Fyrirsagnir um loftslagsmál - TED myndband

Oft er hægt að nálgast fræðandi fyrirlestra á TED. Hér er fyrirlestur sem Rachel Pike hélt um rannsóknir sem mynda fyrirsagnir blaða og tímarita um loftslagsmál.

[Færsla af Loftslag.is]

Athugasemdir

[Sigurður Grétar Guðmundsson, 12.11.2009 kl. 12:12]

Sendi ykkur upplýsingar um ráðstefnu sem haldin verður í höfuðstöðvum Evrópuþingsins. Ég skoraði á Svandísi Svavarsdóttur umhverfisráðherra að senda fulltrúa á ráðastefnuna, hún hafnaði því. Ég hefði gjarnan viljað vera þarna en það verður ekki mögulegt. Þarna verður örugglega fjallað um loftslagsmál á vísindalegum grunni, ekki trúarlegum.

Meðal fyrirlesara eru Dr. Fred Goldberg sem hefur tvisvar komið til Íslands og haldið fyrirlestra um loftslagsmál. Þá hefði ég gjarnan viljað hitta tvo aðra vísindamenn sem ég tel að séu fremstu vísindamenn Norðurlanda í loftslagsmálum. Það eru þeir Dr. Henrik Svensmark frá Danmörku og Prof. Tom Segelstad frá Noregi. 

Svo vil ég aðeins benda ykkur á í fullri vinsemd að aukning CO2 í andrúmslofti á sl. hálfri öld, frá því  mælingar hófust á Hawaii, og er um 38% minnir mig, er engan veginn hægt að rekja 100% til bruna mannsins á kolefni. Þetta hafið þið sagt á ykkar bloggi. Það er að hámarki hægt að rekja 4% af þessum 38% til gjörða mannsins. Annað er að náttúrulegum orsökum sem við mennirnir ráðum engu um. CO2 er í stöðugri hringrá á milli lofts, sjávar, jarðar og plantna. Hringrásin tekur líklega ekki meira en 6 ár.

Lesið gjarnan minn stutta pistil í Mbl. í dag.

Have Humans Changed the Climate? -  Facts and Consequences

 

 Programme for the climate conference in the European Parliament

the 18^th of November 2009

 

 

10.00   Introduction by MEP Roger Helmer

 

10.10   Mr AnthonyWatts, NIPCC, USA

            What can we say today about the temperature measurements of the past?

 

10.45   Professor Ross McKitrick, University of Guelph, Ontario Canada

            Climate Models versus measurements: An Updated Comparison

 

11.20   Professor Tom Segalstad, Univ of Oslo. Norway

      CO2 chemistry, carbon cycle and ocean acidification

 

11.55   Dr Henrik Svensmark, Danish National Space Centre, Univ. of Copenhagen,

            How the Sun and its solar winds affects our climate.

 

12.30 – 13.30    Lunch

 

13.30   Adj Professor Fred Goldberg, NIPCC, Stockholm Sweden

            Ocean currents and its effect on the climate and Arctic ice conditions

 

14.05     Professor Fred S. Singer, NIPCC, USA

Why can’t we trust IPCC?

 

14.40   Dr Hans Labohm, independent economist and expert reviewer IPCC

             Economical, political and social consequences of a COP15 agreement

 

15.15-15.30   Coffee break

 

15.30   Dr Benny Peiser, Liverpool John Moores University, UK

            Media Bias, Climate Alarmism and the Rise of the New Media

 

16.10  Dr James Delingpole, The Telegraph

            Role of the Media

 

16.30 -18.00 Open debate

 

 

 

 

 

 

[Sveinn Atli Gunnarsson, 12.11.2009 kl. 12:55]

Það verður fróðlegt að heyra umfjöllun um þessa ráðstefnu.

Varðandi CO2 í andrúmsloftinu og aukningu þess þá vil ég benda þér á ágæta færslu af Loftslag.is, þar sem farið er yfir þetta.

• Er aukning CO2 af völdum manna? 

Enn og aftur langar mig að biðja þig Sigurður að vitna í heimildir þegar komið er fram með slíka alhæfingu eins og t.d. þessa:

"Það er að hámarki hægt að rekja 4% af þessum 38% til gjörða mannsins."

Ég veit ekki til þess að það séu til heimildir fyrir þessu...

Mbk.

[Sveinn Atli Gunnarsson, 12.11.2009 kl. 13:39]

Það er eitthvað vandamál með myndbandið hér, en ef farið er inn á Loftslag.is, þá virkar það fínt þar, sjá tengil ofan við myndbandið.

[Höskuldur Búi Jónsson, 12.11.2009 kl. 14:31]

Sigurður:
Fyrst vil ég að þú bendir okkur á hvernig þú fannst það út að við höfum tekið svona sterkt í árina:

Svo vil ég aðeins benda ykkur á í fullri vinsemd að aukning CO2 í andrúmslofti á sl. hálfri öld, frá því  mælingar hófust á Hawaii, og er um 38% minnir mig, er engan veginn hægt að rekja 100% til bruna mannsins á kolefni. Þetta hafið þið sagt á ykkar bloggi.

Ég mæli svo með því að þú skoðir neðstu myndina í tenglinum sem að Sveinn Atli vísar í. Samsætumælingar staðfesta að magn CO2 sem hefur myndast við bruna eykst í réttu hlutfalli við aukninguna í andrúmsloftinu. Því er ljóst að aukningin er af mannavöldum - aldrei er haldið fram að 100% af aukningunni sé vegna bruna jarðefnaeldsneytis.
 
Það eru einnig aðrar ástæður fyrir aukningunni - t.d. breytt landnotkun (t.d. skógeyðing) og vegna iðnaðar (t.d. sementframleiðsla). Þetta vita vísindamenn og þetta getur þú lesið um í skýrslum IPCC sem þú virðist hafa mikla andúð á.
 
Einnig vita menn að enn sem komið er, þá er hafið og landið að gleypa meira af CO2 heldur en menn losa og því er það svo ENN að magn CO2 eykst ekki eins hratt og búast mætti við miðað við það magn sem losað er, þ.e. ef náttúran sæi ekki um þetta hreinsunarstarf. Eins og þú veist og hefur margoft bent á sjálfur - þá helst vatni illa á CO2 ef það hitnar og því er hlýnun sjávar enn meira áhyggjuefni en annars.  Nú gleypir sjórinn meira en hann losar - samanber súrnun sjávar - hætt er við að magn CO2 í andrúmsloftinu fari að aukast mun hraðar ef hann hættir að draga til sín CO2 í sama magni og hann hefur gert.
 
Þessar prósentupælingar þínar eru síðan ekki að virka (ekki heldur í grein þinni í morgunblaðinu), nema helst sem einhverjir útúrsnúningar, því vísindin segja okkur annað.

Ef þetta er ekki nógu skýrt, þá mun ég skrifa færslu um CO2 í andrúmsloftinu og meðal annars um hlutfall þess og uppruna - út frá því sem vísindin segja okkur. Hvort ég hafi tíma til þess á næstunni verður að koma í ljós.

[Höskuldur Búi Jónsson, 12.11.2009 kl. 15:16]

P.S. það sem helst er áhugavert við þessa ráðstefnu sem þú nefnir eru nöfnin á þeim sem þar koma fram. Ég kannast við mörg af þeim - allt efasemdamenn um hlýnun jarðar af mannavöldum.

Það er ótrúlegt miðað við hvað menn vilja halda því mikið á lofti að vísindamenn séu ekki almennt sammála um hlýnun jarðar af mannavöldum - að það eru alltaf sömu örfáu mennirnir sem halda fyrirlestrana um þessi mál á efasemdakantinum.

Rök þeirra hafa undantekningalaust verið hrakin - en samt halda þeir áfram með sinn áróður. Hver ætli hafi styrkt þessa ráðstefnu?

[Sveinn Atli Gunnarsson, 12.11.2009 kl. 16:50]

Sigurður

Það væri fróðlegt að fá tengil á þessa ráðstefnu sem þú vitnar í. Það hefur reynst erfitt að finna út hvar hún er og hver stendur að baki, svo hægt sé að fræðast nánar um hana. Ég hef leitað á heimasíðu Evrópuþingsins en ekkert fundið... Mér þætti gott ef þú gætir bent mér á frekari upplýsingar á netinu.