Minni bráðnun jökulbreiðanna

Nýjar rannsóknir benda til þess að bráðnun jökulbreiðanna á Grænlandi og Vestur-Suðurskauti sé minni en áður hefur verið áætlað.

Grænlandsjökull við ströndina, myndin tengist ekki fréttinni.

Fylgst hefur verið með jökulbreiðunum með gervihnettinum GRACE frá árinu 2002, en hann nemur litlar breytingar í þyngdarsviði Jarðar. Þessar breytingar eru tengdar breytingum í massa Jarðar, þar með talið ís og vatn. Þegar ís bráðnar í jökulbreiðunum þá hefur það áhrif á þyngdarsviðið.

Með þetta að hliðarljósi, þá hafa fyrri áætlanir á bráðnun Grænlandsjökuls verið um 230 gígatonn á ári – sem samsvarar um 0,75 mm hækkun í sjávarstöðu á ári. Fyrir Vestur-Suðurskautið voru fyrri tölur um 132 gígatonn á ári. Samkvæmt nýju mati, þá virðist sem þessar fyrri niðurstöður hafi ekki notað rétt mat á fargbreytingum við bráðnun jökulbreiðanna (e. glacial isostatic adjustment), en við bráðnun jökulbreiðanna þá lyftist landið upp vegna fargléttunar. Það mat hefur töluverð áhrif á heildarniðurstöðuna.

Nánar um þetta á loftslag.is; Minni bráðnun jökulbreiðanna. 

Tengt efni á loftslag.is

• Jöklabreytingar og hækkun sjávarborðs heimshafanna
• Spurt og svarað um sjávarstöðubreytingar
• Bráðnun Grænlandsjökuls
• Austur-Suðurskautið líka að missa massa?
• Bráðnun Grænlandsjökuls til norðvesturs