Er ís á Suðurskautinu að minnka eða aukast?

Röksemdir efasemdamanna…

Ís á Suðurskautinu er að aukast, ef að það væri að hlýna þá myndi hann minnka. Línurit sýna að hann hefur farið stöðugt vaxandi á sama tíma og hann minnkar á Norðurskautinu.

Það sem vísindin segja…

 Á meðan jökulbreiðan þykknar á hálendi Austur Suðurskautsins, þá er jökulbreiða Suðurskautsins í heild að minnka og á auknum hraða. Hafís umhverfis Suðurskautið er aftur á móti að aukast þrátt fyrir hlýnun Suðuríshafsins.

Það er mikilvægt að halda því til haga að það er munur á ís á landi, jökulbreiðunni á Suðurskatutinu (e. ice sheet) og hafís (e. sea ice). Flestir gera sér grein fyrir þeim mun, en oft sést þó að menn rugla því saman þegar verið er að ræða Suðurskautið.

Í stuttu máli þá er staðan þannig með Suðurskautið:

• Jökulbreiða Suðurskautsins er að minnka og sú minnkun er með auknum hraða
• Hafís umhverfis Suðurskautið er að aukast, þrátt fyrir hlýnun Suður Íshafsins

Nánar má lesa um ísinn á Suðurskautinu á heimasíðu loftslag.is: Er ís á Suðurskautinu að minnka eða aukast?

Rannsókn á svokölluðu Climategatemáli

Opinber rannsókn í hinu svokallaða climategatemáli er hafin. Sérfræðingar, undir forystu Sir Muir Russell, munu rannsaka hvers vegna tölvupóstar frá CRU höfnuðu á netinu. Þeir munu einnig athuga hvort hægt sé að finna gögn í tölvupóstunum um að rannsóknarfólk hafi hagrætt gögnum eða falið gögn á skjön við viðteknar venjur vísindalegra aðferða.

Rannsóknarnefndin vonast til að geta kynnt bráðabirgðaniðurstöðu vorið 2010. Samkvæmt Sir Muir, þá hefur rannsóknarnefndin frjálsar hendur varðandi það hvernig rannsóknin fer fram.

Ýmislegt varðandi tölvupóstana

Í nóvember voru meira en 1.000 tölvupóstar á milli vísindamanna CRU og samstarfsmanna þeirra um allan heim, birtir á netinu ásamt öðrum skjölum. CRU sér m.a. um mikilvægan gagnabanka varðandi breytingar á hitastigi á heimsvísu. Prófessor Phil Jones, sem var forstöðumaður deildarinnar hjá CRU, vék úr starfi á meðan á rannsókn málsins stendur, en hann segir að hann standi við öll sín gögn.

Sir Muir var settur yfir rannsóknina í desember, til að rannsaka ýmsar staðhæfingar og fullyrðingar sem komu upp í kjölfar þess að tölvupóstunum var stolið.

Nánar er hægt að lesa um þetta mál á Loftslag.is, þar sem m.a. kemur fram hvað rannsóknarnefndin leggur áherslu á í rannsókninni. Einnig bendum við þar á ítarefni varðandi þetta mál:

• Rannsókn á svokölluðu Climategatemáli - Opinber rannsókn á hinu svokallaða climategatemáli er hafin. Sérfræðingar, undir forystu Sir Muir Russell rannsaka málið
• Annað efni af Loftslag.is um hið svokallað Climategate

Nokkur einföldun

Það verður að segjast eins og er að þetta virðist vera nokkur einföldun í þessari frétt hjá mbl.is. Vissulega stjórnast veðurfar að miklu leiti af El Nino í Ameríkunum tveimur og nánast allar sveiflur í þurrkum og flóðum má hæglega tengja við El Nino. Það á líka við nú.

Hitt er annað að hlýnun jarðar af mannavöldum er sögð auka á öfgana og hlutur þess í sumum af þeim atburðum sem mbl.is lýsir sem afleiðing El Nino hefur verið útskýrt nokkuð vel með hlýnun jarðar af mannavöldum.

Við skulum líta sem snöggvast á snjókomuna á Austurströnd Bandaríkjanna, en þekktur bloggari og veðurfræðingur (dr. Jeff Masters) lítur svo á að hlýnun jarðar sé meir um að kenna en El Nino, ef við skoðum hluta færslunnar sem vísað er í:

Of course, both climate change contrarians and climate change scientists agree that no single weather event can be blamed on climate change. However, one can "load the dice" in favor of events that used to be rare--or unheard of--if the climate is changing to a new state. It is quite possible that the dice have been loaded in favor of more intense Nor'easters for the U.S. Mid-Atlantic and Northeast, thanks to the higher levels of moisture present in the air due to warmer global temperatures.

Hann segir sem sagt að loftslag sé að breyta veðrakerfum vegna aukins raka í loftinu af völdum hlýnunar jarðar í umfjöllun sinni um snjókomu í Bandaríkjunum. En greinina í heild er alveg þess virði að lesa (sjá: Heavy snowfall in a warming world).

Annar bloggari lýsir þessu einnig nokkuð vel: Three feet of global warming, en hann segir meðal annars:

The current blizzard (NWS has issued a blizzard warning for my area), and the weekend's major snow, are indeed things expected for this area from climate change.  The power failures, loss of cable tv, people trapped at home while in need of medication, and so on, that are occurring are all, also, expected things for climate.  It being more common is expected from our understanding of climate change.

Á loftslag.is síðastliðið haust fjölluðum við um annan veðurfræðing og bloggara sem að hefur fundið vaxandi tengsl milli vaxandi öfgaveðurs og hlýnun loftslags, en í færslunni segir meðal annars:

Eins og oft  er bent á, þá er sitthvað veður og loftslag. Það geta alltaf komið öfgar í veðrum og hafa alltaf gert. Undanfarin nokkur ár hafa raddir gerst háværari um að öfgar í veðri séu bein afleiðing af hlýnun jarðar – en sjaldnast hefur verið hægt að færa sönnur fyrir því. Nú hefur bandaríski veðurfræðingurinn og fyrrum efasemdarmaður um hlýnun jarðar af mannavöldum bent á tengsl á milli öfga í veðri og hlýnun loftslags.

Sjá meira á loftslag.is: Tengsl milli öfgaveðurs og loftslagsbreytinga

En aðalástæðan fyrir þessari færslu er eiginlega sú einföldun mbl.is að kenna El Nino um alla öfgana sem eru í veðri nú í Ameríku. Það er vitað að þurrkar og flóð eru öfgakennd þegar El Nino er, en það er einnig búist við að öfgarnir vaxi með hlýnandi loftslagi. Það getur vel verið að hægt sé að tengja El Nino við hríðina sem geysir þessa dagana yfir austurströnd Bandaríkjanna - en það myndi gera þessa frétt mun raunsærri ef þeir myndu þá vísa í álit veðurfræðinga - eða einhverja heimild, svo maður geti fengið fræðilega útskýringu á því.

--

Fyrir skemmstu reyndi mbl.is að spyrða saman kalt veður í Ameríku og Evrópu, við minni virkni sólar - og reyndar gáfu þeir það í skyn að mögulega væri hægt að búast við hnattrænni kólnun jarðar. Ef einhver er enn eftir sem tekur þá umfjöllun trúanlega, þá viljum við benda á mýtu á loftslag.is sem fjallar um það mál:  sjá mýtuna Lítil Ísöld eða kuldaskeið Ísaldar er á næsta leiti

El niño veldur usla í Ameríku

Skýrsla um kostnað við bráðnun freðhvolfsins á Norðurslóðum

Vegna fyrirsagnarinnar, þá er rétt að benda á að orðið freðhvolf er þýðing á enska hugtakinu Cryosphere, sem er samheiti yfir frosið vatn, þ.e. jökla, hafís, sífrera og annars konar ís á og í yfirborði jarðar.

Út er komin skýrsla á vegum Pew umhverfissamtakanna þar sem reynt er í fyrsta sinn að reikna út kostnað við hlýnun á Norðurslóðum og áætla samtökin að kostnaðurinn gæti orðið um 2,4 billjónir dollara árið 2050.

Skýrslan sem kynnt var á fundi fjármálaráðherra G7-ríkjanna sem haldinn er á Suðaustur Baffinlandi. Meðal þess sem kemur fram í skýrslunni er að á þessu ári geti kostnaðurinn numið 61-371 milljarða dollara af völdum minnkandi hafíss Norðurskautsins, minnkandi snjóhulu og bráðnunar sífrera.

Sjá nánari umfjöllun á loftslag.is:

• Skýrsla um kostnað við bráðnun freðhvolfsins á Norðurslóðum: Frétt um skýrslu sem fjallar um um kostnað við bráðnun freðhvolfsins á Norðurslóðum..

Gríðarlegur kostnaður af hlýnun á norðurslóðum

Endurnýjanleg orka - Lausn mánaðarins

Nú hefur góðkunningi okkar af YouTube Greenman3610 komið með nýtt myndband. Ekki nóg með að myndbandið sé nýtt heldur hefur hann í þessu myndbandi byrjað að skoða nýjan vinkil á umræðunni. Hingað til hefur hann aðallega tekið fyrir mýtur og ýmsa umræðu tengda efasemdum, eins og sjá má í mörgum af hans eldri myndböndum. Hingað til hafa myndbönd hans borið titilinn “Climate denial – Crock of the week” en komu þó ekki út vikulega þrátt fyrir nafnið. Núna virðist hann ætla að snúa sér að því (að minnsta kosti að hluta til) að skoða lausnir. Þessa nýju myndbandaröð sína kallar hann “Renewable energy – Solution of the month”, sem útleggst eitthvað á þann veginn; Endurnýjanleg orka – Lausn mánaðarins. Lýsing Greenman3610 (sem heitir réttu nafni Peter Sinclair) á þessu nýja myndbandi er á þessa leið:

Margir virðast halda, að það að kljást við loftslagsbreytingar muni þýða fátækt og takmörkun á þróun lífs okkar. Raunveruleikinn getur verið nákvæmlega andstæður. Tilfærslan til heims sem ekki er að berjast um síðasta olíudropan, þar sem orka er óháð, mun þýða betra líf, með betri tækifærðum, jafnvel fyrir vaxandi fólksfjölda. Ef við tökum réttar ákvarðanir, þá getum við verið á leið inn í tímabil meiri velmegunar í sögu mannkyns.

Já, hann er ekki að spara fleygu orðinn, en að vanda, er einhver broddur í myndböndum hans, sem verður til þess að maður veltir hlutunum fyrir sér, þó ekki sé annað. Fyrsta myndbandið í þessari nýju myndbandaröð Greenman3610, fjallar m.a. um tengilbíla.

Myndbandið má sjá á Loftslag.is:

• Endurnýjanleg orka – Lausn mánaðarins - Myndband með góðkunningja okkar Greenman3610 – Hluti af nýrri röð myndbanda frá honum þar sem hann skoðar lausnir..

Hálfrétt hálffrétt

Það er gott og vel að Morgunblaðið flytji fréttir af loftslagsmálum og hvað sé að gerast í þeim heimi öfgafrétta, þar sem einn spáir heimsendi vegna hlýnunar loftslags og aðrir halda því fram að það sé að kólna.

En það er þó hægt að setja spurningamerki við þessa frétt - þá ekki vegna þess að hún sé ekki fréttnæm, heldur hvernig Morgunblaðið kýs að strá efasemdarfræjum um skýrslu IPCC frá 2007 í heild - meðan villurnar sem um er rætt eru í einum hluta hennar - þ.e. skýrslu vinnuhóps tvö.

Til að gera langa sögu stutta, þá skiptist IPCC upp í þrjá vinnuhópa - eða eins og segir á vef veðurstofunnar:

Úttektir nefndarinnar eru unnar af þremur mismunandi vinnuhópum. Vinnuhópur eitt (WG1) fjallar um vísindalega þekkingu á veðurfari og loftslagsbreytingum. Vinnuhópur tvö (WG2) leggur mat á tjónnæmi (e. vulnerability) félags-, efnahags- og náttúrulegra kerfa, neikvæðar og jákvæðar afleiðingar loftslagsbreytinga og möguleika á aðlögun. Vinnuhópur þrjú (WG3) leggur mat á leiðir til að draga úr losun gróðurhúsalofttegunda og á aðrar leiðir til að koma í veg fyrir loftslagsbreytingar (af www.vedur.is).

Allt sem verið er að gagnrýna kemur úr vinnuhóp tvö (WG2) en þar inn hafa ratað heimildir sem ekki eru allar ritrýndar – oft skýrslur sem unnar eru upp úr ritrýndum greinum, en þar hefur greinilega slæðst inn villa m.a. varðandi jökla Himalaya. Skýrsla vinnuhóps eitt (WG1) sem fjallar um vísindalega þekkingu á veðurfari og loftslagsbreytingum, hefur sýnt sig að er byggð á góðum grunni . Helst má gagnrýna þá skýrslu fyrir vanmat á áhrifum loftslagsbreytinga frekar en hitt. T.d. má benda á að jökulbreiður Grænlands og Suðurskautsins eru að bráðna hraðar en búist var við í skýrslunni (og samfara því er vanmat á hækkun sjávarstöðu) – einnig hefur bráðnun hafíss verið hraðari en búist var við af IPCC og fleira má nefna.

Það má því setja stórt spurningamerki við fyrstu málsgrein fréttarinnar sem vísað er í, í þessari færslu - en þar segir:

Loftslagsnefnd Sameinuðu þjóðanna (IPCC) sætir vaxandi gagnrýni vegna frétta um að fundist hafi fleiri villur í skýrslu hennar frá árinu 2007 um loftslagsbreytingar af mannavöldum þar sem hún spáir m.a. 1,8-4° hlýnun á öldinni og hækkun sjávarborðs (af www.mbl.is).

Þetta er villandi, því villurnar eru ekki í skýrslu vinnuhóps eitt sem vann meðal annars að spálíkönum um hlýnun og hækkun sjávarborðs. Þarna er gefið í skyn að fundist hafi villur í spálíkönum um hita og hækkun sjávarborðs, þar sem það eina sem hægt er að gagnrýna IPCC varðandi þessa tvo þætti er vanmat.

Morgunblaðið virðist því falla í þá gryfju að þar sem villur hafa fundist í skýrslu vinnuhóps tvö, þá sé hægt að draga í efa skýrslu vinnuhóps eitt.

Á Loftslag.is fjölluðum við um þetta málefni meðal annars hér: Heit málefni

Ef einhver fær efasemdir um að jörðin sé að hlýna eftir þennan fréttaflutning, þá mælum við með að skoðuð séu sönnunargögn fyrir hlýnun jarðar á loftslag.is: Helstu sönnunargögn

Fleiri villur í skýrslunni

Nýr gestapistill - Hin stuttu tímabil hlýnunar

Okkur langar bara að auglýsa nýjan gestapistil á Loftslag.is, þar sem Emil Hannes Valgeirsson, bloggari og grafískur hönnuður krefur til mergjar hin stuttu tímabil hlýnunar. Til að fræðast nánar um þessa nálgun hans á málinu, má smella á tengilinn hér undir:

• Hin stuttu tímabil hlýnunar 

Hitahorfur ársins 2010

Fyrst er kannski rétt að geta þess að sá El Nino sem er núna í gangi er ekki talin sérstaklega sterkur og alls ekki eins sterkur og sá sem var 1998 þegar síðast mældist svona hár hiti í lofthjúpnum. En það eru margir þættir sem áhrif á hitastig í heiminum og El Nino er m.a. einn af þeim. Í nýlegri færslu á Loftslag.is litum við yfir helstu áhrifaþætti varðandi hitastig ársins 2010. Þar er m.a. komið inn á El Nino, sólvirkni og sólbletti ásamt öðrum náttúrulegum þáttum.

• Hitahorfur fyrir árið 2010 - Hér er litið á horfur með nokkra náttúrulega þætti sem taldir eru hafa áhrif á skammtímasveiflur í veðri og horfur fyrir árið 2010

Hérundir er graf með sólblettum sólar, sem hafa verið í lágmarki að undanförnu.

 

„Jólabarnið“ hlýjar ekki Íslendingum

Heit málefni

Það er ekki ofsögum sagt að margt sé í gangi núna í loftslagsumræðunni og reyndar ómögulegt að fylgjast nógu vel með, til að halda því öllu til haga. Í pistli á Loftslag.is er minnst á nokkur atriði, til að mynda IPCC og Pachauri - CRU og Climategate

• Heit málefni - Fjallað er um ýmis heit málefni sem eru í loftslagsumræðunni þessa dagana

Gestapistill og ný frétt

Okkur langar að vekja athygli á 2 nýjum færslum á Loftslag.is.

Fyrst skal nefna nýjan gestapistil eftir Einar Sveinbjörnsson veðurfræðing, og nefnist pistill hans Trúverðug 10 ára veðurfarsspá? - Þar er kynntur til sögunnar einn hinna ungu loftslagsvísindamanna sem áorkað hafa miklu á örfáum árum í því að sannreyna orsakasamhengi veðurfars við breytingar í hita sjávar og hafstrauma.

Í öðru lagi var að birtast ný frétt, Sveiflur vatnsgufu í heiðhvolfinu -  Frétt um nýlega rannsókn á vatnsgufu í heiðhvolfinu, sem gæti haft töluverð áhrif á það hvernig menn sjá fyrir sér hlýnun jarðar á komandi áratugum.