Hver er þróun hitastigs frá síðustu ísöld?

Þessi færsla fer undir spurningar og svör á loftslag.is á næstu dögum.

Hitastigsþróun á jörðinni síðustu 12 þúsund ár má lesa út úr myndinni hérundir:

Á þessari mynd má sjá þróun hitastigs frá síðustu ísöld og fram til nútíma samkvæmt proxígögnum frá ýmsum stöðum. Svarta línan er meðaltal proxígagna sem unnin eru út frá 8 mismunandi gagnasöfnun sem eru sýnd með hinum línunum og er notast við gögn frá ýmsum stöðum í heiminum sem eru unnin með nokkrum aðferðum, sjá nánar hér. Eins og sjá má er meðalhitastig í heiminum 2004 merkt þarna inn og er það nokkuð hátt miðað við hitastig síðustu árþúsunda. Ef litið er á þróunina frá því fyrir u.þ.b. 8 þúsund árum, má sjá að hitastigið lækkar jafnt frá þeim tíma fram til u.þ.b. byrjun 20. aldar. Punktalínan er meðalhitastig á miðri síðustu öld. Það ber að taka það fram að með proxígögnunum er ekki hægt að sýna hitastigið í betri upplausn en sem 300 ára meðaltalshitastig (sjá nánar hér), en hitastigið 2004 er hitastigið á því eina ári, og því er beinn samanburður á þessum tölum ekki alveg borðliggjandi, vegna mismunandi aðferðafræði.

Heimildir:

• Wikipedia – Temperature record
• Mynd – http://en.wikipedia.org/wiki/File:Holocene_Temperature_Variations.png

Tengt efni á loftslag.is:

• Spurningar og svör
• Helstu sönnunargögn
• Kenningin

Athugasemdir

[Emil Hannes Valgeirsson, 13.6.2010 kl. 14:15]

Sælir. Til að fá þarna raunhæfan samanburð á hitanum í dag og sl. 12 þús. ár þyrftum við væntanlega að bíða í 150 ár, m.v. að meðalhitinn er reiknaður út frá 300 árum. Meðalhiti okkar tíma væri semsagt reiknaður útfrá árunum 1860-2160.

Ég er eiginlega að minna á með þessu að það er ekki hægt að útiloka mjög heit tímabil í nokkra áratugi á síðustu 12 þúsund árum sem slá algerlega út síðustu áratugi. Segjum líka að það kólni aftur á þessari öld gæti svo farið að núverandi hlýindi jafnist út og verði ekkert áberandi á svona stórum skala. Ég þó ekkert að spá því að það muni kólna, líklegra finnst mér að hlýnun haldi áfram í heildina.

[Sveinn Atli Gunnarsson, 13.6.2010 kl. 16:19]

Þetta er rétt hjá þér Emil. Það er, eins og þú nefnir, alls ekki hægt að útiloka út frá þessum gögnum að það hafi verið heitir áratugir á tímabilinu sem slái út hlýnunina í dag, bæði staðbundið og ekki síður á heimsvísu. Þar sem þetta er byggt á óbeinum mælingum þá gefur þetta okkur einnig aðeins (vonandi góða) vísbendingu um það hvernig hitastig hefur þróast í heiminum síðastliðin 12 þúsund ár, með þeim skekkjumörkum sem aðferðinni fylgja.