Staða hafíssins á Norðurskautinu

Það er nú orðið ljóst að bráðnunin í ár verður í hærri kantinum og spurningin nú er bara hvort bráðnunin nái lágmarkinu 2007. Það kemur í ljós hvernig lágmarkið verður, líklega í lok september en í fyrra þá náði lágmarkið ekki sömu lægðum og árið 2007 (útbreiðslan var þó næstminnst frá upphafi mælinga frá 1979):

Lágmörk hafíss á norðurskautinu frá árinu 1979 (nsidc.org).

 

Hér er staðan frá því í fyrradag, þar sem sýnd er þróunin fyrir 2007 og 2008 til samanburðar (nsidc.org).

Vísindamenn hafa gert margskonar líkön til að reyna að áætla lágmarkið í ár:

Spár vísindamanna eftir mismunandi líkönum (smella til að stækka, tekið af nsidc.org).

Ég hef engin spálíkön í mínum fórum, en mig grunar að vegna þess hve ísinn er þunnur og hversu hratt hann bráðnar nú að útbreiðslan verði svipuð og árið 2007 - og að jafnvel verði sláð met í lágmarksútbreiðslu.

Nú var norðurskautið að anda ansi köldu lofti yfir til Íslands, spurning hvort hann hafi fengið heitt loft í staðinn, sem auka muni bráðnunina enn frekar (en kannski skiptir það engu máli).

-----------------------------

Í öðrum hafísfréttum er það helst að vísindamenn hafa fundið vísbendingar um það að hafís norðurskautsins hafi ekki verið jafn lítill í nágrenni Grænlands í yfir 800 ár og að líklegt er talið að yfir sumartíman verði hafíslaust strax árið 2030 og að nýjar kannanir með gervihnöttum sýni gríðarlega þynningu hafíss síðustu ár.

Athugasemdir

[Sveinn Atli Gunnarsson, 25.7.2009 kl. 00:11]

Það bendir flest til að ísinn hafi þynnst verulega á síðustu árum. Hér er tengill á færslu frá mér um frétt frá Nasa varðandi þykkt hafíssins. Nasa hefur í stuttu  máli gert mælingar með gervihnöttum síðan árið 2004 og þeir hafa mælt minnkun á eldri íslögum og þynningu á sjálfum ísnum samkvæmt rannsóknunum.

[Loftslag.is, 25.7.2009 kl. 16:39]

Jamm, áhugaverð frétt - það er ljóst að með hverju árinu sem að bráðnunin er svona mikil því meira bráðnar næst (vegna þynningar) - allavega meðan hitinn heldur sömu hæðum (eða eykst).

Sigurður Grétar heldur því enn fram að hafísinn sé að aukast sé ég.

[Loftslag.is, 28.7.2009 kl. 22:23]

Svo virðist vera sem fyrstu flutningaskipin séu byrjuð að gera sig klár í siglingu um norðurskautið.

[Sveinn Atli Gunnarsson, 28.7.2009 kl. 22:39]

Bráðnun ársins mun hugsanlega gera þessa ferð mögulega í ár. Samkvæmt NSIDC.org þá nálgast 2009 bráðnunin 2007 gildið, spurning er því hvert lokagildið verður?

http://nsidc.org/data/seaice_index/images/daily_images/N_timeseries.png

PS. hvernig setur maður eiginlega myndir inní athugasemdir?

[Loftslag.is, 28.7.2009 kl. 22:44]

Ég dreg myndirnar yfirleitt yfir í gluggan úr öðrum glugga. Athugaðu þó að það getur klikkað og þá er eins gott að hafa annað hvort ekki skrifað neitt eða þá að hafa það vistað í textaskjali, því textinn getur horfið.

[Sveinn Atli Gunnarsson, 28.7.2009 kl. 23:07]

Prufa, ég sé ekki myndina (bara kassa) á meðan á skrifunum stendur...skyldi þetta virka...?

 

[Sveinn Atli Gunnarsson, 28.7.2009 kl. 23:08]

nei greinilega ekki

[Sveinn Atli Gunnarsson, 28.7.2009 kl. 23:13]

Tókst

[Loftslag.is, 28.7.2009 kl. 23:18]