Bráðnun smárra jökla og jökulhetta

Ef spár ganga eftir þá munu smáir jöklar (e. mountain glacier) og jökulhettur (e. ice cap) missa á bilinu 15 til 27% af rúmmáli sínu fyrir árið 2100.

Þetta kom fram í nýlegri grein sem birtist í Nature Geoscience. Þótt almennt séð verði bráðnunin á bilinu 15 til 27% þá munu sumir jöklar missa allt að 75% af rúmmáli sínu og mögulega hafa áhrif á vatnsforða aðliggjandi svæða.

Reynt er að meta hversu mikil áhrif smærri jöklar og jökulhettur hafa á sjávarstöðuhækkun fram til ársins 2100, en til þessa hefur minna verið vitað um þá, þrátt fyrir að talið sé að bráðnun þeirra jafngildi um 40% af þeirri sjávarstöðuhækkun sem við höfum verið vitni að síðustu áratugi. Aðrir þættir eru t.d. þennsla vegna hlýnunar sjávar, auk jökulbreiðanna á Grænlandsjökli og Suðurskautinu.

[...]

 

Sjá nánar á loftslag.is - Bráðnun smárra jökla og jökulhetta

 

Tengt efni á loftslag.is

• Massatap Grænlandsjökuls til 2010
• Vatnsflæði eykur hraða bráðnunar jökulbreiða
• Yfirlýsing frá breska jarðfræðafélaginu um loftslagsbreytingar
• Áhrifavaldar sjávarstöðubreytinga
• Spurt og svarað um sjávarstöðubreytingar

Athugasemdir

[Georg P Sveinbjörnsson, 12.1.2011 kl. 22:26]

Ég verð nú að segja að langtímaspár Piers Corbyn og snillinganna hjá Weather Action hljóma raunsærri, stöðug kólnun til allavegana 2035. Ef að þeir hafa jafn rétt fyrir sér í kuldaspám fyrir næsta vetur eins og þennan í Evrópu (þvert á spár annarra þótt menn séu eitthvapð að rembast við að draga í land og þykjast nú hafa spáð kuldum þótt allir viti að þeir eru búnir að mildum vetrum næstu árin), þá held ég að maður neyðist menn til að taka enn meira mark þeim og þeirra raunsæu spám. Hefðbundnir veður og loftlagsfræðingar líta vægast sagt frekar kjánlega út eftir að flestar spár Weather Action ganga hárnákvæmt eftir yfir hátíðarnar en aðrir voru úti að aka í sínum. Bíð spenntur eftir 100 ára spánni þeirra.

[Sveinn Atli Gunnarsson, 12.1.2011 kl. 23:10]

Georg:

Best að ég endurtaki að einhverju leiti svar sem ég svaraði þér annars staðar á blogginu:

Málið með hann Piers Corbyn er að það er ekki vitað hvaða aðferðafræði hann notar við þessar spár sínar (það virðist aðeins vera til í kollinum á honum). Það sem ég hef skoðað varðandi hans nálgun er að það virðist vera orðum aukið varðandi spáhæfileika hans, en gert einstaklega mikið úr því þegar hann hittir á eitthvað sem virðist um tíma vera rétt, t.d. hann spáir hörðum vetri, það verður kalt um tíma - þá er spá hans túlkuð á þann hátt að hún gangi eftir af hans áhangendum (þó svo veturinn sé ný byrjaður - og það er byrjað að hlýna aftur í Evrópu núna), fyrir utan svo þau skipti sem hann spáir bara vitlaust og við fréttum ekki af því...hann virðist ekki gefa út neina tölfræði yfir það hversu oft honum mistekst.

Hitt er svo annað mál að MetOffice gefur ekki út sérstakar langtíma spár fyrir allan veturinn (eins og fram hefur komið í sumum "fréttum" og bloggum þar sem spáhæfileikum Corbyns er hælt í hástert), heldur gera þeir bara spár frá mánuði til mánaðar eins og kemur fram í fréttatilkynningu frá þeim, Winter forecast?.

Ef þú vilt kaupa 100 ára spá frá honum Piers Corbyn, þá skaltu endilega kaupa hana, ég ráðlegg þér þó að hafa klásúlu um skilarétt ef spáin gengur ekki eftir ;)

[Ágúst H Bjarnason, 12.1.2011 kl. 23:23]

Til fróðleiks:

 http://www.weatheraction.com/pages/pv.asp?p=wact5&fsize=0

http://www.theregister.co.uk/2011/01/07/met_office_forecast_not_forecast/

 http://www.telegraph.co.uk/comment/columnists/christopherbooker/8248146/The-Met-Office-fries-while-the-rest-of-the-world-freezes.html

[Höskuldur Búi Jónsson, 13.1.2011 kl. 08:04]

Ágúst: þessir tenglar segja mér lítið. Er það eitthvað sérstakt sem þú vilt koma á framfæri varðandi bráðnun jökla?

[Sveinn Atli Gunnarsson, 13.1.2011 kl. 08:27]

Nei Höski, mér sýnist hann Ágúst væntanlega vera að reyna að segja eitthvað um áreiðanleika Corbyns, með því að vísa í weatheraction.com (síðu Corbyns sjálfs - engin hluttekning þar ;) ), og svo tveggja netfjölmiðla - allt mjög hávísindalegt :)

[Höskuldur Búi Jónsson, 13.1.2011 kl. 08:36]

Já, einmitt Sveinn ég hefði átt að tengja betur - snemma að morgni

Rétt er að minna á að þótt umfjöllun um veðurspá sé áhugaverð, þá er þessi síða ekki sérstaklega um  veður eða veðurspá, heldur meira um Loftslag - orsakir, afleiðingar og lausnir. Í þessu tilfelli er verið að fjalla um nýlega grein um bráðnun smárra jökla og jökulhetta (ice cap) og þátt hennar í sjávarstöðuhækkunum fram til ársins 2100.