Climate Wars - heimildamynd frá BBC

Ég rakst á skemmtilega heimildamynd á youtube. Ég er nú þegar búinn að skoða fyrstu 5 bútana (af 18). Fræðandi og heldur manni föstum. Ein athugasemd þó: Í upphafi myndbandsins talar hann mikið um að vísindamenn áttunda áratugarins hafi verið sammála um að ísöld væri yfirvofandi sem er ekki alveg rétt með farið (sjá Ísöld spáð á áttunda áratugnum?). Ekki að það skipti miklu máli fyrir myndbandið í heild. Hér fyrir neðan er fyrsti búturinn, en nálgast má alla heimildamyndina hér. 

Athugasemdir

[Gunnar Th. Gunnarsson, 3.9.2009 kl. 16:01]

Ég man vel eftir greinum í blöðum í kringum 1980 þar sem talað var um að ísöld væri í nánd.

[Loftslag.is, 3.9.2009 kl. 17:26]

Jamm, þetta var víst nokkuð algeng umræða á þeim tíma. Það voru þó ekki margir vísindamenn sem héldu því fram (samanber færsluna sem ég vísa í: Ísöld spáð á áttunda áratugnum?

[Sigurður Þór Guðjónsson, 6.9.2009 kl. 22:18]

Er ekki ísöldin að koma? Eins gott að kynda vel upp!

[Loftslag.is, 6.9.2009 kl. 22:37]

Verst ef við missum stjórn á kyndingunni og eyðileggjum ísskápinn (súrnun sjávar) í leiðinni.