Vindorka | Minni losun CO2

Það er ánægjulegt að fleiri og stærri vindorkuver séu að koma til sögunnar. Það minnkar losun CO2 á heimsvísu, þar sem um sjálfbæra orku er að ræða. Vindorka getur að hluta til komið í stað orku sem framleidd er með jarðefnaeldsneyti með tilheyrandi losun CO2.

Við þekkjum öll hefðbundnar vindmyllur. Þær hafa reynst ágætlega víða um heim til raforkuframleiðslu, en eitt vandamál hefur oft verið nefnt til sögu þegar rætt er um þær og það er að þær eru að margra mati ljótar ásýndar. Þess vegna hefur m.a. verið reynt að setja upp vindorkuver á hafi úti, þar sem því hefur verið komið við. Til að reyna að finna ráð við þessu, þá hefur hópur hönnuða gert nýja tegund vindorkuvera, þar sem þeir fengu lánaðar nokkrar hugmyndir frá sjálfri náttúrunni.

[...]

Sjá nánar um þessa nýju gerð vindorkuvera á loftslag.is, Vindorka | Ný tækni – Vindstilkar

Tengdar færslur á loftslag.is:

• Líftækniiðnaður gæti stuðlað að minni losun CO2
• Rafmagnsbílar
• Endurnýjanleg orka – Lausn mánaðarins (Vindorka I. hluti)
• Vindorka – II. hluti
• Skógrækt á Norðurhjara

Sigling um bæði Norðaustur- og Norðvesturleiðina á sama sumri heppnaðist

Við sögðum stuttlega frá því hér að tveir leiðangrar væru að reyna siglingu um bæði Norðvestur- og Norðausturleiðina á sama sumri. Þetta voru norskur leiðangur á Borge Ousland og svo rússneskur leiðangur á snekkjunni Peter I. Það er skemmst frá því að segja að ferðalaginu lauk núna þriðjudaginn 21. september. Er þetta í fyrsta skipti sem einhverjum tekst að sigla báðar leiðirnar sama sumarið. 

[...] 

Nánar á loftslag.is, Sigling um bæði Norðaustur- og Norðvesturleiðina á sama sumri heppnaðist 

Tengt efni á loftslag.is:

• Hafís | Ágúst 2010
• Hafíslágmarkið 2010 (sem var ekki alveg hafíslágmarkið)
• Hafís Norðurskautsins
• Íshafsbráðnun og siglingaleiðir
• Spár um lágmarksútbreiðslu hafíss i ár
• Tag – Hafís
• Ísbirnir við hnignandi hafís
• Er hafís Norðurskautsins að jafna sig?

Ástand hafíss og umræðan um Norðurskautið

Umræðan um Norðurskautið núna virðist tengd þeirri framtíð sem gæti orðið með hafís Norðurskautins í framtíðinni. Ef meiri bráðnun verður á Norðurskautinu vegna hlýnunar Jarðar, eins og spár gera ráð fyrir, þá verða gaslindir þær, sem kunna að leynast undir hafísnum, aðgengilegri, allavega hluta ársins.

 

Ýmislegt tengt efni tengt hafís og Norðurskautinu af loftslag.is:

• Hafíslágmarkið 2010 (sem reyndist þó ekki vera lágmarkið í ár)
• Hafís | Ágúst 2010
• Hafís Norðurskautsins
• Íshafsbráðnun og siglingaleiðir
• Spár um lágmarksútbreiðslu hafíss i ár
• Tag - Hafís
• Tag - Norðurskautið
• Ísbirnir við hnignandi hafís
• Er hafís Norðurskautsins að jafna sig?

Varar við kaldastríðsátökum á norðurskautinu

Jafnvægissvörun loftslags

Þekking er nokkuð góð á  loftslagi Jarðar, þ.e. á sumum sviðum þess. Því miður er jafnvægissvörun loftslags ekki eitt af þeim sviðum og töluverð óvissa þar um. Jafnvægissvörun loftslags er mat á því hversu mikið lofthiti Jarðar muni aukast að meðaltali ef CO2 í andrúmsloftinu myndi tvöfaldast. Þetta er mikilvægt vegna þess að ef það er lágt, eins og sumir efasemdamenn telja, þá mun Jörðin ekki hitna mikið. Aftur á móti ef að jafnvægissvörunin er há, þá er útlitið ekki gott fyrir menn og dýr, vistkerfi og samfélög.

Það eru tvær aðferðir til að finna út jafnvægissvörun loftslags (þriðji möguleikinn er eiginlega ekki möguleiki – þ.e. að bíða í öld og sjá hvað hefur gerst þá). Aðferðirnar eru með í fyrsta lagi með líkönum og öðru lagi með því  að mæla jafnvægissvörun loftslags beint út frá ýmsum mælingum.

[...] 

Nánar á loftslag.is, Jafnvægissvörun loftslags 

Tengdar færslur á loftslag.is

• Jafnvægissvörun Lindzen
• Afsanna loftslagsbreytingar fyrri tíma, hlýnun jarðar af mannavöldum?
• Hver er jafnvægissvörun loftslags?
• Vatnsgufa er öflugasta gróðurhúsalofttegundin
• Geta vísindamenn spáð fyrir um loftslag?

 

Loftslag.is á afmæli - eitt ár liðið

Það er ótrúlegt til þess að hugsa fyrir okkur á ritstjórn að nú er komið eitt ár síðan loftslag.is fór í loftið. Okkur hefur fundist tíminn líða full geyst, því ekki hefur okkur gefist færi á að skrifa um nærri því allt það efni sem við hefðum viljað gera skil. Ein helsta ástæða þess er sú að síðan er í raun áhugamál okkar og ekki endilega alltaf í forgangi hvað varðar tíma (vinna, skóli og fjölskylda hefur ávalt haft forgang eins og gefur að skilja). Til upprifjunar eru opnunarpistlar okkar listaðir í ítarefninu, ef einhver vill rifja þá upp 

... 

Nánar  á loftslag.is (þar sem einnig er möguleiki að koma með athugasemdir),

 

• Loftslag.is á afmæli – eitt ár liðið

 

Fellibyljatímabilið á fullum snúningi

Nú er fellibyljatímabilið komið á fullan snúning og í augnablikinu eru Igor, Júlía og Karl (sem er 11. nafngreindi stormurinn og varð til eftir að byrjað var að skrifa þessa færslu) í gangi. Igor og Júlía hafa náð því að verða 4. stigs fellibylir, en sem betur fer virðast leiðir þeirra ætla að liggja yfir opnu hafi. Það er mjög sjaldgæft að tveir 4. stigs fellibylir séu í gangi á sama tíma.

En hvernig lítur fellibyljatímabilið út miðað við fellibyljaspá NOAA frá því í vor? Til að skoða það skulum við líta á myndina hér undir:

Þess má geta að þegar þessi mynd var gerð, þá var Júlía ekki orðin að stórum fellibyl og Karl var heldur ekki kominn til. Eins og sjá má á þessari mynd þá eru komnir 10 (11 með Karli) nafngreindir stormar, þar af 5 fellibylir og þar af eru 3 stórir fellibylir (4 með Júlíu). Í meðalári eru komnir 6 nafngreindir stormar á þessum tíma, þar af 3 fellibylir og einn stór fellibylur. Það má því segja að árið í ár sé hingað til virkara en í meðalári. Hvort það heldur áfram er ekki gott að segja, en samkvæmt spá NOAA þá bjuggust þeir við 14-20 nafngreindum stormum í ár (sem er yfir meðaltali). Þar af 8-12 fellibylir og 4-6 stórir fellibylir (3., 4. og 5. stigs fellibylir). Það er því ekki langt í að tölurnar fari allar að skríða inn á neðri mörk þeirrar spár. Venjulega er talað um að fellibyljatímabilið nái frá 1. júní til 30. nóvember og virkasti tíminn er talinn vera í ágúst, september og október. Það er því nokkuð eftir af tímabilinu enn þá og margt getur því gerst enn þá.

Á myndinni hér að ofan má sjá spá um hugsanlega braut fyrir bæði Igor (vestar) og Júlíu (austar).

Eftir að þetta var skrifað á loftslag.is í gær hefur Karl bæst í hóp fellibylja og er orðin að stórum fellibyl, þannig að skorkortið er ekki rétt. Einnig haf bæði Igor og sérstaklega Júlía minnkað í styrk síðasta sólarhringinn.

Heimildir:

• NOAA – NHC

Tengt efni á loftslag.is:

• Fellibylir á Atlantshafi 2010 (um spá NOAA)
• Stormar fortíðar sýna vindasama framtíð
• Heitustu 12 mánuðir síðan mælingar hófust
• Tag – Hitastig
• NASA | Heitasta 12 mánaða tímabilið
• Hitahorfur fyrir árið 2010

 

Karl orðinn að fellibyl

Heitasta janúar til ágúst frá því mælingar hófust

Núna í vikunni bárust nýjar tölur frá NOAA um hitastig Jarðar. Ágúst mánuður var þriðji heitasti ágúst frá því mælingar hófust á heimsvísu. Fyrir tímabilið janúar til ágúst, þá er hitastigið það hæsta sem mælst hefur fyrir sameinað hitastig yfir landi og hafi á heimsvísu fyrir það tímabil. Þetta ár gæti því náð hæsta hitastigi árs þegar árið verður liðið. Það eru þó 4 mánuðir eftir af árinu og hitastig hefur heldur farið lækkandi frá því El Nino gaf eftir fyrir La Nina ástandinu í Kyrrahafi. Þannig að er alls óvíst að hitamet fyrir almannaksárið verði raunveruleiki, en þess ber þó að geta að nýlega hefur heitasta 12 mánaða tímabilið mælst, sjá Heitustu 12 mánuðir síðan mælingar hófust.

Það má lesa nánar um þetta ásamt því að sjá ýmis gröf, töflur og myndir á loftslag.is:

• Hitastig | Ágúst 2010 og þróunin það sem af er ári 

Heimildir og annað efni af loftslag.is:

• Heitustu 12 mánuðir síðan mælingar hófust
• Hitastig | Júlí 2010
• NASA | Heitasta 12 mánaða tímabilið
• Hitastig árið 2009
• NOAA – ágúst 2010
• Tag – Mánaðargögn
• Tag – Hitastig
• Helstu sönnunargögn

 

Hafíslágmarkið - samanburður og myndir

Tilkynning um að hafíslágmarkinu hafi verið náð í ár, kom frá NSIDC í gær (miðvikudaginn 15. september). Hafísinn virðist hafa náð minnstri útbreiðslu þann 10. september í þetta skiptið. Útbreiðslan var sú þriðja minnsta frá því gervihnattamælingar byrjuðu. Aðeins árin 2007 og 2008 var útbreiðslan minni.

Þann 10. september var útbreiðsla hafíss 4,76 milljón km2. Þetta lítur út fyrir að vera lægsta gildi ársins og nú sé hafísútbreiðslan farin að aukast aftur.

Þetta er aðeins í þriðja sinn síðan byrjað var að mæla útbreiðsluna með gervihnöttum að útbreiðsla hafíssins fer undir 5 milljón km2, og í öllum tilfellum hefur það verið innan síðustu fjögura ára. Lágmarksútbreiðslan 2009 var 5,10 milljón km2, sú fjórða lægsta samkvæmt skráningum.

Heimildir:

• NSIDC.ORG

Tengt efni á loftslag.is:

• Hafís | Ágúst 2010
• Hafís Norðurskautsins
• Íshafsbráðnun og siglingaleiðir
• Spár um lágmarksútbreiðslu hafíss i ár
• Tag – Hafís
• Ísbirnir við hnignandi hafís
• Er hafís Norðurskautsins að jafna sig?

Ísinn bráðnar óvenju hratt

Mótsagnarkennt eðli röksemda “efasemdarmanna” um hnattræna hlýnun

Það er eftirtektarvert að fylgjast með því hvernig rökfærslur þeirra sem kenna sjálfa sig við “efasemdir”, varðandi hlýnun jarðar af mannavöldum, breyta endalaust andmælunum og rökfærslum sínum. Ein afleiðing þess, er að þeir komast oft í mótsögn við sjálfa sig. Einn daginn er röksemdarfærslan sú, að núverandi hlýnun sé vegna sólarinnar, næst að hlýnun sé vegna “náttúrulegra sveiflna”, þar næst að plánetan sé að kólna og daginn eftir koma svo kannski rök um að það sé svo mikil óvissa í hitastigsmælingum að við vitum hvort sem er ekki, hvert hnattrænt hitastig er. Þetta er ein af ástæðunum fyrir því mikla magni af mýtum sem hægt er að finna t.d. á loftslag.is.

... 

Það má lesa nánar um þessar mótsagnir "efasemdarmanna" í nýrri færslu á loftslag.is:

• Mótsagnarkennt eðli röksemda “efasemdarmanna” um hnattræna hlýnun 

Tengt efni á loftslag.is:

• Rökleysur loftslagsumræðunnar
• Helstu sönnunargögn
• Mýtusíðan
• Mýta – Það var hlýrra á miðöldum
• Mýta - Hlýnunin nú er af völdum sólarinnar
• Mýta – Jafnvægissvörun loftslags er lág

 

Nýr gestapistill - Madden-Julian veðursveiflan við miðbaug

Þó ótrúlegt megi virðast er oft meiri óvissa  í veðurspám frá degi til dags í hitabeltinu en á miðlægum breiddargráðum bæði á norður og suðurhveli jarðar.   Í hitabeltinu nærri miðbaug þykir veður nú engu að síður vera frekar einsleitt.  Sé maður staddur á tilteknum stað í hitabeltinu má segja að líkur á miklum síðdegisskúrum séu töluverðar, en þó gerir suma dagana skúri, en aðra ekki.

... 

Svona byrjar nýr gestapistill eftir Einar Sveinbjörnsson veðurfræðing á loftslag.is, sjá nánar Madden-Julian veðursveiflan við miðbaug  

Aðrir gestapistlar á loftslag.is:

• Gestapislar