Hnattræn losun CO2 fyrir árið 2009

Í the Guardian er hægt að skoða nýtt kort sem sýnir hlutfallslega losun CO2 eftir löndum, en þar er einna mest aukning hjá Kína og Indlandi milli áranna 2008 og 2009. Á sama tíma þá minnkar losun í Bandaríkjunum, Kanada, Rússlandi og Evrópu.

Milli áranna 2008 og 2009 þá jókst losun frá Kína um 13,3% og losaði um 7,7 milljarða tonna – en næst þar á eftir eru Bandaríkin með um 5,4 milljarða tonna á ári.

[...]

Nánar á loftslag.is, þar sem hægt er að sjá kortið, Hnattræn losun CO2 fyrir árið 2009

Tengt efni á loftslag.is

• Styrkur CO2 í sögulegu samhengi – 800 þúsund ára ferðalag í tíma á aðeins 3 mínútum
• Yfirlýsing frá breska jarðfræðafélaginu um loftslagsbreytingar
• Hvernig CO2 stjórnar hitastigi Jarðar
• CO2 – áhrifamesti stjórntakkinn

 

Athugasemdir

[Matthías (IP-tala skráð) 3.2.2011 kl. 12:28]

Hér er áhugaverð frétt um aukna bráðnun Grænlandsjökuls og lengri tíma hennar ár hvert.

[albert (IP-tala skráð) 3.2.2011 kl. 12:51]

Mig langar til að spyrja hvort við séum ekki bara komin yfir tipping point í þessum loftslagsmálum og hvort það verði nokkuð snúið við?

[Sveinn Atli Gunnarsson, 3.2.2011 kl. 12:55]

Takk fyrir ábendinguna Matthías, þetta er áhugaverð frétt, við skrifum kannski eitthvað um þetta við tækifæri. Við höfum fjallað um svipað efni, eins og t.d. má sjá hér.

[Sveinn Atli Gunnarsson, 3.2.2011 kl. 13:08]

Albert, þau sjónarmið hafa heyrst að við höfum farið yfir einhverja vendipunkta í loftslagsbreytingum. Ég ætla svo sem ekki að þykjast vera einhver sérfræðingur í því hvort að ekki verði aftur snúið eða ekki, en mig langar að benda á frétt þessu tengt af loftslag.is, Vendipunktar í vistkerfum, þar sem segir meðal annars:

Vísindamenn eru almennt sammála um það að hnattrænar breytingar í loftslagi hafi áhrif á umhverfið – þ.e. breytingar á úrkomu, hitabylgjum, hækkandi sjávarstöðu, vatnsskort á þurrum svæðum o.fl. Margir hverjir telja að hætta sé á að farið sé yfir svokallaða vendipunkta, þ.e. að farið verði yfir ákveðna þröskulda við lítilsháttar aukningu í hitastigi, sem hafa myndi miklar breytingar á kerfum jarðar.

Hér má einnig lesa meira um vendipunkta, Tipping Points - tafla 1 er sérstaklega áhugaverð.