Færsluflokkur: Fréttir
4.7.2010 | 20:48
Ted | Myndskeið af hreyfingu jökla
Í myndbandi frá Ted.com, sem sjá má á loftslag.is, sýnir ljósmyndarinn James Balog okkur myndskeið frá Extreme Ice Survey verkefninu, sem er net tímastilltra myndavéla sem taka upp hreyfingu jökla. Flestir jöklar eru að hopa og hop þeirra er talið vera skýrt merki um yfirstandandi loftslagsbreytingar. Í myndbandinu útskýrir Balog hvernig verkefnið fer fram. Hann sýnir hvernig breytingar á jöklunum verða sýnilegar þegar notast er við myndir þær sem fást með notkun myndavélanna í verkefninu. Það er áhugavert að sjá þann mismun sem er á jökuljaðrinum á milli ára, sem væri erfiðara sjá ef ekki væri notast við myndavélarnar í verkefninu. Nánar er hægt að lesa um James Balog og fá tengla á verkefnið, hér.
Til að sjá myndbandið og stutt myndskeið frá Sólheimajökli, sjá nánar á loftslag.is:
Annað tengt efni á Loftslag.is:
![]() |
Hvítmálaðir tindar bera við himin |
Tilkynna um óviðeigandi tengingu við frétt |
Fréttir | Slóð | Facebook | Athugasemdir (0)
4.7.2010 | 10:47
Mýtusíðan fær andlitslyftingu
Í tilefni af uppfærslu á einni af föstu síðunum, þá birtum við hana hér til upplýsinga. Hægt er að nálgast hana uppfærða hér til hægri undir tenglinum Mýtur á loftslag.is, en reglulega bætast við nýjar í sarpinn. Þá má benda á að nú þegar er búið að skrifa mýtur þær sem eru skástrikaðar, en þær bíða þess að færast yfir á mýtusíðuna. Einnig er fjöldinn allur af mýtum sem ekki er búið að skrifa um.
Ýmsar mýtur eru í gangi varðandi ástæður loftslagsbreytinga og hvort loftslagsbreytingar eru yfirhöfuð raunverulegar. Auðvitað er holt að efast, en það getur verið leiðigjarnt til lengdar að vera sífellt að hrekja sömu mýturnar, mýtur sem fátt bendir til að standist vísindalega skoðun. Við á loftslag.is höfum því tekið saman ýmsar mýtur sem eru í gangi í loftslagsumræðunni og er það ósk okkar að með því sé hægt að útiloka smám saman misvísandi upplýsingar sem eru í gangi í loftslagsumræðunni.
Loftslag.is er í samstarfi við Skeptical Science og höfum við þýtt og munum halda áfram að þýða valdar mýtur fyrir þá síðu yfir á íslensku. Þær þýðingar munu einnig birtast hér og eru þær síður merktar með .
Hér fyrir neðan má sjá tengla yfir á margar mýtur og svör við þeim. Hér er reynt að flokka þær niður í rökrétt samhengi eftir því hvort mýtan feli í sér þá hugmynd að það séu engar loftslagsbreytingar í gangi (ekki að hlýna), að loftslagsbreytingar (eða aukning CO2) séu ekki af mannavöldumeða að loftslagsbreytingar (eða aukningin á CO2) séu ekki slæmar.
- Það eru engar loftslagsbreytingar í gangi
- Hitastigsmælingar eru óáreiðanlegar
- Það er að kólna en ekki hlýna
- Ís er ekki að bráðna
- Er ís á Suðurskautinu að minnka eða aukast?
- Hafísbráðnun Norðurskautsins er náttúruleg
- Er hafís Norðurskautsins að jafna sig
- Er ís á Suðurskautinu að minnka eða aukast?
- Climategate tölvupóstarnir benda til samsæris
- Eru einhverjar sjávarstöðubreytingar í gangi?
- Vísindamenn eru ekki sammála um að hlýnunin sé af mannavöldum
- Loftslagsbreytingar eru ekki af mannavöldum
- Mælingar styðja ekki kenninguna
- Gróðurhúsaáhrif CO2 eru lítil
- Afsanna loftslagsbreytingar fyrri tíma, hlýnun jarðar af mannavöldum?
- Að fela núverandi hlýnun
- Það var hlýrra á miðöldum
- Miðaldaverkefnið
- Miðaldir og Loehle
- Miðaldabrellur
- Styrkur CO2 var hærri til forna
- Er hlýnunin af völdum innri breytileika?
- Það er engin fylgni milli CO2 og hitastigs
- Hlýnunin nú er af völdum Sólarinnar
- Aðrar reikistjörnur í sólkerfinu eru að hlýna
- Hlýnunin er af völdum sjávar
- Það er El Nino
- CO2 er ekki eini áhrifavaldur loftslags
- Menn eru of lítilfjörlegir til að hafa áhrif á loftslag
- Losun CO2 manna er lítill hluti heildarlosunar CO2
- Loftslagslíkön eru óáreiðanleg
- Öfgaveður er ekki vegna hlýnunar jarðar
- Loftslagsbreytingar eru ekki slæmar
- Jafnvægissvörun loftslags er lág
- Jafnvægissvörun Lindzen
- Dýr og plöntur geta aðlagast loftslagsbreytingum
- Aukning CO2 í andrúmsloftinu er góð
- CO2 er ekki mengun
- Jafnvægissvörun loftslags er lág
Aðrar óflokkaðar mýtur
Mýtan um trúarbrögð í loftslagsvísindum
10 mýtur varðandi orkumál
Fréttir | Breytt s.d. kl. 10:50 | Slóð | Facebook | Athugasemdir (0)
2.7.2010 | 13:19
Kolefnisfótspor HM 2010
Í dag hefjast 8 liða úrslit á HM í fótbolta og væntanlega eru margir sem fylgjast spenntir með, sá sem þetta skrifar er engin undantekning þar á. Það er af því tilefni, ekki úr vegi að líta aðeins á kolefnisfótspor HM 2010.
Kolefnisfótspor HM 2010: 2,8 milljón tonn CO2e
Til að setja þessa tölu í samhengi, 2,8 milljón tonn svarar til u.þ.b. 6.000 geimskota eða um 20 ostborgara á hvern og einn af íbúum Bretlands.
Myndin hér undir (sem ber að taka með ákveðnum fyrirvara), er úr rannsókn (PDF) sem gerð var á síðasta ári af umhverfis- og ferðamálaráðuneyti Suður-Afríku ásamt sendiráði Noregs þar í landi. Athugunin náði til leikmannanna og ferða þeirra ásamt fylgdarliði, framkvæmdum í sambandi við keppnina, orkunotkun á leikvöngunum ásamt gistingum og ferðalögum áhangenda. Á myndinni má sjá hvernig skiptingin kemur út hlutfallslega:
Áætlað kolefnisfótspor fyrir HM 2010
Gert er ráð fyrir að um 1,2 milljónir áhorfenda muni sjá leikina á leikvöngunum og losun hvers er áætluð um 2,3 tonn, sem samsvarar u.þ.b. 4 mánaða orkunotkun (olía og rafmagn) á venjulegu heimili í Bretlandi. Sem betur fer fyrir kolefnisfótsporið, horfa flestir á leikina í beinni útsendingu sjónvarps og er giskað á að um 93 milljónir horfi á hvern leik að meðaltali. Miðað við 2 klukkutíma á hvern leik, með hléi, framlengingum, vítaspyrnukeppnum og hlutanum þar sem leikmenn skiptast á treyjum í lokin, þá er þetta uppsafnað um 12 milljarðar klukkustundir af afþreyingarefni.
Ef við gerum ráð fyrir því að þessar tölur séu nokkurn vegin réttar, má áætla að kolefnisfótsporið við að sjá einn klukkutíma af HM sé um 230 g CO2e. Þetta samsvarar því að hver leikur sé eins og að kaupa sér 2 cappuccino eða að fá sér hálfan lítra af innfluttum bjór. Þarna er ekki reiknað með orkunotkun sjónvarpsins eða bjórþambiáhorfenda heima í stofu, svo dæmi sé tekið. Til samanburðar þá er kolefnisfótspor hvers leiks í ensku úrvalsdeildinni um 820 tonn, sem samsvarar um 45 g CO2e fyrir hverja áhorfsklukkustund.
Gagnrýni
Til að koma til móts við kolefnisfótsporið vegna HM 2010, þá hafa m.a. verið gróðursett 200.000 tré í Jóhannesarborg og tugir þúsunda að auki í Cape Town, Rustenberg, Tshwane/Pretoria og Durban.
FIFA ásamt yfirvöldum í Suður-Afríku hafa samt sem áður verið gagnrýnd fyrir vöntun á áætlun um hvernig eigi að mæta umhverfisáhrifunum vegna HM 2010. Suður-afrísk yfirvöld kölluðu eftir hugmyndum til að mæta kolefnislosun vegna keppninnar í nóvember síðastliðnum, en talið er að það hafi verið orðið of seint að setja allar þær hugmyndir í framkvæmd, þar sem gera þarf ráð fyrir um 2 ára undirbúningsvinnu fyrir marga þættina.
Hið svokallaða Green Goal Programme FIFA inniheldur lista metnaðarfullra markmiða fyrir umhverfisvænt HM og hafa yfirvöld í Suður-Afríku brugðist við mörgum þeirra. En FIFA hefur ekki áætlun um hvernig beri að ná þessum markmiðuð eða hvernig eigi að áætla hvort að þeim hafi verið náð. T.d. segir að stefna eigi að því að samgöngur á leikdegi, til og frá leikvöngum eigi að vera í minnsta lagi 50% á reiðhjólum, á göngu eða með öðrum aðferðum sem ekki losa koldíoxíð. Með því að ná þessu marki væri hægt að ná töluverðum áfanga við að draga úr kolefnisfótsporinu á staðnum. Það er þó óvíst hvort þetta markmið er annað en háleitar vonir settar á blað. Á sama hátt má nefna heimasíðu stjórnvalda í Suður-Afríku Greening 2010, sem hefur svipaða veikleika, en þar eru nefnd göfug áform, en þar virðist einnig vanta eftirfylgni við markmiðin.
Göfug og háleit markmið eru þó ágætis byrjun og vonandi verða betri áætlanir og eftirfylgni við næstu keppni sem haldin verður í Brasilíu 2014. Fyrir okkur sem fylgjumst spennt með keppninni í ár, þá má hafa það í huga að það virðist vera nokkuð í land varðandi losun gróðurhúsalofttegunda og önnur umhverfisáhrif vegna HM 2010. Við getum því stefnt að því að setja markið hærra í framtíðinni.
Heimildir:
- Guardian Carbon Footprint World Cup
- Feasibility Study for a Carbon Neutral 2010 FIFA World Cup (PDF)
- Green Goal Programme
- Greening 2010
- Wikipedia HM Brasilíu 2014
Tengt efni á loftslag.is:
![]() |
Holland sló út Brasilíu |
Tilkynna um óviðeigandi tengingu við frétt |
Fréttir | Slóð | Facebook | Athugasemdir (0)
1.7.2010 | 21:43
Hafís og siglingaleiðir
Hafís í Norður-Íshafi hefur farið minnkandi á undanförnum árum og áratugum og talið er að hækkandi hitastig Jarðar sé meðal þess sem er drifkraftur þeirrar þróunar. Við höfum skrifað nokkuð um þróun hafíss á loftslag.is og langar okkur að benda á nokkrar færslur um efnið:
Fyrst má nefna til sögunnar glænýjan gestapistil eftir Emil Hannes Valgeirsson, sem nefnist Íshafsbráðnun og siglingaleiðir. Þetta er fróðlegur pistill þar sem Emil veltir m.a. vöngum um hugsanlega opnun siglingaleiða, bæði um Norðvesturleiðina sem og Norðausturleiðina:
...horfa ýmsir vonaraugum til Norðvesturleiðarinnar í sambandi við skipaferðir. Sjálfsagt er þó langt í að slíkar siglingar verði almennar nema í mjög takmarkaðan tíma á ári. Norðausturleiðin sem liggur norður fyrir Síberíu er hinsvegar mun oftar aðgengileg stórskipum, ísinn er samt óútreiknanlegur og sem dæmi um það þá opnaðist Norðausturleiðin ekki árið 2007 þrátt fyrir metbráðnun.
Önnur færsla sem okkur langar að nefna sérstaklega er færslan Spár um lágmarksútbreiðslu hafíss í ár. Þarna eru vangaveltur um spár um útbreiðslu hafíss við sumarlágmarkið í september næstkomandi, þar segir m.a.:
Flestir virðist spá því að útbreiðslan verði mitt á milli þess sem hún var árið 2008 (um 4,7 milljónir ferkílómetra*) og 2009 (5,4 milljónir ferkílómetra), en fyrir þá sem ekki vita þá var lægsta útbreiðsla sem mælst hefur árið 2007 (um 4,3 milljónir ferkílómetra).
Annað tengt efni á loftslag.is:
![]() |
Lítill áhugi á Norðvesturleið |
Tilkynna um óviðeigandi tengingu við frétt |
Fréttir | Breytt s.d. kl. 21:49 | Slóð | Facebook | Athugasemdir (0)
29.6.2010 | 09:14
Yfirvofandi ísöld og vísindaleg umræða
Síðustu vikuna höfum við birt 2 myndbönd á loftslag.is sem okkur langar til að nefna hér á blogginu:
Í fyrra myndbandinu eru skoðaðar sögusagnir um yfirvofandi ísöld vegna stöðvunar Golfstraumsins. Hvernig komu þessar sögusagnir til og hverju spáðu vísindamenn...sjá Fregnir af yfirvofandi ísöld hraktar.
Hitt myndbandið er endurbirting myndbands um þær grunn ályktanir sem vísindamenn hafa um, að losun gróðurhúsalofttegunda af mannavöldum valdi loftslagsbreytingum og hvernig vísindaleg umræða hefur verið um málið, m.a. þeirra sem eru efins um þá kenningu...sjá Vísindaleg umræða.
Tengt efni á loftslag.is:
- Ósérhæfðir sérfræðingar
- 32.000 sérfræðingar
- Al Gore gegn Durkin
- Fleiri myndbönd Potholer54
- Myndbönd eftir Greenman3610
Fréttir | Breytt s.d. kl. 09:17 | Slóð | Facebook | Athugasemdir (0)
27.6.2010 | 10:50
Spár um lágmarksútbreiðslu hafíss í ár
Undanfarin ár hafa nokkrir vísindamenn og áhugamenn um hafís Norðurskautsins gefið út spár um það hvernig útbreiðsla hafíss verður háttað í lok sumarbráðnunar. Þetta er meira til gamans gert en alvöru, en einnig er þetta nokkur keppni milli þeirra sem taka þátt til að sýna fram á að þeirra aðferð til að spá um hafísútbreiðslu sé best. Þess ber að geta að sá sem þetta skrifar hefur ekki mikla trú á slíkum spám því allt of mikið getur gerst sem hefur áhrif á útbreiðsluna en það er gaman að prófa og sjá spádómsgáfurnar.
Hér fyrir neðan er nýjasta spáin, sem gefin var út 22 júní síðastliðinn, en lesa má um spána hér September Sea Ice Outlook: June Report

Spár um hafísútbreiðslu (mynd frá http://www.arcus.org/search/seaiceoutlook). Smelltu á myndina til að stækka.
Þess ber að geta að til að taka þátt í þessari spá, þá þurftu menn að senda inn tölur í lok maí, en síðan þá hefur margt gerst og bráðnun hafíssins komist á mikið skrið.
Flestir virðist spá því að útbreiðslan verði mitt á milli þess sem hún var árið 2008 (um 4,7 milljónir ferkílómetra*) og 2009 (5,4 milljónir ferkílómetra), en fyrir þá sem ekki vita þá var lægsta útbreiðsla sem mælst hefur árið 2007 (um 4,3 milljónir ferkílómetra).
Hér má sjá þróunina undanfarin ár:

Hafísútbreiðsla í september frá 1979-2009 sýnir stöðuga hnignun (mynd National Snow and Ice Data Center - NSIDC).
Til að setja hámarksútbreiðsluna undanfarna áratugi í sögulegt samhengi þá er hér línurit sem sýnir útbreiðsluna undanfarna hálfa öld eða svo sumarútbreiðslan er neðsti hluti hverrar árstíðasveiflu á línuritinu:
Það er því greinilegt að það eru miklar sveiflur á milli ára og margt getur gerst á stuttum tíma.
Staðan þegar þetta er skrifað er sú að útbreiðslan í dag er minni en hún var metárið 2007, fyrir sömu dagsetningu:
Að auki er rúmmál hafíssins það lægsta sem hefur verið undanfarna áratugi, samkvæmt útreikningum Polar Science Center:
Hvað gerist í framhaldinu er óljóst, vindar og skýjahula spila mikla rullu auk hitastigs sjávar og lofts þar sem hafísinn er. Þykkt og dreifing ræður miklu og óteljandi þætti hægt að taka inn í spárnar.
Mín spá:
Ég ákvað lauslega áður en ég hóf að skrifa þessa færslu að líta eingöngu á eitt og miða mína spá út frá því þ.e. leitninni undanfarna þrjá áratugi. Ef ég hefði gert það þá hefði spá mín orðið sú að lágmarksútbreiðsla eftir sumarbráðnun yrði sirka svipuð og í fyrra (5,4 milljónir ferkílómetra) sem er svipað og margir af sérfræðingunum spá. Svo ákvað ég að taka inn í reikningin bráðnunina undanfarinn mánuð og þá staðreynd að útbreiðslan nú er minni en árið 2007 sem var metárið. Einnig tek ég með í reikninginn að rúmmal hafíssins hefur hreinlega hríðminnkað undanfarna mánuði og því ætti að vera ljóst að það ætti að þurfa minna til að bráðnun nái sér á strik enn frekar. Auk þess erum við stödd núna á ári sem verður mögulega það heitasta frá upphafi mælinga.
Því spái ég hér með að lágmarksútbreiðsla hafíss verði sambærileg við metárið 2007 þ.e. að það verði í kringum4,3 milljónir ferkílómetra í lok sumarbráðnunar.
Ég vil að lokum skora á sem flesta til að skrifa spá sína hér fyrir neðan og rökstuðning. Allt í gamni að sjálfsögðu.
*Hér er miðað við tölur frá NSIDC og má búast við lokatölum í október í haust. Bíðum spennt.
- - -
Við viljum gjarnan fá spár varðandi þetta í athugasemdir á loftslag.is og vísum því í athugasemdakerfið við færsluna þar, sjá Spár um lágmarksútbreiðslu hafíss í ár
24.6.2010 | 09:51
Samhljóða álit vísindamanna styrkist
Nýlega birtist grein í PNAS (Proceedings of the National Academy of Sciences) þar sem staðfest er samhljóða álit (e. consensus) loftslagsvísindamanna að loftslagsbreytingar séu raunverulegar og séu af völdum manna (Anderegg o.fl. 2010).
Gerð var greining á ritrýndum skrifum 1372 loftslagsvísindamanna og kom í ljós að nánast allir vísindamenn sem eru virkir á sviði loftslagsvísinda telja að loftslagsbreytingar séu af völdum manna. Í ljós kom að um 2% af þeim 50 vísindamönnum sem teljast virkastir í loftslagsvísindum eru ekki sannfærðir um að loftslagsbreytingarnar séu af mannavöldum. Svipað er upp á teningnum þegar skoðaðir eru topp 100 virkustu vísindamennirnir, en þá eru 3% ekki sannfærðir og um 2,5% af topp 200 vísindamönnunum hafa efasemdir um loftslagsbreytingar af mannavöldum. Þá kom í ljós að því meira sem vísindamenn hafa skrifað í ritrýnd tímarit - því líklegri voru þeir til að vera sannfærðir um loftslagsbreytingar af mannavöldum.
Höfundar segja enn fremur (lauslega þýtt):
Þrátt fyrir að fjölmiðlar leitist við að sýna báðar hliðar rökræðunnar um loftslagsbreytingar af mannavöldum, sem getur leitt til misskilnings meðal almennings um hvar sú rökræða stendur, þá eru ekki allir loftslagsvísindamenn jafnir hvað varðar vísindalegan trúverðugleika og sérfræðiþekkingu á loftslagskerfum.
Þá benda höfundar á að þessi umfangsmikla greining á þeim sem eru framarlega í loftslagsvísindum bendi til þess að umræða í fjölmiðlum og meðal stjórnmálamanna, sem og almenn umræða, ætti að taka mið af þessu þegar verið er að fjalla um loftslagsmál.
Þetta er í samræmi við fyrri rannsóknir af svipuðu meiði, en Doran o.fl. (2009) komust að svipaðri niðurstöðu, sjá t.d. mýtuna Vísindamenn eru ekki sammála, en þar segir meðal annars:
Það virðist sem rökræðan um ástæður hnattrænnar hlýnunar og hlutverk mannlegra athafna í henni sé lítil sem engin á meðal þeirra sem eru framarlega í að skilja vísindalegan grunn í langtíma loftslagsferlum. Helsta áskorunin viðist vera hvernig hægt er að koma þeim staðreyndum til yfirvalda og til almennings sem virðist enn halda að það séu enn rökræður um málið meðal vísindamanna. Doran o.fl. 2009
Heimildir og ítarefni
Anderegg o.fl. 2010 - Expert credibility in climate change
Doran o.fl. 2009 - Examining the Scientific Consensus on Climate Change
Tengt efni af loftslag.is
Fréttir | Slóð | Facebook | Athugasemdir (5)
23.6.2010 | 09:02
Kolefnisfótspor | Bjór
Kolefnisfótspor af hálfum lítra af bjór í koldíoxíð jafngildi, CO2e:
300g CO2e: Innlendur bjór af krana á hverfiskránni
500g CO2e: Innlendur átappaður bjór í Vínbúðinni, eða erlendur bjór af krana á kránni
900g CO2e: Átappaður erlendur bjór í Vínbúðinni, sem kemur langt að
- Athugið að útreikningar eru gerðir út frá breskum aðstæðum og ber því ekki að taka bókstaflega - en geta þó verið leiðbeinandi
Bjór er væntanlega ekki stærsti losunarvaldur gróðurhúsalofttegunda hjá meðal fjölskyldunni. Þó geta nokkrir bjórar af innfluttum bjór á dag valdið kolefnisfótspori sem samsvarar allt að einu tonni CO2e á ári.
Það eru nokkrir áhrifavaldar sem skipta máli þegar kolefnisfótsporið er skoðað. Þættir eins og innihald, pökkun, eldsneyti, rafmagn og flutningur skipta miklu máli. Einnig þarf að skoða hluti eins og ferðalög starfsmanna, kolefniskostnaðinn við að skipta út tækjabúnaði þegar þess þarf, ásamt notkun skrifstofuáhalda og búnaðar.
Samkvæmt rannsókn sem gerð var á Keswick Brewing Company, sem er lítið brugghús á Bretlandi, þá er innihaldið rúmlega þriðjungur kolefnisfótsporsins, eldsneyti og rafmagn um fjórðungur og ferðalög starfsmanna um tíundi hluti. Gerjunarferillinn var um það bil tuttugasti hluti.
Nokkrum kílómetrum frá Keswick brugghúsinu, er stórt ölgerðarhús. Afhending vöru frá því til kráa í nágrenninu fer í gegnum dreifingarmiðstöð í nokkur hundruð kílómetra fjarlægð. Þetta er algengt meðal stærri ölgerða erlendis. Það virðist því vera góð hugmynd að kaupa bjór sem er framleiddur í héraði eða innlendann. Hér á Íslandi kemur væntanlega til flutningur hráefnis en kolefnisfótspor sjálfrar framleiðslunnar er mögulega mun minna en framleiðslunnar erlendis, vegna vatnsorkunnar okkar. Einnig er minna kolefnisfótspor vegna flutninga hinnar fullunnu vöru, þegar flutningur er einungis innanlands. Þess má einnig geta að varðandi flutning bjórs um langan veg og kolefnisfótsporsins, þá er þyngdin mikilvæg og bjór í dós er léttari en flöskubjór, því má ætla að dósabjór sem kemur um langan veg sé með léttara kolefnisfótspor en flöskubjórinn.
Almennt má segja að þá gildi þumalfingursreglan, því lengra sem vörur koma að, þeim mun stærra er kolefnisfótsporið. Pakkningar og þyngd skipta einnig máli í öllum vöruflokkum ásamt flutningsmáta.
Heimild:
Tengt efni á loftslag.is:Fréttir | Slóð | Facebook | Athugasemdir (2)
21.6.2010 | 22:24
Olíulekinn í samhengi
Olíulekinn í Mexíkóflóa er gríðarlegt umhverfisslys. Mér hefur persónulega fundist fréttaflutningur hér á landi (og víðar) vera út frá einhverjum undarlegum vinkli um það hvað BP er alveg að fara að gera... eða næstum búið að koma í veg fyrir... í sambandi við lekann. Það virðist þó að mínu mati hafa orðið einhver breyting á því nýlega, nú þegar umfang olíumengunarinnar er að verða öllum ljós. Það hafa verið misvísandi fréttir af því hversu mikil olía lekur í flóann á hverjum sólarhring. Í fyrstu var talað um "aðeins" 5.000 tunnur á sólarhring og þótti mörgum nóg um. Nýlegar fréttir benda þó til að lekinn úr borholunni á hverjum sólarhring sé um 40.000 tunnur, jafnvel meira. Hvort það hefur verið svo mikið magn allan tímann skal ósagt látið, fyrir utan svo að það hefur náðst einhver árangur við að draga úr lekanum. Þessi leki mun hugsanlega hafa mikil áhrif á vistkerfi Mexíkóflóa og ströndum sem liggja að honum og jafnvel víðar. Þetta mengunarslys er nú þegar orðið eitt það stærsta í sögunni og engin ástæða til að draga eitthvað úr þeirri staðreynd. Meintur árangur við að draga úr lekanum héðan í frá minnkar ekki þann skaða sem nú þegar er orðin vegna þessa. Vonandi munu aðgerðir þær sem nú eru í gangi bera skjótan árangur, svo hægt verði að koma í veg fyrir að umfang mengunarinnar verði enn meiri en komið er.
Það hafa ýmsir aðilar skoðað lekann í samhengi við aðra hluti. Til að mynda hafa sést ýmsir útreikningar á samanburðinum á losun CO2 á dag í heiminum og svo lekans í Mexíkóflóa á degi hverjum. Til að nálgast þetta má líta til tölunnar 40.000 tunnur á sólarhring. Hver tunna er u.þ.b. 138,8 kg af óunninni olíu, heimild. 40.000 tunnur * 138,8 kg / tunna = 5.552.000 kg af olíu á sólarhring, eða 5.552 tonn, sem verður að teljast nokkuð mikið...
Til samanburðar þá höfum við, með losun koldíoxíðs vegna bruna jarðefnaeldsneytis, bætt 2 ppm af CO2 á ári í lofthjúpinn, sem eru um 15,6 Gt (milljarðar tonna) CO2 á ári. Þarna erum við að tala um magn CO2 í kg, til einföldunar skulum við bera þessa tölu saman við olíulekann. Útreikningur: 15.600.000.000 tonn / 365 dagar / 5552 tonnum af olíu / dag = 7.698 olíulekar á dag...
Til að draga þetta saman, þá þýðir í stuttu máli: Losun CO2 á degi hverjum svarar til u.þ.b. 7.700 olíulekum á degi hverjum...
Þessi útreikningur svarar til þess útreiknings sem er gerður hér. Á RealClimate nefna þeir töluna 5.000 í þessu sambandi, en þeir gáfu ekki upp útreikningana sérstaklega. Hvort sem er réttara, má sjá að losun CO2 er gríðarleg á degi hverjum.
Mannkynið losar mikið magn af CO2...það er nokkuð ljóst og það mun hafa afleiðingar, sérstaklega til lengri tíma litið. Umhverfisslysið í Mexíkóflóa verður þó ekki minna af því og það verður að taka á því máli af styrk til að koma í veg fyrir enn verri afleiðingar en fyrirsjánlegar eru miðað við núverandi olíumengun, það er hið mikilvæga verkefni dagsins...til lengri tíma verðum við svo að draga úr losun á CO2 í lofthjúpinn...við þurfum að átta okkur á því sem fyrst.
Heimildir:
Tengt efni á loftslag.is:- Súrnun sjávar hraðari en fyrir 55 milljónum ára
- Fordæmalaus hlýnun Tanganyika vatns
- Útdauðinn fyrir 250 milljónum ára
- Fjöldaútdauði lífvera
- Súrnun sjávar hinn illi tvíburi
![]() |
Olíubætur berist fljótt |
Tilkynna um óviðeigandi tengingu við frétt |
Fréttir | Breytt 22.6.2010 kl. 12:54 | Slóð | Facebook | Athugasemdir (2)
18.6.2010 | 16:35
Hafísútbreiðslan í maí
Fréttin hér undir er af loftslag.is, sjá Hafís | Maí 2010. Það er ekki úr vegi að rifja hana upp í sambandi við þessa frétt mbl.is.
...
Hafísútbreiðslan á norðuskautinu minnkaði verulega í maí eftir að hafa verið mikil í apríl. Hitastigið var yfir meðallagi sem hefur væntanlega haft áhrif á útkomuna. Undir lok mánaðarins var útbreiðslan orðin nærri því sem var í maí 2006, sem er það lægsta sem mælst hefur fyrir lok maí mánaðar. Greiningar sérfræðinga frá Háskólanum í Washington reikna með að ísrúmmálið hafi haldið áfram að minnka miðað við síðastliðin ár. Það er hins vegar of snemmt að segja til um það hvort að útbreiðsla hafíssins verði minni í september, en árið 2007, þegar það var minnst frá því mælingar hófust. Það fer mikið eftir aðstæðum í sumar, þ.e. veðurfari og vindi á næstu mánuðum.
Hafísútbreiðsla um mánaðarmótin maí-júní 2010. Miðgildið er merkt með bleikri línu. Hafísútbreiðslan er 500.000 ferkílómetrum undir meðaltalinu 1979-2000.
Þróun hafíss 2010, viðmiðun við meðaltal 1979-2000 og einnig 2006 og 2007.Samanburður á útbreiðslu hafís í maímánuði, eftir árum. Eins og sjá má er línuleg minnkun í þróun útbreiðslu hafíssins.
Hitafrávik fyrir maí 2010. Hitastigið var víðast 2°-5°C yfir meðaltalinu í mánuðinum.
Frávik í rúmmáli hafíss síðan 1979. Í maímánuði var rúmmálið minnst fyrir mánuðinn síðan mælingar hófust.
Heimildir:
- NSIDC.org - hafísinn maí 2010
- Allar myndirnar eru af heimasíðu NSIDC
- Helstu sönnunargögn
- NASA | Heitasta 12 mánaða tímabilið
- Hitastig árið 2009
- Tag - Hafís
- Ísbirnir við hnignandi hafís
- Er hafís Norðurskautsins að jafna sig?
- Síðbúið vetrarhámark hafíssins á norðurhveli
![]() |
Hafís þokast nær landi |
Tilkynna um óviðeigandi tengingu við frétt |
Fréttir | Slóð | Facebook | Athugasemdir (0)