Skemmtilegt

Alltaf skemmtilegt þegar eitthvað íslenskt kemst á lista þessa dagana (og er ekki tengt kreppunni). 

Líklega verða Grímsvötn og eldvirkni undir Vatnajökli enn merkilegri þegar jöklar landsins rýrna enn meir en orðið er.

Til eru kenningar um það að vegna farg-losunar við bráðnun jökla geta orðið eldgos sambærileg við stóru dyngjugosin sem langflest urðu stuttu eftir að jökla leysti hér á landi í lok síðasta jökulskeiðs. Það eru gríðarleg flæðigos og ef þau myndast undir jökli þá verða til móbergsfjöll (t.d. Herðubreið) en ef ekki þá flæða hraunin nánast eins og vatn langar leiðir og mynda dyngjufjöll (t.d. Skjaldbreiður). Þetta eru eldgos sem geta staðið yfir í nokkur ár, spurning hvort þau geti þá haft áhrif til kólnunar á móti hlýnuninni.

Hér er mynd sem sýnir áætlaða bráðnun jökla

Ath, fyrir Vatnajökul þá er bara sýndur sunnanverður Vatnajökull - V. Svo er H=Hofsjökull og L=Langjökull (af heimasíðu Veðurstofunnar).

Grímsvötn á lista merkilegustu eldfjalla

Athugasemdir

[Loftslag.is, 29.3.2009 kl. 22:50]

Hér er einn sem er ekki beint sammála þessum lista

http://scienceblogs.com/eruptions/2009/03/discoverys_top_10_volcanoes_an.php

Ég er að mörgu leiti sammála honum.

[Emil Hannes Valgeirsson, 30.3.2009 kl. 09:46]

Það er óneitanlega mikill heiður að komast inn á lista yfir merkilegustu eldstöðvar allra tíma í öllu sólkerfinu. Allavega miðað við það sem hefur gengið á í fortíðinni.

[Loftslag.is, 30.3.2009 kl. 10:09]

Jamm, nokkuð kjánalegur listi en gaman eigi að síður.