Loftslagsrapp vísindamanna

Svona í tilefni tónlistarhelgar í nafni Júróvísíon, þá er kannski upplagt að slá á léttar nótur og hlusta á rapplag þar sem m.a. loftslagsvísindamenn frá Ástralíu koma fram. Ég þekki nú ekki alveg hvernig þetta lag kom til, en það má sjálfsagt prófa að nota þennan miðil ásamt öðrum til að koma skilaboðum áleiðis, væntanlega eru einhverjir því ósammála… En hvað um það sjón er sögu ríkari, en í byrjun kemur þessi texti á skjáinn:

In the media landscape there are climate change deniers and believers, but rarely are those speaking about climate change actual climate scientists…

Sem má útleggja eitthvað á þann veginn:

Í landslagi fjölmiðla eru þeir sem afneita loftslagsbreytingum og þeir sem trúa á þær, en sjaldnast eru þeir sem ræða um loftslagsbreytingar raunverulegir vísindamenn…

Fyrir þá sem eru viðkvæmir, þá má vara við því að þarna heyrast orð sem ekki allir bekenna sem verandi sómasamleg…

[...]

Myndbandið er tiltölulega stutt og má sjá á loftslag.is, ásamt textanum líka, Loftslagsrapp vísindamanna

Tengt efni á loftslag.is:

• Snjókoma að vetri!
• Svampur Sveinsson í vandræðum með gróðurhúsaáhrifin
• Biblíuleg vísindi?
• Traust bygging?

 

Hverjir verða mest varir við afleiðingar aukinnar losunar gróðurhúsalofttegunda

Eitt af því sem menn velta fyrir sér þegar rætt er um loftslagsbreytingar er, hvaða áhrif  þær muni hafa á samfélög manna? Nýlega birtist grein þar sem þessari spurningu var velt upp og reynt að áætla hvaða svæði jarðar eru viðkvæmust fyrir komandi loftslagsbreytingum (Samson o.fl. 2011).

[...]

Nánar má lesa um þetta á loftslag.is, Hverjir verða mest varir við afleiðingar aukinnar losunar gróðurhúsalofttegunda

Tengt efni á loftslag.is

• Minnkandi maísframleiðsla við hnattræna hlýnun
• Geta vísindamenn spáð fyrir um loftslag?
• Þornun jarðvegs á Suðurhveli
• Þurrkar framtíðar

 

Sjóher Bandaríkjanna við hnattræna hlýnun

Sjóher Bandaríkjanna mun þurfa að takast á við breytta heimsmynd vegna hnattrænnar hlýnunar, samkvæmt nýlegri skýrslu.

[...]

Nánar má lesa um skýrsluna á loftslag.is, Sjóher Bandaríkjanna við hnattræna hlýnun

Tengt efni á loftslag.is

• Molar um sjávarstöðu
• Hafíshámarkinu náð – Lægsta hámarkið frá upphafi mælinga
• Er hlýnun jarðar slæm?
• Myndbönd & hljóð: Loftslagsstríðin
• NOAA – ástand Norðurskautsins 2010

Mótsagnarkennt eðli röksemda “efasemdamanna” um hnattræna hlýnun

Það er eftirtektarvert að fylgjast með því hvernig rökfærslur þeirra sem kenna sjálfa sig við “efasemdir”, varðandi hlýnun jarðar af mannavöldum, breyta endalaust andmælunum og rökfærslum sínum. Ein afleiðing þess, er að þeir komast oft í mótsögn við sjálfa sig. Einn daginn er röksemdarfærslan sú að núverandi hlýnun sé vegna sólarinnar, næst að hlýnun sé vegna “náttúrulegra sveiflna”, þar næst að plánetan sé að kólna og daginn eftir koma svo kannski rök um að það sé svo mikil óvissa í hitastigsmælingum að við vitum hvort sem er ekki hvert hnattrænt hitastig er. Þetta er ein af ástæðunum fyrir því mikla magni af mýtum sem hægt er að finna t.d. á loftslag.is.

[...]

Nánar er hægt að lesa um mótsagnir og rökleysur "efasemdamanna" á loftslag.is, Mótsagnarkennt eðli röksemda “efasemdamanna” um hnattræna hlýnun

Tengt efni á loftslag.is:

• Rökleysur loftslagsumræðunnar
• Helstu sönnunargögn
• Mýtusíðan
• Mýta – Það var hlýrra á miðöldum
• Mýta – Hlýnunin nú er af völdum sólarinnar
• Mýta – Jafnvægissvörun loftslags er lág

Þiðnandi sífreri mun auka á hnattræna hlýnun jarðar

Einn til tveir þriðji af sífrera jarðar gæti verið horfinn fyrir árið 2200 og þar með myndi losna töluvert magn kolefnis, CO2 út í andrúmsloftið, samkvæmt nýrri rannsókn gerð af stofnununum CIRES og NSIDC (Schaefer o.fl 2011).

[...]

Nánar má lesa um þetta á loftslag.is,  Þiðnandi sífreri mun auka á hnattræna hlýnun jarðar þar sem einnig má sjá stutt myndband um efnið.

 

Tengt efni á loftslag.is

• Metan úr sífrera Síberíu
• Metan og metanstrókar
• Fjöldaútdauðar lífvera og loftslag
• Visthæfar reykistjörnur eru sjaldgæfar
• Norðurskautsmögnunin

“Hide the decline” útskýrt að hætti Greenman3610

Enn eitt myndbandið frá góðkunningja okkar Greenman3610 (Peter Sinclair). Núna tekur hann fyrir setninguna “Hide the decline” sem hefur verið rangtúlkuð, rangt höfð eftir og mistúlkuð af fjölda fólks síðan málið með stolnu tölvupóstana kom upp. Þessar mistúlkanir hafa m.a. komið upp hjá prófessor Dr. Richard Muller frá Berkeley háskóla – sem einnig er tekin fyrir í þessu myndbandi…en sjón er sögu ríkari:

Myndbandið má sjá á loftslag.is, “Hide the decline” útskýrt að hætti Greenman3610

Tengt efni á loftslag.is:

• Ósérhæfðir sérfræðingar
• Hvaða sögu segja ískjarnar okkur og hvernig má rangfæra þá vitneskju
• Á tilboði: Sérvalin kirsuber
• Monckton á móti Monckton
• Ískjarnar, miðaldahlýnun, litla ísöldin og Dýravísur eftir Jón Leifs
• CO2 er náttúruleg aukaafurð í náttúrunni
• Hnattræn hlýnun eða loftslagsbreytingar?
• Staðreyndir og ímyndun varðandi hafísútbreiðsluna
• Hvað er vitað um loftslagsbreytingar?

Ísbirnir leita suður á bóginn

Af tilefni frétta og vegna fjölda áskorana þá endurbirtum við hér færslu frá því í desember af loftslag.is sem heitir Slæmar fréttir fyrir ísbirni:

Nýjar rannsóknir benda til þess að hlýnun Jarðar boði slæmar fréttir fyrir ísbirni og búist við að þeim eigi eftir að fækka töluvert við hlýnunina.

Þegar ísbirnir missa búsvæði sín við hnattræna hlýnun, þá er búist við að þeir þurfi að færa sig suður á bóginn í leit að annarri fæðu, en talið er að þá muni þeir mæta mótspyrnu frá skógarbjörnum (þá sérstaklega frá svokölluðum grisslíbjörnum – Ursus arctos horribilis)

 

Tölvumynd af hauskúpu ísbjarnar, samkvæmt greiningu Slater o.fl.

.

Til að kanna hvernig sú samkeppni gæti orðið, þá gerðu vísindamennirnir þrívíddarlíkan af hauskúpu ísbjarnar og skógarbjarnar. Líkt var eftir biti þeirra, þ.e. hversu sterk hauskúpan er og bitkraftur þeirra. Það kom í ljós að báðar tegundirnar bíta mjög fast – en aftur á móti er hauskúpa ísbjarna mun veikari. Því er talið að ísbirnir muni tapa í samkeppninni við skógarbirni við hlýnandi veðurfar – þ.e. þegar þessar tegundir þurfa að berjast um fæðu við sömu umhverfisaðstæður, en samkvæmt rannsókninni þá er talið líklegt að ísbirnir  séu ekki nógu sveigjanlegir og of aðlagaðir núverandi aðstæðum.

Ef skoðuð er tímalína þróunar, þá er talið að ísbirnir hafi þróast frá skógarbjörnum frekar nýlega og þessar tegundir eru nokkuð skildar. Talið er að þær hafi aðskilist fyrir 500-800 þúsund árum síðan. Þrátt fyrir það þá er líffræði þeirra – sérstaklega hauskúpa og tennur ólíkar, væntanlega út af umhverfisaðstæðum og mismun í fæðuvali.

Heimildir og ítarefni

Greinina má lesa hér, Slater o.fl. 2010 – Biomechanical Consequences of Rapid Evolution in the Polar Bear Lineage

Umfjöllun á heimasíðu UCLA: Biologists report more bad news for polar bears

Tengt efni á loftslag.is

• Fer ísbjörnum fækkandi?
• Ísbirnir við hnignandi hafís
• Ísbjörn á Langjökli
• Staðreyndir og ímyndun varðandi hafísútbreiðsluna
• NOAA – ástand Norðurskautsins 2010
• Kíkt undir hafísinn

Hressilegur hvítabjörn

Miðaldaverkefni loftslag.is – nú á Skeptical Science

Ritstjórn loftslag.is er það mikill heiður að segja frá því að Höskuldur Búi, annar ritstjóra loftslag.is, hefur nú skrifað sína fyrstu færslu á SkepticalScience.com (SkS). SkS hefur verið mikil driffjöður þess að taka saman mýtur í umræðunni um loftslagsvísindinn á yfirvegaðan hátt og vel skjalfest, enda eru heimildir mikilvægur þáttur í þessari umræðu. John Cook sem er aðal stjórnandi síðunnar er orðin einskonar fyrirmynd meðal þeirra sem sem fylgjast með loftslagsumræðunni. Það sem John Cook hefur m.a. gert á SkS er að taka saman það sem vísindin hafa um loftslagsumræðuna að segja og bera það saman við allskyns fullyrðingar og á stundum hreinar rangtúlkanir sem oft heyrast í umræðunni um loftslagsmál. Við höfum frá upphafi fylgst með SkS og höfum m.a. þýtt nokkrar mýtur á íslensku fyrir SkS sem hafa svo einnig ratað í mýtusafnið hér á loftslag.is.

Færslan á SkS sem Höskuldur hefur skrifað er þýðing á færslu sem birtist hér á loftslag.is í maí 2010 Miðaldaverkefnið. Í umræðum á lokuðu umræðuborði á SkS þá benti Höski á færsluna, sem leiddi til þess að hann fékk þá áskorun að þýða færsluna, sem hann svo gerði með góðri hjálp nokkurra þeirra sem taka reglulega þátt í umræðunni á SkS. Höski notaði á sínum tíma töluverðan tíma í rannsóknir á síðunni CO2 Science og þeim túlkunum sem fara þar fram á ýmsum rannsóknum varðandi miðaldahlýnunina. Það má segja að margt af því sem þar er haldið fram séu beinar rangtúlkanir sem ekki hafa neitt með vísindi að gera og kom Höski því vel til skila í pistlinum á loftslag.is, sem hefur nú verið þýddur fyrir stærri markað á SkS. Umræðan í athugasemdum um færsluna á SkS er tiltölulega jákvæð varðandi efni færslunar, enda hefur Höski unnið heimavinnuna vel. Færsluna á SkS, má sjá hér, Medieval project gone wrong. Þessi heiður sem Höska hefur hlotnast hjá John Cook á SkS, sýnir okkur enn frekar að við erum á réttri braut í okkar málflutningi og hvetur okkur til frekari dáða.

Þess má einnig geta að John Cook hefur nýlega komið að útgáfu bókar um afneitun loftslasgsvísindanna sem við mælum með, Climate Change Denial – Head in the Sand eftir Haydn Washington og John Cook.

Tengt efni á loftslag.is:

• Miðaldaverkefnið
• Mýtusafnið
• Að fela núverandi hlýnun
• Miðaldir og Loehle
• Miðaldabrellur
• Hvað er rangt við þetta graf?
• Staðnir að óvönduðum vinnubrögðum
• Jafnvægissvörun loftslags er lág

Könguló eykur útbreiðslu sína í Bandaríkjunum

Sú könguló sem hvað flestir óttast í Norður Ameríku gæti aukið útbreiðslu sína við komandi loftslagsbreytingar samkvæmt nýrri rannsókn.

[..]

Nánar má lesa um þetta á loftslag.is, Könguló eykur útbreiðslu sína í Bandaríkjunum

Tengt efni á loftslag.is

• Tröllakrabbinn – ágengur við Suðurskautslandið
• Minnkandi maísframleiðsla við hnattræna hlýnun
• Breytingar í árstíðasveiflum Alaska hefur áhrif á veiði frumbyggja
• Vendipunktar í vistkerfum

Vindstyrkur og ölduhæð eykst

Vindstyrkur og ölduhæð úthafanna hefur verið að aukast undanfarinn aldarfjórðung samkvæmt nýrri rannsókn. Óljóst er þó hvort um er að ræða skammtímasveiflu eða langtíma áhrif vegna loftslagsbreytinga.

Ian Yong o.fl. 2011 greindu gervihnattagögn milli áranna 1985 og 2008 og reiknuðu út ölduhæð og vindstyrk yfir úthöfin. Samkvæmt rannsókninni þá er vindstyrkur að aukast og um 0,25-0,5 % að meðaltali hvert ár. Í heildina þá er vindstyrkur um 5-10 % meiri í dag en hann var fyrir 20 árum. Leitnin var meiri fyrir meiri vindstyrk en minni.

[..]

Sjá nánar á loftslag.is: Vindstyrkur og ölduhæð eykst

Tengt efni á loftslag.is

• Styrkur í stormum framtíðar
• Stormar fortíðar sýna vindasama framtíð
• Tíðni sterkra storma á Atlantshafi
• 10 vísar hnattrænnar hlýnunar
• Heitur sjór streymir í Norður-Íshafið