðilærdómnum fyrir kolefniskirkjutrúnna.

Þrátt fyrir suðið í ykkur félögum er heildarstefnan í eina átt: Við lifum á hlýskeiði sem er að renna út og framundan er óhjákvæmileg ísöld.

2011 markaði þáttaskil þar sem náttúran sjálf gerði kolefniskirkjusöfnuðinn að aðhlátursefni. 2012 mun óhjákvæmilega halda áfram á sömu braut.

Á endanum verður það náttúran sjálf sem leiðréttið bullið í ykkur Höski minn, en þið verðið að sjálfsögðu ekki menn til að viðurkenna það - jafnvel þótt þið búið á ÍSLANDI, eins og borgarstjórinn ykkar benti svo pent á um daginn.

[Emil Hannes Valgeirsson, 20.1.2012 kl. 22:42]

Við getum auðvitað ekkert sagt til hvort það sé að kólna eða hlýna með því að horfa á hitastig síðasta árs. Á súluritinu eru t.d. mörg ár sem eru töluvert kaldari en árin á undan þótt brekkan sé í heildina upp á við. Ekki bólar neitt á kaldri náttúrulegri sveiflu, en það má ræða hana þegar frávikið fer niður í núll, svipað og var fyrir um 30 árum.

[Hilmar Hafsteinsson (IP-tala skráð) 20.1.2012 kl. 23:15]

Emil Hannes Valgeirsson, 20.1.2012 kl. 22:42: Er nú skjaldsveinninn að þenja sig, Emil Hannes? Þú ættir að spara spakmannsspjarirnar og láta Höska karlinn um að reyna að grafa kolefniskirkjuna út úr fönn.

Krúsidúllulistamaður eins og þú ættir að geta lesið í súlurit sem jafnvel Höski viðurkennir að er vísindalega rétt. Árið 2011 var markvert kaldara en 2010.

Mannvitsbrekkan þín er í heildina niður á við...

[Emil Hannes Valgeirsson, 20.1.2012 kl. 23:27]

Ég veit það Hilmar, það hallar stöðugt undan fæti.

[Sveinn Atli Gunnarsson, 21.1.2012 kl. 10:29]

Hilmar:
Svo ég svari spurningu þinni (úr fyrstu athugasemd) á einfaldan hátt, þá er svarið eftirfarandi:

NEI!

En þú munt hugsanleg ekki skilja þetta svar frekar en ýtarlegri svör Höskuldar... Það er nú svo að náttúrulegur breytileiki í hitastigi er það mikill að svona ósköp eðlilegar sveiflu í hitastigi koma fram, það á t.d. við til kólnunar í La Nina árum og til hlýnunar þegar El Nino er í gangi. Það eru fleiri þættir sem hafa áhrif á náttúrulegan breytileika á milli ára og þó að eitt einstakt ár, sem er þó eitt af heitustu árum síðan mælingar hófust, sé örlítið kaldara en árin á undan, þá er það nú mjög langt frá því að vera vísindaleg sönnun fyrir kólnun í heiminum. Þeir sem halda þvílíku fram skilja væntanlega ekki hvað felst í hinni vísindalegu aðferð... 

[Hilmar Hafsteinsson (IP-tala skráð) 21.1.2012 kl. 21:31]

Sveinn Atli Gunnarsson, 21.1.2012 kl. 10:29: Kærar þakkir fyrir skýrt og greinargott svar Svatli. Afneitunin getur ekki verið augljósari.

Ég vil vinsamlegast benda þér á að slagur vindhörpunnar hjá kolefniskirkjunni stendur um meintar heilar 0,7 gráður sem bjargvættirnir í g(r)asinu halda fram að sé hækkun á hitastigi á jörðinni á síðustu 100 árum(!)

Þessi skelfilega hækkun, sem ég hef leyft mér að kalla suð, hefur orðið kveikjan að nútíma galdrafári með tilheyrandi galdrabrennum, kolefniskvótum og kolefnisskatti.

Nú er það svo að samkvæmt súluritinu góða, sem Höski vill trúa á, þá munar 0,1 gráðu á hitastigi 2010 og 2011. Í fyrra kólnaði á jörðinni um 0,1 gráðu, hvort sem þú afneitar því eða ekki! Með sama áframhaldi vindur sjálf náttúran ofan af bullinu í ykkur á næstu sex (6) árum.

Hin vísindalega aðferð felst í því að hafa það sem sannara reynist. Þú getur svo flaggað fáfengileikanum að vild.

[Höskuldur Búi Jónsson, 21.1.2012 kl. 23:22]

Hilmar - má ekki bjóða þér að giska núna. Verður árið í ár kaldara eða heitara en árið 2011?

[Hilmar Hafsteinsson (IP-tala skráð) 22.1.2012 kl. 09:58]

Höskuldur Búi Jónsson, 21.1.2012 kl. 23:22: Mér þykir uppi á þér miðfóturinn gervivísindamaðurinn þinn. Þú ættir að spara giskin þessa dagana, smbr. þessar upplýsingar: http://agbjarn.blog.is/blog/agbjarn/entry/1218545/

Þið eruð svo neyðarlega berrassaðir í málflutningi ykkar þessa dagana að HÍ hlýtur að fara að taka til skoðunar að afturkalla prófgráðuna þína.

[Höskuldur Búi Jónsson, 22.1.2012 kl. 13:53]

Haha, þú þorir ekki - því eftir ár yrðir þú að viðurkenna að þú hefðir haft rangt fyrir þér

[Hilmar Hafsteinsson (IP-tala skráð) 22.1.2012 kl. 14:20]

Höskuldur Búi Jónsson, 22.1.2012 kl. 13:53: Illt er að egna óbilgjarnan félagi. Vildi ég nú kjósa að þú rifjaðir upp forna kunnáttu þína í íslenskri tungu:

"2011 markaði þáttaskil þar sem náttúran sjálf gerði kolefniskirkjusöfnuðinn að aðhlátursefni. 2012 mun óhjákvæmilega halda áfram á sömu braut."

Vitið þér enn - eða hvað?

[Höskuldur Búi Jónsson, 22.1.2012 kl. 14:45]

Gott mál, vildi bara staðfesta að ég væri að skilja þig rétt

[Hilmar Hafsteinsson (IP-tala skráð) 25.1.2012 kl. 16:24]

Höskuldur Búi Jónsson, 22.1.2012 kl. 14:45: Nýjustu fréttir af "hnatthlýnuninni" þinni Höski minn:

http://www.mbl.is/frettir/innlent/2012/01/25/a_byrjunarreit_a_hverjum_degi/

http://www.mbl.is/frettir/innlent/2012/01/25/utlit_fyrir_mikla_ofaerd/

Farðu varlega í ófærðinni!

[Höskuldur Búi Jónsson, 25.1.2012 kl. 17:36]

Snjókoma í janúar - á Íslandi - undarlegt

Hins vegar er alvarleg frétt í dag:

http://mbl.is/frettir/taekni/2012/01/25/nytt_hitamet_a_nordurskautinu/

[Hilmar Hafsteinsson (IP-tala skráð) 25.1.2012 kl. 19:44]

Þú virðist ekki skilja íslenska hagfræði Höski minn, enda piparsveinn í líffræði. Staða mála er óvenju erfið hjá Reykjavíkurborg þessa stundina og tugir/hundruð milljóna hverfa út í ófærðina:

"Við erum búnir að vera á byrjunarreit síðan í desember,“ segir Guðni Hannesson, yfirmaður gatnahreinsunar hjá Reykjavíkurborg. Í þau 23 ár sem hann hefur starfað við gatnahreinsun segist hann aldrei hafa lent í öðru eins fannfergi yfir jafn langt tímabil og að erfiðast sé að eiga við klakann. Helst þyrfti að moka tvisvar á dag á dögum eins og þessum."

Fjórðungur úr öld er ansi langur tími, ef miðað er við mælistiku kolefniskirkjunnar sem hneigist að micro/nano-vísindahyggju. Varstu ekki ennþá með bleyju fyrir 23 árum félagi?

[Hilmar Hafsteinsson (IP-tala skráð) 25.1.2012 kl. 20:00]

Höskuldur Búi Jónsson, 25.1.2012 kl. 17:36:

Varðandi "alvarlegu" fréttina þína í dag:

http://wattsupwiththat.com/2011/08/18/flaw-found-in-arctic-temperature-analysis-exaggerates-warming/

http://ocean.dmi.dk/arctic/meant80n.uk.php

[Höskuldur Búi Jónsson, 25.1.2012 kl. 20:09]

Hilmar: þú svarar frétt í dag með bloggfærslu frá því í ágúst. Þú ert skrítinn.

p.s. þú ert eitthvað að rugla með menntun mína - ég er ekki með BS í líffræði.

[Hilmar Hafsteinsson (IP-tala skráð) 25.1.2012 kl. 21:06]

Fyrirgefðu Höski minn að ég skyldi hafa logið upp á þig líffræðiprófinu. BS í jarðfræði og wannabe-loftslagsfræðingur er alls ekkert skrítinn.

[Höskuldur Búi Jónsson, 25.1.2012 kl. 21:10]

Þú mátt halda það sem þú vilt um menntun mína.

Varðandi snjóinn sem kyngir niður í RVK. Finnst þér það eitthvað undarlegt að það snjói að vetri til – segir það eitthvað um hnattræna hlýnun að það snjói þegar hitinn er undir frostmarki?

Hefur eðlisfræðin eitthvað breyst við hina hnattrænu hlýnun?

Neibb. Það mun halda áfram að snjóa og jafnvel benda niðurstöður loftslagslíkana til þess að snjókoman geti orðið meiri á hærri breiddargráðum um hávetur, því marktækt meiri vatnsgufa er í andrúmsloftinu nú en fyrir 20-30 árum og því meiri líkur á meiri snjókomu en áður – þ.e. þegar hitinn fer niður fyrir frostmark.

[Sveinn Atli Gunnarsson, 25.1.2012 kl. 22:49]

Já, það eru uppgrip hjá þeim sem afneita loftslagsvísindum...það snjóar í Reykjavík - Kannski þeir verði líka svona fullir áhuga þegar það verður næst hlýtt í Reykjavík...ekki að ég telji svo verða, við heyrum væntanlega ekkert frá þeim við þess háttar tækifæri...

[Hilmar Hafsteinsson (IP-tala skráð) 26.1.2012 kl. 00:12]

Nýjustu fréttir af ófærðinni á SV-landi fyrir ykkur félaga:

http://www.mbl.is/frettir/innlent/2012/01/25/reykjanesbraut_lokad/

http://www.mbl.is/frettir/innlent/2012/01/25/47_sm_snjodypt_i_gardabae/

http://www.mbl.is/frettir/innlent/2012/01/25/ofaerd_i_fyrramalid/

Vinsamlegast ekki nota barnalega útúrsnúninga Höski minn. Það er augljóst að þessi vetur er búinn að vera óvenju harður á Íslandi, það sem af er. Íslendingar eru sannarlega að rifja upp gömul kynni af fannfergi og ófærð. Þetta gerist í kjölfar markverðrar hnattrænnar kólnunar 2011. Það er því augljóst að náttúran sjálf er fremst í flokki að afsanna bullkenningarnar ykkar.

[Sveinn Atli Gunnarsson, 26.1.2012 kl. 10:36]

Hvað er athugasemdakerfið nú orðið að útibúi fyrir Vegagerðina... Jæja, en þú um það Hilmar - þín "rök" verða víst ekkert betri þó þú tönnlist á færðinni...enda hefur hún ekker með hnattræna hlýnun að gera...hvað þá að færðin á Fróni sé beintengd hnattrænni hlýnun

[Hilmar Hafsteinsson (IP-tala skráð) 26.1.2012 kl. 11:18]

Sveinn Atli Gunnarsson, 26.1.2012 kl. 10:36: Þetta er spurning um orsök og afleiðingu Svatli minn. Svolítið sem þú botnar eðlilega ekki í. Kólnandi veðurfar á Íslandi kallar á óvenju mikla ófærð - sem aftur er birtingarmynd fyrir hnattræna kólnun (þvert á bullkenningarnar ykkar).

Niðurstaðan er þessi Svatli minn: Mennirnir geta rifist út í það óendanlega innbyrðis út af heimsósómabullkenningaþvælu sem sumir hafa hag af að færa í vísindalegan búning, en þú getur ekki rifist við náttúruöflin. 

Það er svo auðvitað möguleiki þið félagarnir gerið ykkur ferð út í snjóinn og ófærðina til þess að flengja skaflana - svona svipað og þegar Xerex Persakonungur flengdi sjóinn í denn fyrir að að óhlýðnast konungsboði.

Fleiri fréttir af vetrarófærðinni á Íslandi:

http://www.visir.is/rautt-thydir-ofaert/article/2012120129185

http://www.visir.is/kostnadur-vid-snjomokstur-sprengir-kostnadaraaetlun/article/2012701269938

http://www.dv.is/frettir/2012/1/26/vitlaust-vedur-samgongur-lamadar/

[Höskuldur Búi Jónsson, 26.1.2012 kl. 17:38]

Hilmar það er ekki beint kuldanum fyrir að fara, þó vissulega hafi snjóað hressilega bæði nokkra daga í desember og í janúar.

Ég var að útskýra fyrir Hrafnkeli nokkrum á heimasíðu loftslag.is það að í raun er ekki búið  að vera kalt í janúar - þetta er frá því í gær:

Á heimasíðunni Allra veðra von er haldið úti góðri skráningu á hitatölum – þar má t.d. sjá hitann í Reykjavík það sem af er janúar. Meðalhitinn fyrir janúar er nú 0,0°C, þar af eru 13 dagar undir frostmarki (mínus) einn dagur í frostmarki og 10 dagar yfir frostmarki (plús). Þannig að yfirlýsingar um kuldatíð ganga ekki upp – sérstaklega ekki þar sem janúar á viðmiðunartímabilinu 1961-1990 er hálfri gráðu kaldari en það sem af er janúar í ár. 

 Janúar er reyndar ekki búinn, en þessi janúar getur varla talið mjög kaldur.

[Höskuldur Búi Jónsson, 26.1.2012 kl. 19:33]

Til upplýsinga - Tíðarfar árið 2011 samkvæmt Veðurstofunni

[Hilmar Hafsteinsson (IP-tala skráð) 26.1.2012 kl. 20:54]

Höskuldur Búi Jónsson, 26.1.2012 kl. 17:38: Settu nú upp gleraugun Höski minn. Samkvæmt Excel-skjalinu góða sem loðdýraræktandinn vísar í sýnist mér dagsmeðalhiti janúar 2012 stefna í -0,2 í lok dags 26. janúar. Þetta er á pari við dagsmeðalhita í janúar á árabilinu 1931-'60 og 0,2 gráðum hærra en árabilið 1961-'90.

Hins vegar er þetta rúmri einni gráðu lægri dagsmeðalhiti en árabilið 2001-'10(!)

Það fer því ekkert á milli mála að það er að kólna all-hressilega á Íslandi

Þessi niðurstaða er reyndar í samræmi við niðurstöður mjög vandaðrar BS-ritgerðar eftir Karl Jóhann Guðnason við Líf- og Umhverfisvísindadeild HÍ 2009: "Tengsl hitastigs á Íslandi á árunum 1961-2009 við hnattrænar hitastigsbreytingar og NAO"

Ertu ekki annars örugglega menntaður jarðfræðingur (BS) Höski minn?

[Hilmar Hafsteinsson (IP-tala skráð) 26.1.2012 kl. 21:14]

Nýjustu fréttir af ófærðinni piltar mínir:

http://www.ruv.is/frett/hellisheidi-er-enn-ofaer

http://www.visir.is/thurftu-ad-hlaupa-med-hjartastudtaeki-i-snjonum/article/2012120129092

http://www.dv.is/frettir/2012/1/26/thurfti-ad-grafa-i-korter-til-ad-finna-bilinn/

Og Svatli verður víst að kyngja því að færðin á Fróni sé beintengd hnattrænni hlýnun:

http://www.mbl.is/frettir/erlent/2012/01/26/hluti_evropu_a_kafi_i_snjo/ 

[Höskuldur Búi Jónsson, 26.1.2012 kl. 21:31]

Hilmar: Eina ástæðan fyrir því að við erum núna að eltast við einhverjar tölur á Íslandi í janúar er til að sýna þér og öðrum að það er bara alls ekki kalt þennan janúar (á Íslandi) - hugsa að flestir viðurkenni það sem skoða tölurnar. Ekki að það skipti máli -staðbundinn hiti/kuldi í stuttan tíma kemur aldrei í staðinn fyrir langtímaleitni yfir allan hnöttinn.

Varðandi Ísland, skoðaðu einnig árið 2011 í síðasta tenglinum frá mér- þar kemur auk þess fram að 2011 var bara alls ekki kalt á Íslandi... Hitt er annað mál að flestir sem pæla í veðri og breytingum hér á Íslandi telja líklegt að hitastig geti lækkað hér á landi í ákveðinn tíma út af eðlilegum náttúrulegum sveiflum - enda er hlýnunin hér einhverjum stærðargráðum meiri en sú hnattræna (og óvenju hröð kannski). En þó það kólni hér, þá stoppar það ekki hina hnattrænu hlýnun.

Annað mál - er að þessi BS ritgerð sem þú vísar í er langt í frá ásættanleg - enda notar hann allt of mikið af heimildum sem leiðbeinendur hans hefðu átt að sjá að eru ekki mikils virði (óritrýndar heimildir af internetinu þykja ekki áreiðanlegar).

... og jú ég er jarðfræðingur.

[Höskuldur Búi Jónsson, 26.1.2012 kl. 21:56]

P.S. Hilmar, nokkrar spurningar fyrir þig:

1: Hvernig fellur úrkoma venjulega ef hitastig fer niður fyrir frostmark?

2: Er talið líklegt að frost hætti á norðlægum breiddargráðum að vetri?

3: Eykst raki í andrúmsloftinu við hlýnun?

Mín svör eru einföld.

1: Einföld eðlisfræði - úrkoman fellur í föstu formi = snjór

2: nei, enginn heldur því fram (sjá t.d. hér Hnattrænar loftslagsbreytingar og áhrif þeirra á Íslandi) 

3: Einföld eðlisfræði - já raki eykst (og hefur aukist mælanlega)

Niðurstaðan er því þessi: Meiri raki + frostdagar í janúar = mikil snjókoma

Það versta við þessa einföldu eðlisfræði er að henni fylgir þessi jafna:

Mikil snjókoma + afneitun + léleg rökhugsun = sumir fara að halda því fram að það sé að kólna.

[Hilmar Hafsteinsson (IP-tala skráð) 26.1.2012 kl. 22:28]

Höskuldur Búi Jónsson, 26.1.2012 kl. 21:56: Mér þykir þú nokkuð illa haldinn af Lísu í Undralandi- heilkenninu minn kæri. Veistu yfirhöfuð og almennt nokkuð hvert þú ert að fara í rökræðunum?

Sjáðu nú til félagi. Ég sýndi þér góðfúslega fram á að Excel-skjalið góða, sem kattauppalandinn vísar í, ber óræk merki um að það er að kólna all-hressilega á Íslandi.

Ertu sammála því? já( ) nei ( ) veit ekki ( )

Ég nefndi einnig að þessi niðurstaða væri í samræmi við niðurstöður mjög vandaðrar BS-ritgerðar eftir Karl Jóhann Guðnason við Líf- og Umhverfisvísindadeild HÍ 2009: "Tengsl hitastigs á Íslandi á árunum 1961-2009 við hnattrænar hitastigsbreytingar og NAO"

Ertu sammála því? já( ) nei ( ) veit ekki ( )

Vísindamaður sem vill láta taka sig alvarlega í rökræðum verður að reyna að halda þræðinum og sleppa því að velja bara það sem hann telur henta hverju sinni.

Ég var að enda við að benda þér á tölur sem sýna óyggjandi að það er að kólna verulega á Íslandi og þú fullyrðir bara út í bláinn:  "það er bara alls ekki kalt þennan janúar (á Íslandi)"(!)

Meint 'hnattræn hlýnun' er einfaldlega ekki að gerast þrátt fyrir óskhyggju þína og annarra sanntrúaðra meðlima í kolefniskirkjunni. Þú verður að vera maður til að horfast í augu við að allar mælingar sýna óyggjandi að það er að kólna.

[Höskuldur Búi Jónsson, 26.1.2012 kl. 22:51]

Fyrri spurning þín: Nei, skoðaðu t.d.fyrrnefndan tengil frá veðurstofunni, en þar stendur skýrum stöfum:

Árið 2011 var í heild hlýtt og veðurfar þess verður að teljast hagstætt. Mikið kuldakast um mestallt land síðari hluta maímánaðar og í byrjun júní spillti þó ásýnd þess að nokkru. Kastið var mun vægara suðvestanlands heldur en í öðrum landshlutum. Annað snarpt kuldakast gerði fyrri hluta desembermánaðar en olli ekki vandræðum. Óvenjuhlýtt var í apríl og nóvember.

Nokkrir meðalhlýir/kaldir janúardagar segja ekki neitt.

Síðari spurning þín: Vönduð ritgerð er þetta ekki og hver sá sem skrifað hefur BS ritgerð sér það fljótt (samanber óáreiðanlegar internetheimildir).

-----------

Af hverju svararðu ekki spurningum mínum. Þær eru einfaldar og í raun einföld eðlisfræði. Ef þú getur ekki svarað þessum spurnignum frá mér - þá skaltu bara viðurkenna það.

Sjá: 

1: Hvernig fellur úrkoma venjulega ef hitastig fer niður fyrir frostmark?

2: Er talið líklegt að frost hætti á norðlægum breiddargráðum að vetri?

3: Eykst raki í andrúmsloftinu við hlýnun?

Mín svör eru einföld.

1: Einföld eðlisfræði - úrkoman fellur í föstu formi = snjór

2: nei, enginn heldur því fram (sjá t.d. hér Hnattrænar loftslagsbreytingar og áhrif þeirra á Íslandi) 

3: Einföld eðlisfræði - já raki eykst (og hefur aukist mælanlega)

Niðurstaðan er því þessi: Meiri raki + frostdagar í janúar = mikil snjókoma

Það versta við þessa einföldu eðlisfræði er að henni fylgir þessi jafna:

Mikil snjókoma + afneitun + léleg rökhugsun = sumir fara að halda því fram að það sé að kólna.

[Hilmar Hafsteinsson (IP-tala skráð) 26.1.2012 kl. 23:43]

Höskuldur Búi Jónsson, 26.1.2012 kl. 22:51: Þetta er ekki Morfís keppni Höski minn heldur vísindaleg skoðanaskipti.

Taka tvö: "Samkvæmt Excel-skjalinu góða sem loðdýraræktandinn vísar í sýnist mér dagsmeðalhiti janúar 2012 stefna í -0,2 í lok dags 26. janúar. Þetta er á pari við dagsmeðalhita í janúar á árabilinu 1931-'60 og 0,2 gráðum hærra en árabilið 1961-'90.

Hins vegar er þetta rúmri einni gráðu lægri dagsmeðalhiti en árabilið 2001-'10(!)

Það fer því ekkert á milli mála að það er að kólna all-hressilega á Íslandi "

Halló, Höski minn! Við erum að tala um janúar 2012. Kíktu nú á skjalið eins og ég bað þig góðfúslega um og svaraðu síðan eftirfarandi spurningu heiðarlega:

Sjáðu nú til félagi. Ég sýndi þér góðfúslega fram á að Excel-skjalið góða, sem kattauppalandinn vísar í, ber óræk merki um að það er að kólna all-hressilega á Íslandi.

Ertu sammála því? já( ) nei ( ) veit ekki ( )

Varðandi hugljómun þína um ýmsar birtingarmyndir vatns er það augljóst að snjór er eðliskaldari en vatnsdropar. Það er því merki um kulda þegar snjóar en hita þegar rignir. Að sama skapi er klaki frosið vatn og því klárlega kuldamerki.

Hvaða kuldamerki sjáum við í kringum okkur á Íslandi þessa dagana Höski minn?

Á einhvern óskiljanlegan hátt virðist þú hafa sloppið við að taka grunnkúrsa í eðlisfræði í jarðfræðináminu þínu. Ert þú e.t.v. að stefna á fjármálaráðherrann?

[Sveinn Atli Gunnarsson, 27.1.2012 kl. 00:22]

Hilmar:

Þetta er ekki Morfís keppni Höski minn heldur vísindaleg skoðanaskipti.

Geturðu vinsamlega bent mér á hvar þín vísindalegu skoðanaskipti eru...ertu að meina kjánalegar "vísanir" þínar í kunnáttuleysi annarra en þín sjálfs, eða algert getuleysi þitt til að skoða upplýsingar og álykta varðandi þær eða ertu kannski að meina eitthver kjána orðalag um að það sé "augljóst að snjór er eðliskaldari en vatnsdropar"

Kuldi (eða hiti - sem stundum gerist líka, t.d. í nóvember síðastliðnum) á Íslandi er ekki vísbending um hnattræna kólnun (eða hlýnun). Það þarf að skoða gögnin í samhengi við heildina - sem er hnattrænt hitastig, ekki ófærð á Hellisheiði eða snjódýpt í Garðabæ. Þessi umræða virðist dúkka upp í hvert skipti sem það kemur vetrarveður einhvers staðar, sem er ekki óeðlilegt, sérstaklega um vetur hér á Fróni. Hitastigið á heimsvísu á síðasta ári var það hæsta sem mælst hefur við La Nina aðstæður (sem hafa kólnandi áhrif á hnattrænan hita) og endaði sem það 11. hlýjasta árið samkvæmt NCDC...ekki að það skipti í sjálfu sér máli hvort 2011 endaði númer 11, 15, 5 eða 3...enda um eðlilegan náttúrulegan breytileika að ræða. Leitnin er upp á við og það er ekkert sem bendir til þess að eðlisfræði gróðurhúsalofttegunda sé að breytast, sama hversu mikil ófærð verður á Íslandi í dag... Það mun halda áfram að hlýna, hvað sem líður náttúrulegum og eðlilegum sveiflum á milli ára - enda ekkert í kortunum um annað - hverju sem þú heldur fram á þinn persónulega hátt...

[Höskuldur Búi Jónsson, 27.1.2012 kl. 08:44]

Hilmar: Ég svaraði þér, sjá síðustu athugasemd - nú er komið að þér að svara mér og upplýsa okkur um þína gríðarlegu þekkingu á eðlisfræði. Til að einfalda málið og rugla þig ekki meir, þá skal ég sleppa því að svara sjálfur að þessu sinni.

1: Hvernig fellur úrkoma venjulega ef hitastig fer niður fyrir frostmark?

2: Er talið líklegt að frost hætti á norðlægum breiddargráðum að vetri?

3: Eykst raki í andrúmsloftinu við hlýnun?

Ef þér tekst ekki að svara, þá lít ég svo á að ég hafi unnir morfís keppnina

[Höskuldur Búi Jónsson, 27.1.2012 kl. 09:12]

Reyndar held ég að við ættum að segja þetta nóg í bili - það er greinilegt fyrir löngu  að þú telur að það sé að kólna vegna þess að það er snjór á Íslandi í janúar og vegna þess að þessi janúar á Íslandi er lítillega kaldari en janúarmeðaltal áranna 2001-2010.

Það er eins og þetta með ársmeðaltalið hnattrænt - frávik geta komið, þó leitnin sé í aðra átt - skoðaðu þetta skemmtilega myndband sem útskýrir muninn á leitni (trend) og sveiflum (variation):

[Höskuldur Búi Jónsson, 27.1.2012 kl. 09:13]

Myndbandið er hér:

http://www.youtube.com/watch?v=e0vj-0imOLw

[Hilmar Hafsteinsson (IP-tala skráð) 27.1.2012 kl. 20:19]

Höskuldur Búi Jónsson, 27.1.2012 kl. 09:12: Til hamingju Höski minn. Vísindin urðu trúnni yfirsterkari hjá þér:

"það er greinilegt fyrir löngu  að þú telur að það sé að kólna vegna þess að það er snjór á Íslandi í janúar og vegna þess að þessi janúar á Íslandi er lítillega kaldari en janúarmeðaltal áranna 2001-2010."

Þessi sálartýra þín er þó lofsverð í samanburði við svartnættið hjá afneitunarsinnanum Svatla, en þar eru öll ljós slökkt og dregið fyrir glugga.

Hitt er svo annað mál að það má vorkenna þér fyrir úrdráttinn. Staðreyndin er nefnilega að Íslendingar eru að glíma við hörkuvetur með meira fannfergi en þekkst hefur síðasta aldarfjórðung og mælingar sýna glögglega að u.þ.b. einni gráðu munar á dagsmeðalhita, það sem af er janúar, og meðalhita 2001-'10.

Þegar við þetta bætist sannanleg 0,1 gráða lækkun ársmeðalhita 2o11 þá er Höski farinn að viðurkenna staðreyndir: Það er að kólna.

Þú mátt svo gjarnan halda í vonina (les:trúna) á að þetta sé einungis frávik og leitnin sé í aðra átt - en við hljótum að vera sammála um að náttúran ein mun skera úr um þær falsvonir.

[Sveinn Atli Gunnarsson, 28.1.2012 kl. 00:22]

Hilmar - það er ekki að kólna á heimsvísu (varla heldur á Íslandi) þrátt fyrir harðari vetur um stund á Fróni. Þó þú skrifir hundrað sinnum að þú teljir að það sé að kólna - þá verður það enn sama vitleysan hjá þér...ekkert nýtt í því. Ég sé reyndar ekkert bóla á vísindalegum tilburðum þínum, en það var kannski hjóm eitt hjá þér að fullyrða um þess háttar í einhverri athugasemdinni - miklu betra hjá þér að fullyrða um svartnætti mitt og sálartýru Höska sem verandi þínar "röksemdir"...þó ekkert hafi það nú með vísindin að gera, hvað þá hina meintu kólnun þína...

[Hilmar Hafsteinsson (IP-tala skráð) 28.1.2012 kl. 01:39]

Vísindalegar staðreyndir:

Meðalhiti í Reykjavík í janúar 2012: -0,2 (27.01.'12)

Meðalhiti í Reykjavík í janúar 1961-´90: -0,5

Meðalhiti í Reykjavík í janúar 1931-´60: -0,3

Meðalhiti í Reykjavík í janúar 2001-´10: +0,9

Afneitunarsinnar afneita vísindalegum staðreyndum...

[Sveinn Atli Gunnarsson, 28.1.2012 kl. 10:52]

Takk fyrir að benda okkur á staðbundið hitastig í Reykjavík í skamman tíma Hilmar - þú telur greinilega enn að tímabundið hitastig á ákveðnum stað sé mælir á hnattrænt hitastig (sem er tómt bull). Það er greinilega ekki hægt að rökræða við fólk sem ekki skilur aðferðafræði vísinda og býr til fullyrðingar út frá einstökum mælingum eða mjög skömmum tímabilum staðbundið.

En hitt er annað mál að ef þú ert samkvæmur sjálfum þér þá kemurðu væntanlega hérna og básúnar "kunnáttu" þína og mikla hnattræna hlýnun næst þegar við fáum mánuð yfir meðaltali (sem verður væntanlega staðreyndin með janúar - úps Hilmar...afneitunin er mikil í þér). það er hægt að treysta því er það ekki, það er varla von á öðru eða hvað

[Hilmar Hafsteinsson (IP-tala skráð) 28.1.2012 kl. 12:12]

Sveinn Atli Gunnarsson, 28.1.2012 kl. 10:52: Ágæti Svatli minn, áhugamaður um loftslagsvísindi og wannabe-danskur skógfræðingur.

Maður skyldi ætla að venjulega dauðlega menn setti hljóða yfir aumkvunarverðri fáviskunni sem vellur upp úr þér þegar þú passar ekki pennann. En þá verður að líta á þá staðreynd að ég er öllu vanur þegar kemur að því að leiðrétta fávisku Íslendinga, þannig að þú ert í rauninni ekki svo slæmur þegar á allt er litið.

Í stað þess að bulla út í eitt - og þykjast svo vera voða vísindalegur - hef ég að sjálfsögðu kosið að feta hinn þrönga veg vísindalegrar þekkingar og dyggðar í skoðanaskiptum við ykkur kolefnistvíburana. Þannig er nú langt um liðið frá því að ég upplýsti ykkur upphaflega um að heimsmynd ykkar er röng (jörðin snýst samt) og það væri raunverulega að kólna á jörðinni. Allt sem ég hef upplýst ykkur um hefur að sjálfsögðu ræst.

Staðreyndin er óhrekjanlega sú að það var 0,1 gráðu kaldara á jörðinni árið 2011 en 2010. Þessi þróun speglast í kaldara árferði á Íslandi - óhrekjanlega - og nú er svo komið að janúar 2012 stefnir í að vera um heilli gráðu kaldari en tímabilið 2001-'10.

Þetta eru allt óhrekjanleg og mælanleg vísindi Svatli minn, svolítið sem Höski félagi þinn hefur þekkingu til að samþykkja en þú ert eðlilega týndur í ófræðilegri afneitun.

Ég vil enn og aftur benda þér á glæsilega BS-ritgerð um "Tengsl hitastigs á Íslandi á árunum 1961-2009 við hnattrænar hitastigsbreytingar og NAO" við Líf- og Umhverfisvísindadeild HÍ 2009, eftir Karl Jóhann Guðnason.

Höfundur ritar:

"Niðurstaða rannsóknarinnar er að hnattrænt hitastig yfirborðs og lofthjúps jarðar sýna í grófum dráttum sömu hitafarsbreytingar.  Samkvæmt hitastigi síðustu þúsunda ára eru nútíma hitastigsbreytingar á 20. öldinni ekki óvenjulegar. Ekki eru bein tengsl við NAO og hitastig hér við land, NAO getur bæði verið jákvætt og neikvætt í köldum árum og öfugt. Náttúrulegar sveiflur eru miklar hér við land."

Ennfremur:

"Ekki er eining meðal vísindamanna um þátt náttúrulegs breytileika veðurfars annars vegar og losun gróðurhúsalofttegunda mannkyns hinsvegar á hlýnun jarðar og hvað sé megin orsök hnattrænna veðurfarsbreytinga.

Sveiflur hitastigs hér við land eru miklar. Hitastig á tímabilinu 1961-2009 á fimm veðurstöðvum sem skoðaðar voru í þessari rannsókn sýna það. Hér sveiflast meðalhiti meira en hnattrænn meðalhiti (sjá mynd 2a og mynd 5). Þó hefur hitafar á Íslandi verið í samræmi við hnattrænar hitafarssveiflur síðustu 100 ára (Áslaug Geirsdóttir o.fl., 2009). Samkvæmt IPCC (2007) hefur hlýnað um 0,74 gráður árin 1906-2005 og hefur hlýnað meira yfir landi en sjó. Bæði hefur hlýnað og kólnað á sama tíma, bæði á Íslandi og hnattrænt."

Ritgerðinni lýkur höfundur með þessum orðum:

"Svo má spyrja sig hvort manngerð gróðurhúsaáhrif eru eins raunveruleg og IPCC heldur fram og hvort þau munu hafa þau áhrif sem þeim er spáð og þar með yfirgnæfa náttúruleg áhrif. Ljóst er að hnattrænar hitastigsbreytingar koma fram hér við land í framtíðinni hvort sem það er hlýnun eða kólnun, því þær hafa komið fram í fortíðinni. Hitastigsmælingar næstu ára munu vonandi skýra betur þessa hluti."

Þetta, Svatli minn, er vísindaleg greining á viðfangsefninu, ritrýnd og samþykkt af fræðimönnum HÍ til BS-gráðu (mér skilst að Höski hafi eina slíka frá HÍ). Þú gerðir vel í því að temja þér ámóta vísindaleg vinnubrögð áður en þú ferð að opinbera fávisku þína frammi fyrir alþjóð.

[Sveinn Atli Gunnarsson, 28.1.2012 kl. 16:00]

Ritgerð Karl Jóhanns er illa unnin og einskis virði í vísindalegu samhengi...bara svo mín persónulega skoðun á því komi fram. Þegar illa unnar BS ritgerðir verða meira virði en alvöru rannsóknir gerðar af þúsundum vísindamanna um allan heim, þá skal ég láta þig vita...sem verður væntanlega aldrei. Karl Jóhann vísar í vafasamar heimildir (skil ekki hvernig hægt er að fá BS gráðu með þess háttar vinnubrögðum) og dregur ályktanir sem hafa ekki stoð í raunveruleikanum. En það eru einmitt svona makverk sem þið sem afneitið vísindum dragið upp þegar ykkur er bent á bullið í ykkur... En það skiptir svo sem ekki máli, enda eru náttúrulega og eðlilegar sveiflur á staðbundnu hitastigi ekki til vitnis um leitnina í hitastigi á heimsvísu sem er alveg ljós (fyrir þá sem ekki sérvelja og velja vafasöm gögn) og einnig má nefna að eðlisfræði gróðurhúsa lofttegunda eru tiltölulega vel þekkt...hvað sem öðru líður.

PS. Þess ber einnig að geta að höfundur BS ritgerðarinnar sem þú vísar til telur að líf á jörðu sé 100 þúsund ára eða þar um bil - eitthvað með trúarlegar ástæður að gera...go figure... Tilvísun í Karl Jóhann Guðnason: "ég hallast að kristinni heimsmynd [...] Ég tel að allt líf jarðar sé yngra en bergið sjálft. Ég myndi segja yngra en 100.000 ára" - Karl Jóhann Guðnason (Heimild: http://emilhannes.blog.is/blog/emilhannes/entry/1004200/ - þarf að skrolla niður að 4 síðustu athugasemdinni) - væntanlega ekki besta vísindaheimild sem um getur að vísa í hans fyrirfram ákveðnu heimsmynd...nema náttúrulega þú sért í sama söfnuði, það myndi útskýra afneitun þína á vísindum Hilmar...

[Sveinn Atli Gunnarsson, 28.1.2012 kl. 16:05]

Best að hafa virkan link á tilvísun í Karl Jóhann - http://emilhannes.blog.is/blog/emilhannes/entry/1004200/

[Hilmar Hafsteinsson (IP-tala skráð) 28.1.2012 kl. 23:01]

Sveinn Atli Gunnarsson, 28.1.2012 kl. 16:05: Er það ekki einkennandi fyrir kolefnistrúboðann Svatla að blanda trúmálum saman við vísindi?

Það er sjálfsagt að upplýsa það hér að ég stend utan trúarbragða - enda met ég það svo að vísindalegt gangverk sé nógu flókið þó menn fari ekki að skekkja það með einhverju sem hvorki er hægt að sanna né afsanna.

Ég geng hins vegar út frá því að þú sért í þjóðkirkjunni Svatli minn, eins og flestir kórdrengir kolefniskirkjunnar.

Grímulaus árás þín á afar velskrifaða BS-ritgerð við HÍ er auðvitað ekkert annað en árás á vísindaleg vinnubrögð við Háskóla Íslands. Þessi sami háskóli státar af því að vera kominn í hóp 300 virtustu háskóla heims!

Hins vegar eru viðbrögð ykkar kolefnistvíburanna dæmigerð fyrir afneitunarsinna.  Þið kjósið að fara í manninn í stað þess að rökræða vísindin. Sjálfur hef ég persónulega þá reynslu af Sjöunda dags aðventistum að þeir eru heiðarlegir og grandvarir upp til hópa og hafa unnið þarft verk á Íslandi.

Reyndar hefur fjöldi virtra vísindamanna um heim allan, jarðeðlisfræðinga, stjarneðlisfræðinga, kjarneðlisfræðinga, jarðfræðinga o.fl. risið upp og mótmælt boðskap kolefniskirkjutrúboða og heimsendaspámanna harðlega, smbr. http://heartland.org/policy-documents/scientists-oppose-global-warming-legislation

[Sveinn Atli Gunnarsson, 29.1.2012 kl. 00:06]

Ég blandaði ekki trúmálum við vísindi - það var hann Karl Jóhann...ég bendi einfaldlega á nálgun hans (en þú tekur kannski undir hugmyndir hans um tilurð lífs á jörðinni?)... Ritgerð hans er makverk, en það hefur ekkert með Háskólann að gera, sem ég hef miklar mætur á, þó það komist ein og ein léleg ritgerð í gegn (sérstaklega á BS stiginu, þar sem minni kröfur eru gerðar). Ef þú sættir þig við að Karl Jóhann blandi saman trúarbrögðum og vísindalegri nálgun sinni, þá þú um það...ekki ætla ég að skipta mér af því, enda ertu í afneitun á vísindum...

Heartland organisation (sem einnig afneitaði því að tóbak gæti valdið krabbameini um langt skeið - kannski enn þá) er ekki trúverðug heimild...reyndar notaði Karl Jóhann þá heimild, og það hefði átt að koma fram við yfirferð leiðbeinanda að þess háttar heimildir séu rusl...en hvað um það, BS ritgerðir eru jú stundum ekki mikils virði - enda ekki farið yfir þær á sama hátt og rannsóknar ritgerðir á hærra stigi...það á m.a. um ritgerð Karls Jóhanns, sem er ekki mikils virði í vísindalegu tilliti. Þetta er ekki árás, heldur mín skoðun byggð á því að hafa lesið hana og skoðað heimildirnar...þetta hefði átt að koma upp í yfirlestri, en gerði það ekki og lítið við því að gera...

[Höskuldur Búi Jónsson, 29.1.2012 kl. 10:00]

Mér sýnist Hilmar stefna leynt og ljóst í að vera það sem kallast "afneitari" (e. denier) í samhenginu loftslagsbreytingar. Það sem einkennir þá er meðal annars þörf þeirra að elta uppi ýmsa afkima veraldarvefsins þar sem þeir finna einhverja sem hafa úthugsað brögð til að halda afneituninni við. 

Hilmar mun ekki hlusta á vísindaleg rök, því hann þráir að "trúa" einhverju allt öðru en það sem 97-98 % vísindamanna telja (sjá Samhljóða álit vísindamanna styrkist
og mýtan Vísindamenn eru ekki sammála um að hlýnunin sé af mannavöldum).

Hann mun samt halda því fram að þetta séu vísindaleg rök og vísa í absúrd heimildir - m.a.óritrýndar heimildir sem búnar eru til af mönnum sem hafa hag af status quo - styrktir af olíuiðnaðinum.

[Hilmar Hafsteinsson (IP-tala skráð) 29.1.2012 kl. 10:20]

Höskuldur Búi Jónsson, 29.1.2012 kl. 10:00: Hinstu rök kolefnistrúboðanna: "status quo - styrktir af olíuiðnaðinum"

Þið eruð berrassaðir úti á harðfenni þessa dagana Höski minn. Jafnvel kolefniskardínálinn og veðurdellukarlinn Einar Sveinbjörnsson (tröllið sem stal jólunum) er hættur að þora að blogga um spádóma kolefniskirkjunnar.

Eg sé ekki betur en að afneitunarsinnarnir séu einmitt Höski og Svatli. Þessir ljúfu kolamolar flengjast um öll skúmaskot veraldarvefsins til þess að þefa uppi þá sem dirfast að véfengja kolefnisTrúarbrögðin, smbr. http://agbjarn.blog.is/blog/agbjarn/entry/1218545/

Nú er runnin upp sú stund að veiðimennirnir eru orðnir að bráðinni - kolamolarnir mínir. Þið eruð aumkvunarverðir gervivísindamenn sem eigið þátt í að neyða íþyngjandi sköttum og lygaþvælu upp á landsmenn.

Með orðum núverandi ritstjóra Mbl.: "Þið verðið teknir niður!"

[Höskuldur Búi Jónsson, 29.1.2012 kl. 12:46]

[Sveinn Atli Gunnarsson, 29.1.2012 kl. 17:41]

Merkilegt að Hilmar skuli ekki básúna hitastigið á Íslandi í dag...kannski orðið breyting á... - ekki að það skipti máli í sjálfu sér, en hitastig og færð hefur verið honum ofarlega í huga...

[Hilmar Hafsteinsson (IP-tala skráð) 29.1.2012 kl. 21:11]

Vísindalegar staðreyndir:

Meðalhiti í Reykjavík í janúar 2012: +0,1 (29.01.'12)

Meðalhiti í Reykjavík í janúar 1961-´90: -0,5

Meðalhiti í Reykjavík í janúar 1931-´60: -0,3

Meðalhiti í Reykjavík í janúar 2001-´10: +0,9

0,8°C munur á meðalhita í Rek í janúar 2001-'10 og janúar 2012!

Einhvern tímann hefði þetta verið talin umtalsverð kólnun.

Hvernig stendur annars á því að norrænir menn gátu ræktað bygg og bruggað öl á Grænlandi fyrir 1000 árum?

Og hvernig stendur á því að glænýjar rannsóknir staðfesta að engin hlýnun hefur átt sér stað í heiminum sl. 15 ár?

Hvar var öll iðnaðarmengunin og koltvísýrings'mengunin' sem orsakaði þessi miklu hlýindi í heiminum fyrir 1000 árum síðan?

Undirliggjandi leitni ykkar kolamolanna lauk 1997, samkvæmt glænýjum gögnum frá konunglegu bresku veðurstofunni og loftslagsrannsóknarteymi East Anglia háskólans!

Það er því augljóst að í hönd fer kólnandi veðurfar á jörðinni.

[Sveinn Atli Gunnarsson, 29.1.2012 kl. 21:32]

Þó þú endurtakir það í hausnum á þér 100 sinnum, þá verður það ekki augljóst að það sé kólnandi veðurfar á Jörðinni, sjá mýtuna Það er að kólna en ekki hlýna.

Hefur einhver haldið því fram hér að bygg (hvers konar bygg er það? Er bygg ræktað þar í dag? - Eru spurningar sem hægt er að spyrja sig)hafi ekki verið ræktað á Grænlandi áður - man ekki eftir neinu um það? Ekki þykir mér það skipta miklu máli varðandi framtíðina að miðaldahlýnunin hafi átt sér stað...sem er staðreynd reyndar og það hafði ekkert með koldíoxíð, þó það eigi sér stað á þann veg í dag, sjá mýtuna Það var hlýrra á miðöldum.

Að lokum þá er Daily mail er ekki vísindaleg heimild...en á sér langa sögu um villandi fréttamennsku af vísindum... David Rose er einnig afneitunarsinni, sem ég skil ekki að sé ráðin til að skrifa um vísindi, sem hann virðist ekki hafa mikið vit á... En það má væntanlega ekki nefna það í augum þeirra sem vilja trúa nálgun Daily Mail og David Rose án frekari gagnrýni í hugsun...

Ég á frekar von á að við heyrum meira af svona "fréttum" - þó ekki sér verið að tala um annað en að sólin geti hugsanlega orðið með færri sólbletti í næstu sólbletta sveiflu (sem hefur veirð í umræðunni lengi), en það er ekki talið munu valda kólnun, sjá nánar Er lítil ísöld eða kuldaskeið að skella á? - þar sem m.a. kemur eftirfarandi fram:

Það er því ljóst að allir spádómar um að yfirvofandi sé kuldatímabil, sambærilegt við Litlu Ísöldina, eru ótímabærir. Magn gróðurhúsalofttegunda er orðið slíkt í andrúmsloftinu að það mun yfirskyggja sambærilega niðursveiflu í sólvirkni eins og varð á 17. öld (Maunder Minimum) um langa framtíð (vegna langlífi gróðurhúsaáhrifalofttegundarinnar CO2).

Þá er einnig ljóst að við þurfum að bíða enn lengur eftir að nýtt kuldaskeið Ísaldar hefjist á næstunni. Þótt engin hefði orðið losun á CO2 út í andrúmsloftið – þá hefði næsta kuldaskeið byrjað í fyrsta lagi eftir um 15 þúsund ár ef miðað er við sambærilegt hlýskeið og er núna- eða samkvæmt bestu útreikningum á væntanlegri ágeislun sólar, eftir um 50 þúsund ár. Þá er ljóst að ef losun heldur áfram sem horfir, þá gæti hlýskeiðið orðið mun lengra en það.

Þeir sem enn eru í einhverjum vafa um að kuldaskeið sé í vændum, ættu að skoða hvort einhver sönnunargögn bendi til þess að kuldaskeið sé í vændum. Jöklar um allan heim eru að hopa hratt, sífreri á norðurslóðum fer minnkandi, hafís norðurskautsins er að minnka og allt þetta er að gerast á vaxandi hraða. Samkvæmt bestu vitneskju vísindamanna, þá eru þetta ekki beint aðstæður sem benda til þess að kuldaskeið sé væntanlegt.