Jökulstraumur þynnist

Ný rannsókn á einum stærsta jökulstraumi heims (e. ice stream - þetta eru eins konar skriðjöklar, jökulstraumar úr jökulskjöldum) bendir til þess að bráðnunin á suðurskautinu sé dramatískari en áður hefur komið fram (sjá frétt).

Jökulstraumar Antartíku (blátt).

Um er að ræða gervihnattamælingar á Pine island jökli sem er á vestur Antartíku, sem sýna að yfirborð jökulsins er að lækka um allt að 16 m á ári. Frá 1994 hefur jökullinn þynnst um 90 m.

Aðstreymissvæði jökulstraumsins (grár). 

Jökulstraumurinn verður að íshellu þegar hann kemur út í sjó (sjá Íshellur Suðurskautsins).

Útreikningar á bráðnun jökulstraumsins sem gerðir voru fyrir 15 árum síðan bentu til þess að jökullinn myndi duga 600 ár í viðbót, en samkvæmt þessum nýju gögnum þá gæti hann verið horfinn eftir aðeins 100 ár. Bráðnunin er hröðust um miðbik straumsins, en það sem vekur mestar áhyggjur er ef það fer að hafa áhrif á jökulskjöldinn lengra inn á landi. 

Bráðnun jökulstraumsins sjálfs hefur ekki mikil áhrif á sjávarstöðubreytingar (sjá pælingar um Hækkun sjávarstöðu). Talið er að sú bráðnun skili sér í um 3ja sm hækkun sjávarstöðu. Jökulskjöldurinn sem liggur þar á bakvið gæti aftur á móti valdið 20-30 sm sjávarstöðuhækkun ef hann myndi einnig bráðna.

Athugasemdir

[Morten Lange, 14.8.2009 kl. 23:34]

Áhugavert og óhugnandi.

Hvar getur maður lesið meira um þessar rannsóknir ? 

[Loftslag.is, 16.8.2009 kl. 23:17]

Mér skilst að þessi grein hafi birst í Geophysical Research Letters, hef ekki tékkað á því sjálfur.

[Loftslag.is, 18.8.2009 kl. 08:34]

Wingham, D.J., D.W. Wallis, and A. Shepherd (2009), Spatial and temporal evolution of Pine Island Glacier thinning, 1995-2006, Geophys. Res. Lett., doi:10.1029/2009GL039126, in press.