Positive feedback

Í vísindum er oft notað orðasambandið positve feedback sem hefur verið þýtt á íslensku sem jákvæð afturverkun eða jákvæð svörun (sem ég nota mest). Þeir sem hafa verið að pæla í loftslagsmálum vita að jákvæð svörun er alls ekki jákvæð í sjálfu sér, heldur einstaklega neikvætt ferli (í sambandi við hlýnun jarðar sem er óneitanlega neikvætt).

Jákvæð svörun felur í sér að eitthvað magnast upp, t.d. þegar hafís bráðnar vegna hlýnunar jarðar þá endurspeglast minna sólarljós út úr lofthjúpnum og sjórinn gleypir meiri hita og því hitnar meira - meiri hafís bráðnar - meira hitnar og  svo framvegis. Ekki beint jákvætt.

Ég rakst á orðasamband sem einn blaðamaður notar í útlandinu þ.e. amplifying feedback í staðinn fyrir positive feedback.

Því spyr ég ykkur: Dettur ykkur eitthvað í hug til að nota í staðin fyrir jákvæða svörun?

Athugasemdir

[Sveinn Atli Gunnarsson, 25.7.2009 kl. 19:16]

Mér dettur í hug, eflandi svörun eða magnandi svörun.

[Loftslag.is, 27.7.2009 kl. 10:45]

Góð hugmynd. Ætli það skiljist ekki ef maður notar t.d. magnandi svörun og í sviga (e. positive feedback)?

[Sveinn Atli Gunnarsson, 27.7.2009 kl. 11:19]

Hann Ágúst Bjarna hefur tekið upp það kerfi að samþykkja athugasemdir. Ég geri fastlega ráð fyrir að það komist minna í gegn af athugasemdum sem ekki passa viðhorfunum...

Þú ert kannski búinn að reka þig á þetta?

[Loftslag.is, 27.7.2009 kl. 11:34]

Ég sendi svar við síðustu færslu sem hefur ekki enn verið samþykkt. Hann hlýtur nú samt að sýna sóma sinn í því að birta það. Ég trúi ekki að hann ætli yfir á hinar viðsjárverðu ritskoðunarbrautir.

[Emil Hannes Valgeirsson, 27.7.2009 kl. 12:45]

Æ, er búið að bannfæra ykkur fyrir ósæmilega hegðun eða á maður að segja negative feedback.

[Loftslag.is, 27.7.2009 kl. 13:16]

Við köllum það stigminnkandi svörun (e. negatvie feedback) 

[Sveinn Atli Gunnarsson, 27.7.2009 kl. 13:32]

Eina ástæðan sem ég sé fyrir svona samþykktarferli í þessu tilfelli er ritskoðun, en nú skulum við sjá til og vona að hann samþykki athugasemdir sem berast. Kannski vill hann bara hafa svör á takteinum áður en hann samþykkir athugasemdir.

Já Emil, en þetta lítur þannig út (í augnablikinu) að efasemdamaðurinn vilji ekki fá aðrar efasemdir, en sínar eigin á síðuna sína...

[Emil Hannes Valgeirsson, 27.7.2009 kl. 13:32]

… eða neikvætt bakflæði