Borgarísjaki losnar frá Suðurskautinu

94 kílómetra langur og 39 kílómetra breiður borgarísjaki  á Austur-Suðurskautinu, B-09B borgarísjakin sem er á stærð við Rhode Island, rakst á jökultungu Mertzjökulsins nú í febrúar. Talið er að áreksturinn hafi átt sér stað 12. eða 13. febrúar og brotið jökultunguna frá jöklinum í kjölfarið. Jökultungan er nú orðin að borgarísjaka sem er næstum jafn stór og B-09B borgarísjakinn. Myndirnar hér undir eru allar frá MODIS og sýna stöðu borgarísjakans og fyrrum jökultungunnar fyrir og eftir áreksturinn.

Efsta myndin er frá 7. febrúar, 2010. Einhvern tíma á tímabilinu 12. - 13. febrúar klessti B-09B á jökultunguna. Skýjað var á því tímabili og þ.a.l. náðust ekki myndir af því þegar það gerðist. En síðdegis þann 13. febrúar varð létt skýjað og kom þá í ljós að jökultungan hafði brotnað frá jöklinum. Mið myndin er frá 20. febrúar og sýnir báða borgarísjakana. Næstu vikuna á eftir færðist hinn nýi borgarísjaki fjær jöklinum neðsta myndin.

Borgarísjakinn sem varð til út frá Mertzjökulinum er 78 kílómetrar á lengd og 39 kílómetrar á breidd og massi hans er um 700-800 milljarðar tonna. Hugsanlega mun þetta brot jökulsins hafa áhrif á líf mörgæsa á svæðinu, þar sem jökultungan var einskonar var fyrir þær áður en hún brotnaði frá.

B9 borgarísjakinn brotnaði frá Ross íshellunni árið 1987. Það tók hinn risavaxna borgarísjaka meira en 2 áratugi að reka út frá Ross hafinu, að Mertzjöklinum á Austur-Suðurskautinu. Á leiðinni brotnaði hann í hluta, m.a. B-09B borgarísjakan sem klessti á jökultungu Mertzjökulsins.

Hér undir má sjá myndir af atburðinum.

Ítarefni og heimildir:

Þetta er færsla af Loftslag.is, nánar um Suðurskautið í tengli hérundir:

• Suðurskautið

Gæti raskað sjávarstraumum

Athugasemdir

[Fannar frá Rifi, 27.2.2010 kl. 18:40]

mætti halda að þú vildir að hafi allt væri ísilagt?

ísin bráðnar og vatnið bætist við í hafið. vantið í hafinu gufar upp og fellur sem úrkoma aftur á suðurskautið. þar sem hitastig fer aldrei undir frostmark nema á hásumri á nyrsta odda suðurskautsins þá er allur ykkar áróður um bráðnum einföld lýgi. 

því hvenær byrjaði ís að bráðna þegar hitastig hans er langt undir frosmarki? eða nota menn upplognar mælingarstoðvar sem hvergi eru til eins og vanin er í loftslags áróðursmálum þegar þeim vantar gögn til að sanna eigin kenningar? 

[Sveinn Þór Hrafnsson, 27.2.2010 kl. 21:01]

Það er hægt að hamra á okkur að hlýnunin er mannfjöldanum að kenna, en þegar maður gerir sér grein fyrir að umhverfis vænar lausnir hafa verið til um all langt skeið fer að renna tvær grímur á mann. Hvað vakir fyrir þessum mönnum sem eru bakvið stærsta scam veraldar. Ef þú gluggar í gegnum þessar klippur þá sérðu hvað ég er að tala um. Lausnirnar eru til en ekki hleypt í gagnið því hópur manna sem stjórna hagkerfi heimsins vilja ekki sjá neitt svona fyrr en þeir hafa náð að einkavæða vatn heimsins. Það er fullt af fólki sem hefur skotið upp með svipaðar tækni.Eða aðrar vistvænlegar tæki sem fá ekki viðlits.

http://www.youtube.com/watch?v=TjfONpsFvyM

http://www.youtube.com/watch?v=Jivb7lupDNU&feature=related

http://www.youtube.com/watch?v=GDHT0hBgVOw&feature=fvsr

http://www.youtube.com/watch?v=__gHPblNumM&feature=related

http://www.youtube.com/watch?v=adfgMWQB_6o

http://www.youtube.com/watch?v=jt5z8L4LBJE&feature=related

http://www.youtube.com/watch?v=PFGiWiXMHn0

[Loftslag.is, 27.2.2010 kl. 23:21]

Fannar:

Þetta eru undarleg viðbrögð við þessari færslu - þetta er lýsing á atburði sem er að gerast á Suðurskautinu og er stórmerkilegur.

En það er kannski rétt að benda fólki á villur í þínum málflutningi.

"mætti halda að þú vildir að hafi allt væri ísilagt?"

Við vitum ekki alveg hvernig á að bregðast við þessu - en nei, hvorugur okkar hér á loftslag.is vill að hafið verði ísilagt - hvernig svo sem þér datt það í hug.

"ísin bráðnar og vatnið bætist við í hafið. vantið í hafinu gufar upp og fellur sem úrkoma aftur á suðurskautið. þar sem hitastig fer aldrei undir frostmark nema á hásumri á nyrsta odda suðurskautsins þá er allur ykkar áróður um bráðnum einföld lýgi."

"því hvenær byrjaði ís að bráðna þegar hitastig hans er langt undir frosmarki? eða nota menn upplognar mælingarstoðvar sem hvergi eru til eins og vanin er í loftslags áróðursmálum þegar þeim vantar gögn til að sanna eigin kenningar?"   

Jah, ef þú heldur það - þá hefurðu ekki verið að fylgjast með - jökulbreiðan á Suðurskautinu er að minnka í massa og það stöðugt. Sjá mynd sem finna má í færslu á loftslag.is: (Er ís á Suðurskautinu að minnka eða aukast?)

Mynd 2: Massabreytingar í jökulbreiðu Suðurskautsins frá apríl 2002 til febrúar 2009.Ósíuð gögn eru bláar línur/krossar. Gögn sem síuð hafa verið til að fjarlægja árstíðarbundnar breytingar eru með rauðum krossum. Besta annars stigs leitnilína er sýnd með grænni línu (Velicogna 2009).

Sveinn Þór:

Það er alltaf gaman af samsæriskenningum, en við höfum ekki lagt okkur eftir þeim, heldur skoðum við rannsoknir og staðreyndir.

[Sveinn Þór Hrafnsson, 27.2.2010 kl. 23:30]

Svo þú telur allar þessar frétta klippur bara upp spuna? Ég er allavega að reyna að gera eitthvað í málunum. Ég hef verið að vinna að vetnis lausnum sem draga úr óbrendu eldsneiti úr bifreiðum og á sama tíma spara eldsneiti. Þú sjálfsagt heldur að ég sé einhver vitleysingur sem hamast bara tölvunni en svo er ekki. Þér er velkomið að koma í heimsókn. Vagnhöfði 9 sími 814823. 

Kær kveðja

Sveinn Hrafnsson

[Sveinn Þór Hrafnsson, 27.2.2010 kl. 23:31]

Sorry símin er 8214823

[Maggi (IP-tala skráð) 27.2.2010 kl. 23:32]

Sveinn

það að nota vatn sem orkugjafa fyrir bíl er bara bull

til að framleiða vetni þarf rafmagn

H2O þíðir að það er 2 hlutar af vetni á móti 1 hluta súrefni

en raforkan sen þarf til að framleiða 1kw er nærri 1kw

þetta er andstætt lögmáli eðlisfræðinnar

ég er ekki neinn rosalegur umhvervisvendar sinni

en hér á Íslandi ættum við sð reyna hvað við getum til aðrafvæða bílaflotann

því að eftir nokkur ár fer tunnan af olíu uppí 400us$

hvað kostarþá ar reka bílinn?

kv 

Maggi

[Sveinn Þór Hrafnsson, 27.2.2010 kl. 23:41]

Hi Maggi. Komdu í heimsókn, ég skal sýna þér og útskýra betur hvernig vetni virkar. Skólbækur eru fullar af rangfærslum....

[Maggi (IP-tala skráð) 27.2.2010 kl. 23:42]

Sveinn

hafðu samband

magoo att internet.is

kv

Magnús

[Snorri Gylfason (IP-tala skráð) 28.2.2010 kl. 11:12]

Það hefur alltaf kólnað og hitnað í heiminum til skiftis.

Fyrir 30 árum voru menn hræddir við að Ísöld væri að koma.

Síðusu ár hafa sumir haldið að höfin færu að súrna jafnvel sjóða,

en það eru margar ástæður fyrir kólnun eða hlýnun,

þetta er ein..

[Gylfi Gylfason (IP-tala skráð) 28.2.2010 kl. 14:12]

Ég hef ekki komið áður á þetta blogg en merkilegt er það og takk kærlega fyrir að deila þessum upplýsingum. Mun verða fastagestur hér.

[Árni Gunnarsson, 28.2.2010 kl. 17:06]

Farið varlega í að birta svona upplýsingar hér á blogginu þið Loftslagsmenn. Varðhundar markaðarins eru snöggir að bregðast við og sanna að allar viðvaranir um háska samfara sóun og bruðli séu komnar frá óvinum hagsældarinnar. Markaðurinn eyðir þúsundum milljarða árlega- eða vikulega í það að sannfæra fólk um að nýja þvottavélin sé orðin úrelt og enginn geti látið sjá sig með ómerkilegri farsíma en þann sem er með innbyggðu sjónvarpi ásamt gervihnattatengingu. Svo eitthvað sé nefnt af allri geðveiki græðginnar.

Fannar frá Rifi er í Securitas deild markaðsins og meira að segja að útskrifast í pólitískri alvisku frá Háskóla Hins Eilífa Vísdóms ESB á Bifröst. Honum ber að bregðast hratt við ef fólk fer að efast um lausnir græðgi og sóðaskapar í umhverfinu. Og hann veit líklega eins vel og rektorinn að við þurfum að flytja til Íslands svona sirkabát 3 milljónir útlendinga til að byrja með svo þessi guðsvolaða þjóð geti talist sjálfbjarga og komist upp úr örbirgðinni sem fámenni skapar. 

[Höskuldur Búi Jónsson, 28.2.2010 kl. 17:13]

Snorri: Á loftslag.is eru einmitt færslur sem að fjalla að einhverju leiti um fyrstu tvo punktana þína: Afsanna loftslagsbreytingar fyrri tíma, hlýnun jarðar af mannavöldum? og svo Mýta:  Vísindamenn voru sammála um og spáðu hnattrænni kólnun eða nýrri ísöld á áttunda áratugnum. Menn halda því vissulega fram að sýrustig hafanna sé að aukast - enda er það mælanlegt. Sjá t.d. eftirfarandi færslur á loftslag.is um súrnun sjávar. Varðandi suðuna, þá hef ég ekki heyrt það áður.

Gylfi: Velkominn - við höldum einnig úti heimasíðuna loftslag.is, þar sem við birtum fréttir og bloggfærslur um ýmislegt í heimi loftslagsvísindanna - við reynum að einbeita okkur að vísindunum og reynum að halda okkur frá pólitíkinni sem að oft vill tengjast þessu viðkvæma málefni.

[Ólafur Þórðarson, 28.2.2010 kl. 19:44]

Mér þykir færsla loftslags hin ágætasta. Viðbrögðin að ofan þykja mér að mestu æsifréttafíklaskrif sem eiga ekki við á vefsíðum vísindaþenkjandi manna.

Áhangendur samsæriskenninga eru að mörgu leyti eins og trúflokkasauður, standa upp í tíma og ótíma að gjamma um ágæti sinna lífsskoðana án þess það komi neitt að gagni varðandi umræðuna. 

Ég hefði viljað sjá myndirnar í textanum sem vitnað er í. 

[Sveinn Atli Gunnarsson, 28.2.2010 kl. 20:03]

veffari: Ef ég skil þig rétt, þá ertu að tala um myndirnar sem rætt er um í færslunni. Þær eiga að sjást (persónulega sé ég þær), þannig að það gæti verið að það sé eitthvað ólag á vafranum þínum, prófaðu að skoða fræslunni á Loftslag.is, vonandi sérðu myndirnar þar.

[Ólafur Þórðarson, 28.2.2010 kl. 20:21]

Server not found  -----   Firefox can't find the server at www.loftslag.is.

Þegar ég hleð síðunni er eins og myndir ætli að birtast en svo kemur ekkert. Í Explorer koma myndarammar með svona rauðum krossi.

[Sveinn Atli Gunnarsson, 28.2.2010 kl. 21:07]

veffari; geturðu athugaað hvort þú kemst beint inn á loftslag.is, með því að slá slóðina inn í vafrann?

Þetta þykir mér annars undarlegt...en hefur væntanlega eitthvað með það að gera að þú virðist einhverra hluta vegna ekki komast inn á loftslag.is, myndirnar eru þar.

PS. Eru fleiri sem ekki sjá myndirnar?

[Jón Erlingur Jónsson (IP-tala skráð) 28.2.2010 kl. 21:32]

Ég sé heldur ekki myndirnar og kemst ekki inn á loftslag.is. Frá facebook get ég séð yfirlitið en ekki náð í greinarnar.

[Sveinn Atli Gunnarsson, 28.2.2010 kl. 23:18]

Undarleg. Þið megið gjarnan láta mig vita hvernig þetta verður á morgun. Það virðist vera einhver umferð um síðuna, en það er á köflum smá hik í niðurhalinu hjá mér, en ég kemst inn á síðuna. Vonandi er þetta eitthvað tímabundið tæknilegt vandamál sem gengur yfir, annars þarf ég að hafa samband við þann sem vistar síðuna. Takk fyrir að láta vita.

[Bjöggi (IP-tala skráð) 1.3.2010 kl. 13:08]

Veffara vantar eitthvað add-on á vafran sinn til að sjá myndirnar, gæti þurft að installera adope reader eða eitthvað álíka.

[Fannar frá Rifi, 1.3.2010 kl. 18:31]

Árni eru að kalla mig af öllum mönnum ESB sinna????